સ્ટ્રેસ ઓછો કરવાથી લઇને ચહેરા પર નેચરલ ગ્લો લાવે છે વિટામીન સી, જાણવા જેવા છે આ ફાયદા

Health Benefits of vitamin C : વિટામિન સી એક વોટર સોલ્યુબલ વિટામિન છે, એટલે કે તે લોહીમાં પણ છે અને તેની ખાસ વાત એ છે કે તે શરીરમાં સ્ટોર નથી થતું. આવી સ્થિતિમાં, એ જરૂરી છે કે તમે નિયમિતપણે જરૂરી માત્રામાં વિટામિન સીનું સેવન કરતા રહો, તમારી ઇમ્યુનિટીને બૂસ્ટ કરવા અને સ્કીનને ગ્લોઇંગ બનાવવા માટે વિટામિન સી ખૂબ જ મહત્વપૂર્ણ છે. વિટામિન સી એક આવશ્યક એન્ટીઑકિસડન્ટ છે જે ઇમ્યુનિટીને સ્ટ્રોંગ બનાવે છે અને સેલ્સને ફ્રી રેડિકલથી બચાવે છે. શરીરમાં આયર્નના એબ્ઝોર્બ કરવા માટે વિટામિન સી પણ જરૂરી છે. વિટામિન સીની ઉણપથી પણ આયર્નની ઉણપ થઈ શકે છે. હેલ્ધી સ્કીન અને વાળ માટે વિટામિન સી પણ સૌથી મહત્વપૂર્ણ છે. ચાલો જાણીએ વિટામિન સીના હેલ્થ બેનેફિટ્સ વિશે.

આ પણ વાંચો : બ્રેસ્ટફીડિંગથી માતાને કેન્સર થવાનું જોખમ ઓછુ થઇ જાય છે, જાણો બાળક-માતાને થતા બીજા ફાયદાઓ વિશે

વિટામિન સીના હેલ્થ બેનેફિટ્સ :

સ્ટ્રેસ -

જો તમે દરરોજ નિયમિતપણે વિટામિન સીનું સેવન કરો છો, તો તેનો ફાયદો તમારી સ્કીન અને હેર તેમજ તમારી મેન્ટલ હેલ્થને પણ મળે છે. વિટામિન સી સ્ટ્રેસ અને ડિપ્રેશનને રોકવામાં મદદરૂપ છે. વિટામિન સી ધરાવતાં ફળો અને શાકભાજીનું સેવન હાઈ બ્લડ પ્રેશરનું જોખમ ઘટાડે છે.

વાઇરલ ઇન્ફેક્શન સામે રક્ષણ -

વિટામિન સીની ઉણપની સૌથી મોટી અસર આપણી ઇમ્યુનિટી પર પડે છે, જેના કારણે તમે વારંવાર બીમાર પડી શકો છો. વિટામિન સીનું નિયમિત સેવન ન્યુમોનિયા અને ફેફસાના ઇન્ફેક્શનને અટકાવે છે.

આ પણ વાંચો : મ્યુઝિક સાંભળવાથી સ્ટ્રેસમાંથી મળે છે છૂટકારો, જાણો હેલ્થને થતા બીજા અઢળક ફાયદાઓ

ત્વચા પર કરચલીઓ પડતી નથી -

વિટામિન સી એન્ટીઑકિસડન્ટનો ઉત્તમ સોર્સ છે, વિટામિન સી ધરાવતાં ફળો અને શાકભાજી ખાવાથી ત્વચા પર કરચલીઓ પડતી નથી. વિટામિન સી નેચરલ એન્ટિએજિંગ સપ્લીમેન્ટ તરીકે કામ કરે છે. સ્કીન સંબંધિત તમામ સમસ્યાઓનો સામનો કરવા માટે વિટામિન સી એક સારો વિકલ્પ છે.

ઇમ્યુનિટી બૂસ્ટર -

વિટામિન સીથી ભરપૂર આહારનું સેવન કરીને તમે તમારી ઇમ્યુનિટી વધારી શકો છો. આ સિવાય તે શરીરમાં કેલ્શિયમની ઉણપને પણ પૂરી કરે છે અને હાડકાંને મજબૂત બનાવે છે. વિટામિન સી શરીરના હાડકાં માટે ખૂબ જ જરૂરી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Beautiful Skin, Good Health, Health Benefits, Vitamin c