Home /News /lifestyle /

શું તમે જાણો છો કે ટોયલેટના ફ્લશ ઉપર બે બટન કેમ હોય છે?

શું તમે જાણો છો કે ટોયલેટના ફ્લશ ઉપર બે બટન કેમ હોય છે?

ટોયલેટના ફ્લશ ઉપર બે બટન કેમ હોય છે?

આપણે દરરોજ ટોયલેટનો ઉપયોગ કરીએ છીએ, પછી ઘર હોય કે ઓફિસ. આપણા રોજિંદા જીવનમાં ટોયલેટનો પણ રોલ ખુબ મહત્વનો છે. સમયની સાથે ટેક્નોલોજી ઘણી આગળ વધી છે.

આપણે દરરોજ ટોયલેટનો ઉપયોગ કરીએ છીએ, પછી ઘર હોય કે ઓફિસ. આપણા રોજિંદા જીવનમાં ટોયલેટનો પણ રોલ ખુબ મહત્વનો છે. સમયની સાથે ટેક્નોલોજી ઘણી આગળ વધી છે.આજકાલ માર્કેટમાં નવા પ્રકારના ટોયલેટ પણ આવ્યા છે, જેમાં આધુનિક ફિનિશિંગની સાથે સાથે ઘણી એક્સેસરીઝ પણ હોય છે.

પરંતુ જો તમે ક્યારેય ધ્યાન આપ્યું હોય તો તમે ટોયલેટના ફ્લશ બટન પર બે પ્રકારના બટન જોયા હશે.પરંતુ આ બંને બટનની સાઈઝ અલગ-અલગ હોવા પાછળ એક ખાસ કારણ છે. આજે અમે તમને આ લેખમાં તેનું કારણ જણાવીશું.

ટોયલેટ ફ્લશ પરના બટનની શોધ કોણે કરી હતી?

આ ડ્યુઅલ ફ્લશ કન્સેપ્ટ અમેરિકન ઉદ્યોગપતિ ડિઝાઇનર વિક્ટર પાપાનેકનો હતો.

તેમણે વર્ષ 1976માં પોતાના પુસ્તક 'ડિઝાઈન ફોર ધ રિયલ વર્લ્ડ'માં પણ આનો ઉલ્લેખ કર્યો હતો.

ટોયલેટ ફ્લશમાં બે બટન કેમ હોય છે?

ટોયલેટ ફ્લશ જેમાં બે બટન હોય છે, તેવા ટોયલેટ ફ્લશને ડ્યુઅલ ફ્લશ ટોઇલેટ કહેવાય છે. તેનો કોન્સેપ્ટ બે અલગ-અલગ બટનો સાથેનો છે. જે તમે સામાન્ય રીતે તમે ઘણા ટોઇલેટમાં જોશો.

આમાં એક નાનું બટન હોય છે અને એક મોટું બટન હોય છે. આ બંને બટનમાં અલગ-અલગ એક્ઝિટ વાલ્વ છે અને બંને માટે પાણીનું સ્તર પણ અલગ હોય છે. તમને જણાવી દઈએ કે આ બે બટનમાં મોટા બટનમાંથી લગભગ છથી નવ લિટર પાણી નીકળે છે, જ્યારે નાનું બટન સાડા ત્રણથી ચાર લિટર જેટલું પાણી છોડે છે.

ફ્લશ પરના મોટા બટનનો ઉપયોગ સોલિડ વેસ્ટને ફ્લશ કરવા માટે થાય છે અને નાના બટનનો ઉપયોગ લીકવીડ વેસ્ટને ફ્લશ કરવા માટે થાય છે.

આ વાતનું ધ્યાન રાખો કે જ્યારે પણ તમે પેશાબ કરવા માટે ટોયલેટમાં જાઓ ત્યારે માત્ર નાનું બટન જ દબાવવાનું હોય છે. બીજા મોટા કદના બટનનો ઉપયોગ તમે જ્યારે તમને ટોયલેટમાં સોલિડ વેસ્ટને ફ્લશ કરવાની જરૂર હોય ત્યારે જ વાપરવાનું રહે છે. આનાથી ઘણું પાણી વેસ્ટ થતા બચશે અને તમારું પાણીનું બિલ પણ ઘટશે. અને તમે આ રીતે લગભગ 20 હજાર લીટર પાણી બચાવી શકશો.

ક્યા દેશમાં ડ્યુઅલ ફ્લશનો પ્રથમ વાર ઉપયોગ થયો હતો?

આ ટોઇલેટ ફ્લશ સુવિધા શરુ કરનાર પ્રથમ દેશ ઓસ્ટ્રેલિયા હતો. ઓસ્ટ્રેલિયાએ આ કોન્સેપ્ટના ટોઇલેટ ફ્લશનો ઉપયોગ વર્ષ 1980થી શરૂ કર્યો હતો. આ દેશમાં પાણીની ઘણી બચત થતી જોયા બાદ આખી દુનિયાએ આ પદ્ધતિ અપનાવી છે. પછીથી આ વિચાર ઘણી જગ્યાએ લાવવામાં આવ્યો, જેથી પાણીની મહત્તમ બચત થઈ શકે.
Published by:Priyanka Panchal
First published:

विज्ञापन

विज्ञापन

આગામી સમાચાર

विज्ञापन
विज्ञापन