World Brain Tumor Day: અહીં જાણો આ ગંભીર રોગ, તેના લક્ષણો અને સારવાર વિશે

બ્રેઇન ટ્યુમર ખૂબ ગંભીર બીમારી છે. દર વર્ષે લાખો લોકો આ બીમારીના કારણે પરેશાન થાય છે. જે દર્દીને ટ્યુમર થયું હોય તેની સાથોસાથ પરિવારજનો પણ તકલીફ અનુભવે છે. આ દરમિયાન બ્રેઇન ટ્યુમરનો ઈલાજ શોધવા, જાગૃતિ ફેલાવવા અને બીમારીની શોધને પ્રોત્સાહિત કરવા તેમજ ટ્યુમરના દર્દીઓ અને પરિવારજનોની સ્વીકૃતિ માટે વર્લ્ડ બ્રેઇન ટ્યુમર ડેની ઉજવણી કરવાનું ડ્યુશ હિર્નટ્યુમરહિલ્ફ ઇ.વી. નામના જર્મન બ્રેઇન ટ્યુમર એસોસિએશન દ્વારા નક્કી કરાયું હતું.

તો ચાલો વિશ્વ બ્રેઇન ટ્યુમર દિવસ 2021ના દિવસે બ્રેઇન ટ્યુમર, તેના લક્ષણો, ઉપચાર અંગે મહત્વપૂર્ણ તથ્ય જાણીએ.

બ્રેઇન ટ્યુમર મસ્તિષ્કમાં કોશિકાઓની બિનજરૂરી અથવા અસામાન્ય વૃદ્ધિ થાય છે. આ ટ્યુમરની વૃદ્ધિના આધારે તેની તીવ્રતા નક્કી કરવામાં આવે છે. ટ્યુમરને તીવ્રતાના આધારે સૌમ્ય એટલે કે કેન્સર ન હોય તેવું, ધીમી વૃદ્ધિ અને સારવાર યોગ્ય તેમજ ઘાતક એટલે કે, કેન્સર, ટ્યુમરનું જોખમ, અને વધુ વધવાની દહેશત એમ બે ભાગ પાડવામાં આવે છે.

ટ્યુમર વધવાના કારણે ખોપરીની અંદર દબાણમાં ઉભું થાય છે અને તે લક્ષણોમાં વધારા તરફ દોરી જાય છે.

બ્રેઇન ટ્યુમરના સામાન્ય ચિહ્નો અને લક્ષણો

વારંવાર તીવ્ર માથાનો દુ:ખાવો, ઉબકા આવવા, ઉલટી થવી અને માંદગીના બિછાને પડવું

આંચકી આવવી, બોલવામાં તકલીફ પડવી

જોવામાં, સાંભળવામાં, સૂંઘવામાં અને સ્વાદ પારખવામાં મુશ્કેલી

વ્યક્તિત્વ અથવા વર્તન બદલાઈ જવું, લકવો આવવો

વારંવાર ભૂલી જવું- યાદશક્તિ પર અસર, સંકલનમાં મુશ્કેલી

સ્નાયુઓ નબળા પડી જવા, ચાલવામાં સંતુલન ના રહેવું

ટ્યુમરની સાઈઝ, જગ્યા, સ્ટેજ અને ગ્રોથ રેટના આધારે લક્ષણો અલગ અલગ હોય છે. આ પ્રકારના લક્ષણો જોવા મળે તો ડોક્ટરનો તુરંત સંપર્ક કરવો.

ગાંઠના નિદાનમાં આટલી વસ્તુઓ સામેલ

કોઓર્ડીનેશન,  દ્રષ્ટિ, સાંભળવું, સંતુલન સહિતની બાબતે ન્યુરોલોજીકલ પરીક્ષણ

ઇમેજિંગ ટેસ્ટ; મેગ્નેટિક રેસોનાન્સ ઇમેજિંગ (MRI). ટ્યુમરની હાજરીને તપાસવા માટે ઘણા ખાસ પ્રકારના MRI સ્કેન કરવામાં આવે છે. MRI દરમિયાન કેટલીકવાર ડાઈ ઇન્જેક્શન દ્વારા આપવામાં આવે છે. ટ્યુમરના નિદાન માટે MRI, પરફેઝન MRI અને મેગ્નેટિક રેઝોનન્સ સ્પેક્ટ્રોસ્કોપી, SPECT, કોમ્પ્યુટરાઇઝ્ડ ટોમોગ્રાફી (CT), પોઝિટ્રોન ઇમિશન ટોમોગ્રાફી (PET)નો ઉપયોગ થાય છે.

બાયોપ્સી: અસામાન્ય ટીસ્યુના સેમ્પલના ટેસ્ટ માટે આ ઉપયોગમાં લેવાય છે.

નિદાન પછી ટ્યુમર સૌમ્ય હોવાનું જાણવા મળે તો ચોક્કસ લાક્ષણિકતાઓને આધારે ન્યુરોસર્જન તેને સંપૂર્ણપણે દૂર કરશે અથવા અમુક નર્વને બચાવવા તેને છોડી દેશે અને સારવાર તરીકે દવા આપી શકે છે.

ટ્યુમર ઘાતક હોવાના કેસમાં સારવાર માટે નીચે જણાવેલ પગલાં લઈ શકાય.

સર્જરી
કીમોથેરેપી સાથે રેડિયોથેરાપી
કીમોથેરપી વિના રેડિયોથેરાપી

દર્દીને શ્રેષ્ઠ સારવારનો પ્લાન નક્કી કરવા મલ્ટિડિસિપ્પ્લિનરી બોર્ડ મીટિંગ્સ મદદરૂપ અને અસરકારક છે. જેમાં નીચે દર્શાવેલાનો સમાવેશ થાય છે.

રેડિયેશન ઓન્કોલોજિસ્ટ
મેડિકલ ઓન્કોલોજિસ્ટ
રેડિયોલોજીસ્ટ
પેથોલોજીસ્ટ

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Brain Tumor Treatment, Good Health, Health care, Lifestyle, Symptoms, Treatments, World Braein Tumor Day, આરોગ્ય health, ગાંઠ tumor, તબીબી medical, મગજ Brain