Monsoon car driving tips: વરસાદમાં કાર ચલાવતી વખતે ન લો જોખમ, આ 10 Tips રાખશે તમને અને કારને સુરક્ષિત

rainy season driving tips: વરસાદમાં વાહન ચલાવવું ખૂબ જ અઘરૂં છે, પછી છાંટા પડતા હોય કે ધોધમાર વરસાદ આ ડ્રાઇવરની સૌથી સૌથી મુશ્કેલ ડ્રાઇવિંગ પરિસ્થિતિઓમાંની એક બની શકે છે. વરસાદ પ્રત્યક્ષ રીતે અકસ્માતના આંકડાઓ સાથે સંકળાયેલ હોય છે. તમે દેશના કયા ભાગમાં રહો છો, તેનાથી કોઇ ફર્ક નથી પડતો પરંતૂ ભીના રસ્તાઓ અને ઓછુ દેખાય તેવા રસ્તા તમારા વાહનને કેવી રીતે હેન્ડલ કરવુ તે બાબતનું જ્ઞાન વરસાદની સ્થિતિમાં સુરક્ષિત ડ્રાઈવિંગમાં તમને મદદ કરશે.

વરસાદમાં વાહન ચલાવવા માટેની ટિપ્સ (monsoon driving tips)

1. જો શક્ય હોય તો હવામાન સુધરે ત્યાં સુધી રાહ જુઓ

જો તમને વરસાદમાં ડ્રાઇવિંગ કરવામાં મુશ્કેલી પડતી હોય તો તમારી ડ્રાઇવ મુલતવી રાખો અથવા વાહન ચલાવતા પહેલા હવામાન સુધરે ત્યાં સુધી રાહ જુઓ. જો અત્યંત તાત્કાલિક જરૂર ન હોય તો ભીના રસ્તાઓ પર ડ્રાઇવિંગ ટાળવું અને પોતાને જોખમમાં મૂકવા નહીં.

આ પણ વાંચો:  Monsoon office wear: ચોમાસામાં આઉટફિટની પસંદગીને લઈને અનુભવો છો મુંઝવણ? તો ફોલો કરો ટિપ્સ

2. તમારી કારના ઉપકરણોને બે વાર તપાસો

વરસાદી હવામાનનો સામનો કરતા પહેલા ખાતરી કરો કે, તમારી કાર-ગાડીમાં જે ઉપકરણો છે તે બરાબર કામ કરે છે નહીં. તમારી હેડલાઇટ્સ, ટેલ લાઇટ્સ અને વિન્ડશિલ્ડ વાઇપર્સ, ટોર્ચ લાઈટ જ્યારે જરૂર પડે ત્યારે તે કાર્ય કરશે કે નહીં તેની ખાતરી કરો. તમારા વાહનના ટાયરોની પણ તપાસ કરો. બાલ્ડિંગ ટાયર ભીના રસ્તાઓ પર ટ્રેક્શનને ગંભીર રીતે ઘટાડી શકે છે.

3. સ્લો ડાઉન

ભીના રસ્તાઓ ખૂબ જોખમી હોય છે, જેથી વરસાદના આ ભીના હવામાનમાં ડ્રાઇવિંગ કરતી વખતે તમારે નક્કી કરેલી સ્પીડ મર્યાદાનું પાલન કરવું જોઈએ એટલું જ નહીં, તમારે સામાન્ય કરતા પણ ધીમી ગાડી ચલાવવી જોઈએ. વરસાદી વાતાવરણમાં ગાડીની સ્પીડ ઘટાડવી અનિવાર્ય છે.

4. તમારી હેડલાઇટ ચાલુ કરો

મોટાભાગના રાજ્યોમાં વરસાદમાં ડ્રાઇવિંગ કરતી વખતે ડ્રાઇવરોને તેમના વાહનોની હેડલાઇટ ચાલુ કરવાની આવશ્યકતા હોય છે. રસ્તામાં ધુમ્મસ હોય તો વાહનની હેડલાઇટ ચાલુ કરવી જ જોઇએ, જેથી તમે ડ્રાઇવિંગ કરતા સ્પષ્ટ જોઇ શકો છો અને સામેના ડ્રાઈવરને પણ તમારી હાજરી સૂચવી શકો.

5. વિન્ડશિલ્ડ વાઇપર્સનો (Windshield Wipers) ઉપયોગ કરો

કેટલાક લોકો હળવા વરસાદમાં તેમના વિન્ડશિલ્ડ વાઇપરને ચાલુ કરવાનું ભૂલી જાય છે. મોટાભાગની કારની વિન્ડશિલ્ડ વાઇપર સ્પીડ હળવા ઝાકળમાં અથવા ભારે વરસાદમાં કાચમાંથી ભેજને સાફ કરવા માટે એડજસ્ટેબલ હોય છે. એવા ઘણા પ્રોડક્ટ પણ ઉપલબ્ધ છે જે તમારી કારના કાચ પર સ્પ્રે નાંખીને પણ સાફ કરી શકાય છે અને વરસાદી પાણીના સંગ્રહને અટકાવી શકાય છે.

આ પણ વાંચો: Monsoon Do's and Don'ts: માણો ચોમાસાનો ભરપૂર આનંદ, પણ ક્યારેય ન કરશો આ ભૂલો

6. બે કાર વચ્ચે યોગ્ય અંતર જાળવો

વરસાદમાં કાર વચ્ચે સુરક્ષિત અંતર જાળવો. તમારા વાહન અને આગળ કે પાછળની કાર વચ્ચે વધુ અંતર રાખવુ. વરસાદમાં વાહન ચલાવતી વખતે તમારા વાહનને બ્રેક મારવામાં અથવા અટકાવવામાં મુશ્કેલી આવી શકે છે. જેથી તમારી કાર અને અન્ય વાહનો વચ્ચે અંતર જાળવો. અંતે એ તમારી સેફ્ટી અને સિક્યોરિટી માટે જ છે.

7. ભારે બ્રેકિંગ ટાળો

તમારા વાહનને ધીમું કરવાનો પ્રયાસ કરો. તમે સામાન્ય રીતે જો કારને ધીમી અથવા બંધ કરવાની તૈયારીમાં હોવ તેના કરતાં વહેલા તમારા પગને એક્સિલરેટર પરથી ઉતારીને ક્રુઝ કંટ્રોલનો ઉપયોગ કરશો નહીં, જેથી તમારું ધ્યાન ગેર અને બ્રેક બંનેનો ઉપયોગ કરવા પર રહે. હેન્ડ બ્રેક કે સ્પીડ હેવી બ્રેકને વરસાદમાં ટાળવી.

8. ભરાયેલા પાણી વખતે ડબલ સાવચેતી રાખવી

રોડ પર ભરાયેલા પાણીમાંથી વાહન ચલાવવાથી હાઈડ્રોપ્લાનિંગ થઈ શકે છે. તે સમયે તમે ટ્રેક્શન ગુમાવો છો અને રોડ પર ગાડી લપસી જાય છે. હાઇડ્રોપ્લેનિંગ ટાળવા માટે, લેન બદલીને અથવા આવા વિસ્તારોની આસપાસ સુરક્ષિત રીતે સ્ટીયરિંગ કરીને જ્યાં પાણી એકઠું થયું હોય તેવા સ્થળોની આસપાસ વાહન ન ચલાવો.

9. જ્યારે હાઇડ્રોપ્લાનિંગ કરો ત્યારે ગેસ બંધ કરો

હાઇડ્રોપ્લાનિંગ એ વરસાદમાં સૌથી સામાન્ય કાર અકસ્માતોમાંનું એક કારણ છે. કારણ કે વરસાદમાં ડ્રાઇવરો વાહન પરથી નિયંત્રણ ગુમાવી દે છે. જો તમારી કાર હાઇડ્રોપ્લેનમાં હોય તો શાંતિથી તમારા પગને એક્સિલરેટર પરથી ઉતારો અને તમારી કારના આગળના ભાગને જે દિશામાં જવાની જરૂર છે, તે દિશામાં આગળ વધો. તમારા બ્રેક પર અચાનક વળાંક લેવાનું અથવા સ્લેમિંગ કરવાનું ટાળો.

આ પણ વાંચો: Monsoon Fashion Funda: ચોમાસામાં સ્ટાઈલિસ્ટ દેખાવા માંગો છો? તો અહીં જાણો લેટેસ્ટ મોનસૂન ટ્રેન્ડ

10. તમારી કારને વેન્ટિલેટ કરો

વરસાદને કારણે ભેજનું પ્રમાણ વધે છે. વરસાદ પડતો હોય ત્યારે જો તમે ગાડી ચલાવી રહ્યાં છો તો કારની વિન્ડો ધુમ્મસવાળી બની જાય છે. મોટાભાગની કારની વેન્ટિલેશન સિસ્ટમમાં એક ફંક્શનનો સમાવેશ થાય છે, જે આ પ્રકારના ધુમ્મસને ઘટાડવા માટે કામ કરે છે. જો તમે હવે તમારી વિન્ડોમાંથી જો બરાબર નથી જોઇ શકતા તો તેને ખોલી દો.

જો તમે આ સલામતી અને સાવચેતીઓનો ઉપયોગ કરશો તો વરસાદમાં વાહન ચલાવતી વખતે સલામત રહી શકશો.

યાદ રાખો કે, તમારા કારની ઝડપ ઘટાડવી અને તમારી હેડલાઇટ ચાલુ કરવી એ ભીના હવામાનને કારણે અકસ્માતની શક્યતાઓને ઘટાડવાની બે સૌથી સરળ અને અસરકારક રીતો છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Auto car, Automobile, Automotive news, Lifestyle