અમદાવાદ: લગ્નના ત્રણ મહિના બાદ જ પત્નીએ પતિનો પ્રેમિકા સાથેનો સંબંધ પકડ્યો, સાસરિયાએ માંગ્યા 20 લાખ અને સ્કોર્પિયો ગાડી

અમદાવાદ: લગ્નના ત્રણ મહિના બાદ જ પત્નીએ પતિનો પ્રેમિકા સાથેનો સંબંધ પકડ્યો, સાસરિયાએ માંગ્યા 20 લાખ અને સ્કોર્પિયો ગાડી
પ્રતીકાત્મક તસવીર - shutterstock

કંટાળીને યુવતીએ ફરિયાદ નોંધાવતા પોલીસે તપાસ શરૂ કરી છે. 

  • Share this:
અમદાવાદ: શહેરમાં (Ahmedabad) રહેતી એક યુવતીએ (married women) તેના પતિ અને સ્ત્રી મિત્ર સહિત સાત લોકો સામે ફરિયાદ નોંધાવી છે. તેણે આક્ષેપ કર્યા છે કે, લગ્નના બે ત્રણ માસ બાદ જ તેના પતિના ફોનમાં અજાણી સ્ત્રીના ફોન મેસેજ તેને મળી આવ્યા હતા. પતિને આ સ્ત્રી બાબતે પૂછતાં તેને માર માર્યો હતો. યુવતીએ સાસરિયાઓને ફરિયાદ કરતા દેરાણી જેઠાણી તરીકે રહેતી એક જ કુટુંબની બહેનોને રાખવા સાસરિયાઓએ 20 - 20 લાખ અને સ્કોર્પિયો ગાડી માંગી હતી. કંટાળીને યુવતીએ ફરિયાદ નોંધાવતા પોલીસે તપાસ શરૂ કરી છે.

શહેરના વાસણા વિસ્તારમાં રહેતી 26 વર્ષીય યુવતી ના લગ્ન વર્ષ 2017માં મહારાષ્ટ્ર ધુલિયા ખાતે એક યુવક સાથે થયા હતા. લગ્ન બાદ તમામ સર સામાન તથા અન્ય કરિયાવરની વસ્તુઓ સાથે તે તેના પતિ સાથે સંયુક્ત પરિવારમાં રહેવા ગઈ હતી. તેના સાસરિયાઓમાં તેની સાસુ, સસરા, જેઠ સહિતના લોકો હતા. લગ્ન બાદ બે-ત્રણ મહિના સુધી આ સાસરિયાઓએ તેને સારી રીતે રાખી હતી. પરંતુ બાદમાં નાની-નાની બાબતે બોલાચાલી કરી ઘરનું કામકાજ આવડતું નથી તેમ કહી તેને ત્રાસ આપવાનું શરૂ કર્યું હતું. એટલું જ નહીં આ યુવતીની સાસુ ન શોભે તેવા અપશબ્દો કહીને તેને અપમાનિત કરતી હતી.



લગ્નના ત્રીજા મહિના બાદ તેના પતિના ફોનમાં કોઈ અજાણી સ્ત્રીના મેસેજ અને કોલ આવ્યા હતા. જેની જાણ આ યુવતીને થતાં તેણે તેના પતિને આ સ્ત્રી બાબતે પૂછ્યું તો તેના પતિએ ઉશ્કેરાઇ અને તેને ગાળો બોલી હતી અને બાદમાં માર પણ માર્યો હતો. જ્યારે આ યુવતીએ સાસરીયા પક્ષને આ વાત કરી તો તે લોકોએ તેના પતિનું ઉપરાણું લઈને જેમતેમ બોલવા લાગ્યા હતા. જેથી આ યુવતીએ તેના મોટા પપ્પાને આ બાબતની જાણ કરતા બંને પક્ષે મિટિંગ થઈ હતી.

ગુજરાત હાઇકોર્ટમાં રાજ્ય સરકારે સોગંદનામું કર્યું રજૂ, કોરોનાની સ્થિતિને પહોંચી વળવા સક્ષમ હોવાનો દાવો

જેથી બાદમાં સાસરિયાઓએ આ યુવતીને થોડો સમય સારી રીતે રાખી હતી. ત્યારબાદ ફરીથી આ યુવતીને જાણ થઈ કે, તેનો પતિ અન્ય સ્ત્રી સાથે વાતચીત કરે છે. જેથી તેણે તેના પતિને અન્ય  મહિલા મિત્ર સાથે વાતચીત ન કરવાનું કહેતા તેના પતિએ ફરી તેની સાથે ઝઘડો તકરાર કર્યો હતો. અવારનવાર પતિની મહિલા મિત્ર મેઘનાના લીધે તે બંને વચ્ચે બોલાચાલી થતી હતી અને તેનો પતિ તેને અવારનવાર મારી નાખવાની ધમકી આપતો હતો.

ભાવનગરનાં કોરોના વોરિયર્સનો દીકરો ઇરાનનાં મધદરિયે ફસાયો, ખાવાપીવાનાં પણ પડી રહ્યાં છે ફાંફા

જેથી આ યુવતીએ તેની જેઠાણી બહેનને વાત કરી હતી. જેથી જેઠાણી બહેને બંનેને વાતચીત કર્યા બાદ સંસાર સારો ચાલ્યો હતો. જોકે ફરીથી પતિની સ્ત્રી મિત્રના કારણે બંને વચ્ચે બોલાચાલી શરૂ થઈ હતી. આ બધી બાબતોને વચ્ચે યુવતીના સાસરીવાળાઓએ પિયરપક્ષ ના લોકોને બોલાચાલી કરી કહ્યું હતું કે, બન્ને દીકરીઓના 20 20 લાખ રૂપિયા અમને આપી દો અને સ્કોર્પિયો ગાડી આપી દો તો અમે સમાધાન કરી બંનેને રાખીશું તેમ કહી ઝઘડો કર્યો હતો અને બાદમાં આ યુવતીના મોટા પપ્પાને સ્કોર્પિયો ગાડીની ચાવી હાથમાંથી છીનવી લીધી હતી.



બાદમાં ફરી યુવતીના પરિવારજનોએ તેના જેઠને સમાધાન કરવા માટે બોલાવતા સમાજના વડીલો ને ભેગા કરી સમાધાન કરવાની વાત કરી હતી. ત્યારે પણ આગ્રા ખાતે સમાધાન માટે ભેગા થવાનું હતું પરંતુ તેના સાસરિયાઓ ત્યાં આવ્યા ન હતા અને છેલ્લી ઘડીએ ફરી ગયા હતા. જેથી સમગ્ર બાબતને લઈને આ યુવતીએ તેના પતિ અને સ્ત્રી મિત્ર અને સાસરિયાઓ સહિતના સાત સભ્યો સામે ફરિયાદ નોંધાવતા મહિલા પોલીસે આ અંગે તપાસ શરૂ કરી છે.
Published by:Kaushal Pancholi
First published:April 20, 2021, 10:39 am

ટૉપ ન્યૂઝ