Home /News /lifestyle /

Global Day of Parents: આજે 'ગ્લોબલ ડે ઓફ પેરેન્ટ્સ' છે, જાણો તેનો ઈતિહાસ, મહત્વ અને આ વર્ષની થીમ

Global Day of Parents: આજે 'ગ્લોબલ ડે ઓફ પેરેન્ટ્સ' છે, જાણો તેનો ઈતિહાસ, મહત્વ અને આ વર્ષની થીમ

આજે 'ગ્લોબલ ડે ઓફ પેરેન્ટ્સ' છે, જાણો તેનો ઈતિહાસ, મહત્વ અને આ વર્ષની થીમ

Global Day of Parents Day's History, theme and Importance: આજે (1 જૂન) સમગ્ર વિશ્વમાં 'ગ્લોબલ ડે ઓફ પેરેન્ટ્સ ડે' (Global Day of Parents) ઉજવવામાં આવે છે. માતા-પિતાના સન્માનમાં આયોજિત આ દિવસની ઉજવણીની સત્તાવાર જાહેરાત UN જનરલ એસેમ્બલીમાં વર્ષ 2012માં કરવામાં આવી હતી. આ પ્રસંગે લોકો તેમના માતા-પિતાને આદર આપે છે અને તેમના બલિદાન માટે તેમનો આભાર માને છે

વધુ જુઓ ...
    જીવનમાં માતા-પિતાનું વિશેષ મહત્વ છે. બાળકનો જન્મ થાય ત્યારથી, તેને તેના જીવનના દરેક વળાંક પર માતાપિતાની જરૂર હોય છે. પ્રારંભિક શિક્ષણ પણ તે તેના માતાપિતા પાસેથી મેળવે છે, જે તેને જીવનભર આગળ વધવામાં મદદ કરે છે. માતા-પિતાના આ મહત્વને ધ્યાનમાં રાખીને આજે એટલે કે 1લી જૂને સમગ્ર વિશ્વમાં 'ગ્લોબલ ડે ઓફ પેરેન્ટ્સ ડે' (Global Day of Parents Day 2022) ઉજવવામાં આવે છે. માતા-પિતાના સન્માનમાં આયોજિત આ દિવસની ઉજવણીની સત્તાવાર જાહેરાત યુએન જનરલ એસેમ્બલીમાં વર્ષ 2012માં કરવામાં આવી હતી. આ પ્રસંગે લોકો તેમના માતા-પિતાને આદર આપે છે અને તેમના બલિદાન માટે તેમનો આભાર માને છે. ઘણા લોકો આ દિવસે તેમના માતાપિતાને ખાસ ભેટ આપે છે અને તેમની સાથે ઉજવણી કરે છે.

    'ગ્લોબલ ડે ઓફ પેરેન્ટ્સ ડે' નો ઇતિહાસ (History of Global Day of Parents Day) Global Day of Parents Day's History, theme and Importance


    આ દિવસની સ્થાપના 1994માં કરવામાં આવી હતી. આ એ સમય હતો જ્યારે સમાજ ધીમે ધીમે સ્વકેન્દ્રી બની રહ્યો હતો, લોકો પોતાના માતા-પિતા પ્રત્યેની જવાબદારીથી ભાગવા લાગ્યા હતા. ત્યારબાદ યુએસ પ્રમુખ બિલ ક્લિન્ટને ( US President Bill Clinton) કૌટુંબિક પ્રતિબદ્ધતા અને માતા-પિતાની જવાબદારીને પ્રોત્સાહન આપવા માટે પેરેન્ટ્સ ડેની ઉજવણીના કૉંગ્રેસના ઠરાવ પર હસ્તાક્ષર કર્યા હતા.

    આ પણ વાંચો: Destinations To Avoid In The Summer : આ છે ભારતના સૌથી સુંદર પર્યટન સ્થળ પરંતુ ગરમીઓમાં અહીનો પ્રવાસ ટાળવો વધુ સારું

    આ વિચારને યુનિફિકેશન ચર્ચ, સેનેટર ટ્રેન્ટ લોટ દ્વારા ટેકો આપવામાં આવ્યો હતો અને બિલને સમર્થન આપવામાં આવ્યું હતું. સેનેટમાં રજૂ કરવામાં આવ્યું હતું, જેની સત્તાવાર જાહેરાત 1 જૂન 2012 ના રોજ યુએન જનરલ એસેમ્બલીમાં કરવામાં આવી હતી .

    'ગ્લોબલ ડે ઓફ પેરેન્ટ્સ ડે' 2022ની થીમ (Global Day of Parents Day 2022 theme)


    દર વર્ષની જેમ આ વર્ષે પણ 'ગ્લોબલ ડે ઓફ પેરેન્ટ્સ'ની ખાસ થીમ આપવામાં આવી છે જે છે - 'ફેમિલી અવેરનેસ' (Family Awareness) એટલે કે પરિવાર પ્રત્યેની જાગૃતિ. તમારી અને તમારા પરિવારની માનસિક અને શારીરિક સુખાકારી વિશે જાગૃત રહેવા માટે કૌટુંબિક જાગૃતિ ખૂબ જ મહત્વપૂર્ણ છે.

    આ રીતે, શક્ય હોય ત્યાં સુધી તમારા પરિવારના સભ્યો સાથે માનસિક અને શારીરિક સ્વાસ્થ્યનું ધ્યાન રાખો અને આ વિષય પર ચર્ચા કરો. એટલું જ નહીં, મુશ્કેલ સમયમાં એકબીજાની મદદ કરવા માટે હંમેશા તૈયાર રહો.

    માતાપિતાના વૈશ્વિક દિવસનું મહત્વ (Importance of World Parents Day)


    માતા-પિતા હંમેશા પોતાના બાળકો માટે ત્યાગ કરતા હોય છે અને અનેક પ્રકારની તકલીફો ઉઠાવીને પોતાના બાળકોનું કોઈ નુકસાન થવા દેતા નથી. મા-બાપના કારણે પરિવારમાં પણ પારિવારિક વાતાવરણ જોવા મળે છે.

    આ પણ વાંચો: Covid Syndrome: લોંગ કોવિડ સિન્ડ્રોમની નિશાની હોઈ શકે છે મૂડ સ્વિંગ, જાણો કેવી રીતે

    આવી સ્થિતિમાં, જરૂરી છે કે આપણે આપણા માતા-પિતાનું સન્માન કરીએ અને તેમનું જીવન સરળ બનાવવામાં મદદ કરીએ. તેમને અહેસાસ કરાવો કે તેઓ તમારા જીવનમાં કેટલા મહત્વપૂર્ણ છે.
    Published by:Rahul Vegda
    First published:

    Tags: Lifestyle, Relationship

    આગામી સમાચાર