Home /News /madhya-gujarat /

Grade Pay: 4200 ગ્રેડ પેનું ભૂત ફરી ધુણ્યું, 11000 શિક્ષકોનું સરકાર સામે આંદોલનનું એલાન

Grade Pay: 4200 ગ્રેડ પેનું ભૂત ફરી ધુણ્યું, 11000 શિક્ષકોનું સરકાર સામે આંદોલનનું એલાન

ફાઈલ તસવીર

Grade pay protest: સરકારે 4 મહાનગર પાલિકાના (Municipal Corporation) અને 13 નગરપાલિકાના શિક્ષકોને (Municipal teachers)  4200 ગ્રેડ પે નહિ આપતા હવે શિક્ષકોની ધીરજ ખૂટી છે.

અમદાવાદઃ 4200 ગ્રેડ પે (Grade Pay) મામલો ફરી ઉછળ્યો છે. હવે 11000 શિક્ષકો ફરી એકવાર સરકાર સામે આંદોલન કરશે. 4200 ગ્રેડ પે મામલે શિક્ષકો આંદોલન (protest) પર ઉતરશે. સરકારે 4 મહાનગર પાલિકાના (Municipal Corporation) અને 13 નગરપાલિકાના શિક્ષકોને (Municipal teachers)  4200 ગ્રેડ પે નહિ આપતા હવે શિક્ષકોની ધીરજ ખૂટી છે. હવે 3 મે ના દિવસે પ્રતીક રૂપે સત્યાગ્રહ છવણીમાં (Satyagrash chhavni) શિક્ષકો આંદોલન કરશે અને જો સરકાર શિક્ષકોની વાત નહિ સાંભળે તો 9 મેથી અનિચ્છત મુદ્દતનું ઉપવાસ આંદોલન કરવાની ચીમકી ઉચ્ચારી છે.

ગુજરાત રાજય નગર પ્રાથમિક શિક્ષક સંઘ દ્વારા નગર પ્રાથમિક શિક્ષણ સમિતિના પ્રાથમિક શિક્ષકોને પણ પ્રથમ ઉચ્ચતર પગારધોરણ ૫૦૦૦–૮૦૦૦ ( ૪૨૦૦ ગ્રેડ પે ) મળે તે માટે વારંવાર રજૂઆત કરવા છતા તેનો નિવેડો આવ્યો નથી. સરકાર સાથેની મિટીંગો પછી પણ માત્ર રાજકોટ અને જામનગરના શિક્ષકોને જ આ લાભ આપવાનો નિર્ણય સરકાર દ્વારા કરાયો છે.

રાજયની બાકી રહેતી ૪ મહાનગરપાલિકાઓ અમદાવાદ , વડોદરા , સુરત અને ભાવનગર તેમજ ૧૩ નગરપાલિકાઓના કુલ અંદાજીત ૧૧૦૦૦ જેટલા પ્રાથમિક શિક્ષકોને હજુ સુધી ઉચ્ચતર પગારધોરણનો કોઈ નિર્ણય સરકાર દ્વારા લેવામાં આવ્યો નથી.

આ પણ વાંચોઃ-Crime News: ગર્લફ્રેન્ડ પર ખરાબ નજર નાખી તો મિત્રએ આપી ખોફનાક સજા, પ્રેમ અને બ્લેકમેઇલનો ભયાનક કિસ્સો

નગર પ્રાથમિક શિક્ષણ સમિતિ અમદાવાદના શિક્ષક સંઘના પ્રમુખ મનોજ પટેલ જણાવે છે કે ગુજરાત રાજય નગર પ્રાથમિક શિક્ષક સંઘ દ્વારા આગામી 3 મે મંગળવારના રોજ સવારે ૯ વાગ્યાથી બપોરે ૧ વાગ્યા સુધી સત્યાગ્રહ છાવણી ખાતે અંદાજિત ૧૦૦૦૦ શિક્ષકો એક દિવસના પ્રતિક ધરણા કરશે. છતાં જો આ પ્રશ્નનો ઉકેલ નહી આવે તો 9 મેથી અનિશ્ચિત મુદતના ઉપવાસ આંદોલનનું આયોજન કરવામાં આવશે.

આ પણ વાંચોઃ-Prostituion: સુરતમાં ફરી એકવાર મીની થાઈલેન્ડ ઝડપાયું, આઠ વિદેશી યુવતીઓ સાથે ચારની ધરપકડ

જિલ્લા પંચાયતના શિક્ષકોને પગાર વધારો આપી દીધો પણ નગરપાલિકાના શિક્ષકોને વધારો મળ્યો નથી. મોંઘવારી દિવસે દિવસે વધી રહી છે તો શું શહેરી વિસ્તારમાં શિક્ષકોને મોંઘવારી નથી નડતી. દરેક શિક્ષકો એક સરખું કામ કરે છે તો આવો ભેદભાવ કેમ.
Published by:ankit patel
First published:

Tags: 4200 grade pay, Gandhinagar News, Gujarati news

આગામી સમાચાર