Coronavirus : રાજ્યમાં છેલ્લા 24 કલાકમાં કોરોનાના 626 નવા કેસ, 19 દર્દીનાં મોત, કુલ કેસનો આંકડો 32000ને પાર

News18 Gujarati
Updated: June 29, 2020, 7:56 PM IST
Coronavirus : રાજ્યમાં છેલ્લા 24 કલાકમાં કોરોનાના 626 નવા કેસ, 19 દર્દીનાં મોત, કુલ કેસનો આંકડો 32000ને પાર
પ્રતિકાત્મક તસવીર

રાજ્યમાં પહેલી વાર સુરતમાં કોરોનાના 200થી વધુ કેસ નોંધાયા, જાણો ક્યા જિલ્લામાં કેટલા કેસ નોંધાયા ?

  • Share this:
અમદાવાદ : રાજ્યમાં છેલ્લા 24 કલાકમાં કોરોના વાયરસના 626 નવા કેસ નોંધાયા છે. કોરોના વાયરસના કારણે 24 કલાક દરમિયાન રાજ્યમાં 19 દર્દીનાં મોત થયા છે. જોકે, છેલ્લા 24 કલાકમાં રાજ્યભરમાંથી 440 દર્દી કોરોનાને મ્હાત આપીને સાજા થઈને ઘરે પરત પણ ગયા છે.  રાજ્યમાં સૌથી વધુ અમદાવાદમાં 236 અને સુરતમાં 217 કેસ નોંધાયા છે. અત્યારસુધી અમદાવાદ શહેરમાં જ કોરોનાના 200 કરતાં વધુ કેસ નોંધાયા હતા પરંતુ આજે પહેલી વાર સુરત જિલ્લામાં કોરોના વાયરસના કુલ 217 પોઝિટિવ કેસ નોંધાતા ચિંતા વધી છે.

આમ અત્યારસુધીમાં રાજ્યમાં કોરોના વાયરસનો આંકડો 32,000ને પાર થઈ ગયો છે. અત્યારસુધીમાં રાજ્યમાં 32023 કેસ નોંધાયા છે જે પૈકીના 23,248 સાજા થઈ ગયા છે. જ્યારે અમદાવાદમાં આજના કેસ સાથે અત્યારસુધીમાં 20,716 કેસ નોંધાયા છે.

રાજ્યમાં છેલ્લા 24 કલાકમાં અમદાવાદમાં 236, સુરતમાં 217, વડોદરામાં 50, પાટણમાં 20, રાજકોટમાં 11, આણંદમાં 11, મહેસાણામાં 10, અમરેલીમાં 10, સુરેન્દ્રનગરમાં 9, ભરૂચમાં 8, અન્ય રાજ્યના 8, ખેડાના 7, જામનગરમાં 6, અરવલ્લીમાં 6, ભાવનગરમાં 4, પંચમહાલમાં 3, ગીર સોમનાથમાં 3, રાજકોટ શહેરમાં 2, ગાંધીનગરમાં 2, કચ્છમાં 2, જૂનાગઢમાં 2, નવસારીમાં 2, દેવભૂમિ દ્વારકામાં 2, જૂનાગઢ શહેરમાં 2, ભાવનગરમાં 1, સાબરકાંઠામાં 1, બોટાદમાં 1, વલસાડમાં 1 એમ કુલ 626 કેસ નોંધાયા છે.

આ પણ વાંચો :  સુરત : પેટ્રોલ પમ્પના કર્મચારીની ચાકૂની અણીએ લૂંટ, 5.27 લાખ રૂ. ભરેલો થેલો ઝૂંટવી લુખ્ખા ફરાર

રાજ્યમાં છેલ્લા 24 કલાકમાં અમદાવાદ કોર્પોરેશનમાં કુલ 9, સુરત કોર્પોરેશનમાં 2, ગ્રામ્યમાં 2, સુરેન્દ્રનગરમાં 2, બનાસકાંઠામાં 1, રાજકોટમાં 1, ખેડામાં 1, અમરેલીમાં 1 કુલ 19 દર્દીઓનાં મોત નીપજ્યા છે. રાજ્યમાં હાલમાં કોરોનાના કુલ 6947 કેસ એક્ટિવ છે જે પૈકીના 63 વેન્ટિલેટર પર છે. રાજ્યમાંથી અત્યારસુધીમાં 23247 દર્દીઓને કોરોના મ્હાત આપવા બદલ હૉસ્પિટલોમાંથી રજા આપવામાં આવી છે જ્યારે આજદિન સુધીમાં રાજ્યનાં 1828 દર્દીનાં મોત થયા છે.આ પણ વાંચો :   સુરત : 24 કલાકમાં રેકોર્ડબ્રેક દર્દી નોંધાયા વધુ 217 ને ચોંટ્યો Corona, વરાછા-કતારગામમાં 'કોરોના બોમ્બ' ફૂટ્યો
First published: June 29, 2020, 7:39 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading