Bungee Jumpingનો છે શોખ તો પોતાના દેશમાં પણ તેનો લઈ શકો છો આનંદ, ચોક્કસ જાઓ આ સ્થળો પર

Best Bungee Jumping Places In India: કોને ફરવાનો શોખ નથી પરંતુ જો કોઈને કોઈ સાઈટ પસંદ હોય તો હિલ સ્ટેશન. કેટલાક લોકો એવા પણ હોય છે જેમને એડવેન્ચર એક્ટિવિટીવાળા સ્થળો (Adventure Activities) પર જવાનું સૌથી વધુ ગમે છે. આવી સ્થિતિમાં, આપણા દેશ (India)માં આવા ઘણા પ્રવાસન સ્થળો (Tourist Places) છે જ્યાં આ સાહસ પ્રેમીઓની પસંદગીને ધ્યાનમાં રાખીને ઘણી સાહસિક પ્રવૃત્તિઓને પ્રોત્સાહન આપવામાં આવ્યું છે. બંજી જમ્પિંગ (Bungee Jumping) તેમાંથી એક છે.

જો તમે પણ ઈન્ટરનેશનલ એક્સપર્ટની દેખરેખમાં કરવામાં આવેલા આ બંજી જમ્પિંગનો અનુભવ કરવા ઈચ્છો છો, તો અહીં તમને આવા અદ્ભુત સ્થળો વિશે જણાવવામાં આવી રહ્યું છે જ્યાં તમે તેનો આનંદ લઈ શકો છો.

ઋષિકેશ
ઋષિકેશ (Rishikesh)ને સાહસિક પ્રવૃત્તિઓના સ્થળ તરીકે પણ ઓળખવામાં આવે છે. અહીં તમે રાફ્ટિંગ, પેરાગ્લાઈડિંગ, ટ્રેકિંગ તેમજ બંજી જમ્પિંગનો આનંદ માણી શકો છો. ઋષિકેશના મોહનચટ્ટી ગામમાં સ્થિત જમ્પિંગ હાઇટ્સ બંજી જમ્પિંગ માટે શ્રેષ્ઠ સ્થળ માનવામાં આવે છે. તેને જમીનથી લગભગ 83 મીટરની ઉંચાઈ પર બનાવવામાં આવ્યું છે.

આ પણ વાંચો:  એપ્રિલમાં ફરવા માટે ભારતની આ 5 જગ્યાઓ છે બેસ્ટ, બનાવી લો ટ્રાવેલ પ્લાન

લોનાવાલા
લોનાવાલા (Lonavala) ઓલ્ડ હાઈવેના કુનેગાંવ સ્થિત આ જગ્યાએ બંજી જમ્પિંગની ઊંચાઈ લગભગ 28 મીટર છે. લોનાવાલામાં બંજી જમ્પિંગ ખૂબ જ સુરક્ષિત રીતે કરવામાં આવે છે. લોનાવાલામાં બંજી જમ્પિંગની સાથે તમે અહીંની સુંદર પ્રકૃતિનો આનંદ પણ લઈ શકશો.

ગોવા
તમારી જાણકારી માટે તમને જણાવી દઈએ કે ગોવા (Goa)નો બીચ જેટલો પ્રખ્યાત છે, તેટલો જ અહીં બંજી જમ્પિંગ પણ છે. જો તમને તેનો શોખ હોય, તો તમારા મિત્રો સાથે ગોવાના ગ્રેવિટી ઝોન (જે માર્કેટ રોડ, અંજુના ઘાટ પાસે છે) પર ચોક્કસ જજો. અહીં બંજી જમ્પિંગની ઊંચાઈ લગભગ 25 મીટર છે. તેની ટિકિટ 400 થી 500 રૂપિયા સુધીની છે.

આ પણ વાંચો: Travel Tips: એકલા ફરવાનો છે પ્લાન, તો ક્યારેય ના કરશો આ ભૂલો. આવશે મુસીબતો

બેંગ્લોર
બેંગ્લોર (Bengaluru)માં સ્થિત ઓઝોન એડવેન્ચર્સનું નામ ભારતમાં સૌથી પ્રખ્યાત બંજી જમ્પિંગ છે. અહીં હંમેશા એડવેન્ચર પ્રેમીઓની ભીડ રહે છે. બંજી જમ્પિંગનું આ સ્થળ બેંગ્લોરના સેન્ટ માર્કસ રોડ પર છે, જેની ઊંચાઈ 25 મીટરથી વધુ છે. અહીં બંજી જમ્પિંગની ટિકિટ 500 રૂપિયાની આસપાસ છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Adventure, Lifestyle, Travel tourism, Travelling