Home /News /lifestyle /ટોમેટો સૂપ બનાવો ઘરે, આ ખાસ રીતે કોર્ન ફ્લોર અને માખણ નાંખશો તો હોટલ જેવો જ બનશે

ટોમેટો સૂપ બનાવો ઘરે, આ ખાસ રીતે કોર્ન ફ્લોર અને માખણ નાંખશો તો હોટલ જેવો જ બનશે

આ સૂપ દરેક લોકોએ ઠંડીમાં પીવો જોઇએ.

Tomato soup recipe: ટોમેટો સૂપ ઠંડીમાં પીવાની ખૂબ જ મજા આવે છે. ટોમેટો સૂપ તમે આ પ્રોપર માપથી ઘરે બનાવો છો તો ટેસ્ટમાં મસ્ત બને છે અને શરીરમાં ગરમાવો પણ રહે છે. આ સૂપ દરેક પેરેન્ટ્સે બાળકોને પણ પીવડાવવો જોઇએ.

    લાઇફ સ્ટાઇલ ડેસ્ક: ઠંડીની સિઝનમાં સૂપ પીવાની બહુ મજા આવે છે. સૂપમાં પણ ખાસ કરીને ટોમેટો સૂપ દરેક લોકોને ભાવતો હોય છે. ટોમેટો સૂપ તમે આ રીતે ઘરે બનાવશો તો પરફેક્ટ હોટલ જેવો જ બનશે. ટોમેટો સૂપ દરેક પેરેન્ટ્સે પોતાના બાળકોને પણ પીવડાવવો જોઇએ. આ સૂપ પીવાથી શરીરમાં ગરમાવો રહે છે અને સાથે ભૂખ પણ લાગે છે. ટામેટામાં અનેક ગુણો રહેલા છે જે હેલ્થ માટે અનેક રીતે ફાયદાકારક છે. ખાસ કરીને ટામેટામાં વિટામીન સીનો સ્ત્રોત સારો હોય છે જે શરીરમાં ઇમ્યુનિટી સ્ટ્રોંગ કરે છે અને સાથે-સાથે હેલ્થને પણ ફાયદો પહોંચાડે છે. તો જાણો ઘરે કેવી રીતે બનાવશો ટોમેટો સૂપ.

    સામગ્રી


    5 ટામેટા

    એક લસણની કળી

    એક નાની ઝીણી સમારેલી ડુંગળી

    આ પણ વાંચો:સાલસા પોટેટો બનાવવા નોંધી લો આ રીત

    2 તમાલ પત્ર

    એક ચમચી કોર્ન ફ્લોર

    અડધી ચમચી બટર

    એક કપ પાણી

    બે ચમચી ક્રીમ

    એક ચમચી ખાંડ

    ચપટી મરી પાવડર

    સ્વાદાનુંસાર મીઠું

    બનાવવાની રીત



    • ટોમેટો સૂપ બનાવવા માટે સૌ પ્રથમ ટામેટાને બે વાર પાણીથી ધોઇ લો.

    • પછી આ ટામેટાને આખા કુકરમાં બાફવા મુકી દો. તમે તપેલીમાં પાણી મુકીને પણ બાફી શકો છો.


    આ પણ વાંચો:આ ખાસ રીતે ડાકોરના ગોટા બનાવો તમે પણ



      • કુકરનું ઢાંકણ ખોલીને ચેક કરી લો કે ટામેટા બફાઇ ગયા છે કે નહીં.

      • ટામેટા બફાઇ ગયા હોય તો બ્લેન્ડરની મદદથી ક્રશ કરી લો. તમે ઇચ્છો છો તો ટામેટાની છાલ કાઢીને બ્લેન્ડ કરી શકો છો.

      • બ્લેન્ડ કર્યા પછી મોટી ગરણીમાં લઇ લો અને ગાળી લો. જેથી કરીને છાલ અને એ બધુ નિકળી જાય.2 ચમચી પાણીમાં કોર્ન ફ્લોર નાખો અને સ્મૂધ પેસ્ટ બનાવી લો.

      • એક પેન લો અને એમાં બટર ગરમ કરવા માટે મુકો.

      • બટર પીગળી જાય એટલે તમાલ પત્ર નાંખો.

      • પછી ઝીણું સમારેલું લસણ અને ડુંગળી નાંખીને સાંતળી લો.

      • હવે ટામેટાની પ્યુરી નાંખો અને બરાબર મિક્સ કરી લો

      • 5 મિનિટ રહીને જરૂર મુજબ ખાંડ નાંખો અને મિક્સ કરો.

      • 2 મિનિટ રહીને મીઠું અને મરી પાવડર નાંખો.

      • સૂપ થોડો ઉકળવા લાગે એમાં કોર્ન ફ્લોરની પેસ્ટ નાંખીને હલાવી દો.






    • 5 મિનિટ સુધી સૂપને ઉકાળો અને પછી ગેસ બંધ કરી દો.

    • તો તૈયાર છે ટોમેટો સૂપ.

    • આ ટોમેટો સૂપને સર્વ કરો અને ઉપરથી ક્રીમ અને બ્રેડ તેમજ ટોસના ટુકડા એડ કરો.

    Published by:Niyati Modi
    First published:

    Tags: Life style, Recipes, Soup recipe, Winter recipe

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन