30 વર્ષ પછી આ ગુજરાતીએ MBBSનો અભ્યાસ ફરી શરૂ કરવા કરી હાઇકોર્ટમાં અરજી, જાણો રસપ્રદ કિસ્સો

અમદાવાદ: અભ્યાસ છોડ્યાના ત્રણ દાયકાથી વધુ સમય પછી એમબીબીએસ (MBBS)ના અભ્યાસક્રમમાં પુનઃપ્રવેશની માંગ કરી રહેલા 50 વર્ષીય વ્યક્તિના કેસની સુનાવણી દરમિયાન ગુજરાત હાઈકોર્ટે (Gujarat High Cort) બુધવારે કહ્યું હતું કે, અરજદારને તેની ઇચ્છા અનુસાર કાર્ય કરવાની અને લોકોના જીવન સાથે રમવાની મંજૂરી આપી શકાતી નથી. જસ્ટિસ ભાર્ગવ કારિયાની બેચે કોર્ટમાં કાંદીપ જોશીની અરજી પર સુનાવણી કરી રહી હતી. સંદીપે 1988માં બરોડા મેડિકલ કોલેજમાં એમબીબીએસ (MBBS Admission Application)ની બીજા વર્ષની પરીક્ષા આપી હતી અને બાદમાં વ્યક્તિગત કારણોસર અભ્યાસ છોડી દીધો હતો.

જોશીના વકીલે કોર્ટને જણાવ્યું હતું કે, અરજદાર, જે હાલમાં એક વ્યવસાય સાથે સંકળાયેલા છે, તે એમબીબીએસના ત્રીજા વર્ષનો અભ્યાસ કરવા માંગતા હતા અને 30 વર્ષથી વધુ સમય પછી તે જ કોલેજમાં પરીક્ષા આપવા માંગતા હતા. અદાલત જાણવા માંગતી હતી કે, શા માટે તેણે જીવનના આ તબક્કે એમબીબીએસનો અભ્યાસક્રમ ચાલુ રાખવો છે અને "લોકોના જીવન સાથે રમવું છે”?

કોર્ટે તેમની અરજીની સુનાવણી કરતી વખતે અવલોકન કર્યું હતું કે, "ધારો કે ત્યાં કોઈ નિયમો નથી (આવા પુનઃપ્રવેશ માટે) તો પણ તમને તમારી ઇચ્છા મુજબ કાર્ય કરવાની મંજૂરી આપી શકાતી નથી. ખાસ કરીને જ્યારે તમે લોકોના જીવન સાથે રમવા જઇ રહ્યા હોવ ત્યારે. શા માટે આવો બગાડ કરવો જોઇએ અને આ અભ્યાસ બાદ 50 વર્ષની ઉંમરે તેમને શું મળશે? આ શક્ય નથી." જસ્ટિસ કારિયાએ પૂછ્યું કે, “કેટલા બાળકો છે? તેમની ઉંમર 50 વર્ષની છે તો તેમના બાળકો એમબીબીએસ કરવાની ઉંમરના હશે. શું તે તેમના બાળકો સાથે અભ્યાસ કરશે?”

આ પણ વાંચો - પોલીસકર્મીએ ઓનલાઇન સુનાવણી દરમિયાન પીધું સોફ્ટ ડ્રિંક, જાણો ગુજરાત હાઈકોર્ટે પછી શું કર્યું?

વધુમાં જજે જણાવ્યું કે, “અરજદાર જો પરીક્ષા આપશે તો નાપાસ થવાના જ છે, કારણ કે, તે આટલા લાંબા ગાળા પછી નવા કોર્સમાં ભાગ લેશે.” જોશીના વકીલે જ્યારે દલીલ કરી હતી કે, અરજદારે પરીક્ષા આપતા પહેલા ત્રીજા વર્ષની મુદતનો અભ્યાસ કરવાની માંગ કરી હતી. ત્યારે કોર્ટે કહ્યું હતું કે, આવી મંજૂરી આપી શકાતી નથી. કોર્ટે સવાલ કર્યો હતો કે, "જીવનના આ તબક્કે તેણે શા માટે તૈયાર રહેવું જોઈએ. શરૂઆતથી જ શરૂઆત કરવા માટે?" તેમાં વધુમાં નોંધ્યું છે કે, છેલ્લા ત્રણ દાયકામાં તબીબી વિજ્ઞાનમાં પ્રગતિ સાથે અભ્યાસક્રમમાં ઘણી વખત ફેરફાર થયો હશે.

જસ્ટિસ કારિયાએ પૂછ્યું કે, “એમબીબીએસના પહેલા અને બીજા વર્ષની પરીક્ષા માટે તમે જે કોર્સ માટે પરીક્ષા આપી હતી તે કોર્સ અસ્તિત્વમાં નથી, તો પછી તમને ત્રીજા વર્ષ માટે મંજૂરી આપવાનો પ્રશ્ન જ ક્યાં છે?”

આ પણ વાંચો - યુવકને 21મા જન્મદિવસ પર ગુજરાત હાઇકોર્ટે આપી શ્રેષ્ઠ ભેટ, લિવ-ઇન પાર્ટનર સાથે કરાવ્યું મિલન

જોશીએ પ્રથમ વખત 2013માં કોલેજનો સંપર્ક કર્યો હતો અને ત્રીજા વર્ષમાં પુનઃપ્રવેશની માંગ કરી હતી અને નામંજૂર થયા પછી તેમણે કોર્ટનો સંપર્ક કર્યો હતો. જેણે 2019માં તેમની અરજીને ફગાવી દીધી હતી. જ્યારે તેમને રજૂઆત સાથે મેડિકલ કાઉન્સિલ ઓફ ઇન્ડિયા (એમસીઆઈ) નો સંપર્ક કરવાની સ્વતંત્રતા આપી હતી. અરજદારના વકીલે જણાવ્યું હતું કે જ્યારે જોશીએ એમસીઆઈનો સંપર્ક સાધ્યો હતો ત્યારે તેણે એમ કહીને તેમની વિનંતીને નકારી કાઢી હતી કે "બંધ કરવાની મંજૂરીનો સમયગાળો બંધ કરવાના સમયગાળાથી પાંચ વર્ષનો રહેશે".

તેમના વકીલે જણાવ્યું હતું કે, તેમાં કહેવામાં આવ્યું છે કે, ફરીથી જોડાવા માટેની અરજીની તારીખ બંધ કરવાની તારીખથી પાંચ વર્ષથી વધુ સમયની હોવી જોઈએ નહીં. જોશીના કિસ્સામાં 2013માં વડોદરા ખાતેની મેડિકલ કોલેજના ડીનનો પ્રથમ વખત સંપર્ક કર્યાને 31 વર્ષ થયા હતા.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: અમદાવાદ, ગુજરાત, ગુજરાત હાઇકોર્ટ