અમદાવાદ શહેરમાં રાત્રે વરસાદ, સરેરાશ 1 ઇંચ વરસ્યો

અમદાવાદ : અમદાવાદ શહેરમાં રાત્રે વીજળીના કડાકા સાથે વરસાદનું આગમન થયું હતું. ગોમતીપુર, નિકોલ, નરોડા, ચાંદખેડા, મોટેરા, સરદારનગર, મેમ્કો, નારણપુરા, ઘાટલોડિયા, નારોલ, ઈસનપુર, વટવા, ઘોડાસર, જશોદાનગર, રામોલ, સરખેજ, ગોતા, રાણીપ, ન્યુ રાણીપ, નારણપુરા, ઘાટલોડિયા સહિતના વિસ્તારમાં વરસાદ પડ્યો હતો. અમદાવાદમાં સરેશાર એક ઇંચ જેટલો વરસાદ પડ્યો છે.

વરસાદના કારણે આનંદનગર રોડ પર પુષ્કળ પાણી ભરાયાં હતા. શહેરમાં ઓઢવમાં 1 ઇંચ, વિરાટ નગરમાં દોઢ ઇંચ, પાલડી-ઉસ્માનપુરામાં 1-1 ઇંચ, સરખેજ, મેમ્કો, દુધેશ્વર, રાણીપમાં 2-2 ઇંચ, ચાંદખેડા, અડધો ઇંચ, મણિનગરમાં 1 ઇંચ વરસાદ પડ્યો હતો.

આ પણ વાંચો - રાજ્યમાં કોરોનાના નવા 1175 કેસ નોંધાયા, 24 કલાકમાં 16 દર્દીઓના મોત

છેલ્લાં ચોવીસ કલાકમાં રાજ્યના 30 તાલુકાઓમાં એક થી બે ઈંચ જેટલો વરસાદ વરસ્યો છે. જેમાં મહુવા(સુરત), ધરમપુર, સોનગઢ, ચોર્યાસી, લખતર, જલાલપોર, કપરાડા, ગોંડલ, વાલોડ, વ્યારા, ભરૂચ, ઉમરપાડા, માંડવી(સુરત), આંકલાવ, કુંકરમુંડા, પલસાણા, દસાડા, લાલપુર, સમી, જામકંડોરણા, નાંદોદ, કલ્યાણપુર, સાગબારા, ડોલવાણ, ધંધુકા, લિમડી, સુરત શહેર, ઉમરગામ, વિરમગામ, માંગરોળ(સુરત) અને ભાભોર તાલુકામાં 25 મીમી થી 50 મીમી એટલે કે એક થી બે ઈંચ સુધીનો વરસાદ વરસ્યો છે. તે ઉપરાંત 32 તાલુકાઓમાં અડધાથી એક ઈંચ જયારે 96 તાલુકાઓમાં અડધા ઈંચથી ઓછો સામાન્ય વરસાદ વરસ્યો હોવાનું સ્ટેટ ઈમરજન્સી ઓપરેશન સેન્ટર દ્વારા જણાવાયું છે.

રાજ્યમાં ચાલુ મોસમનો સરેરાશ 86.72 ટકા વરસાદ નોંધાયો છે. જેમાં સૌથી વધુ કચ્છ ઝોનમાં 150.07 ટકા, સૌરાષ્ટ્ર ઝોનમાં 118.47 ટકા, દક્ષિણ ગુજરાત ઝોનમાં 78.55 ટકા, પૂર્વ મધ્ય ઝોનમાં 66.86 ટકા અને ઉત્તર ગુજરાતમાં 63.25 ટકા સરેરાશ વરસાદ નોંધાયો છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ahmedabad rain, અમદાવાદ, વરસાદ