Sunscreen Side Effects: સનસ્ક્રીન લગાવતા હો તો તેની આડઅસરો પણ જાણી લો, આ છે તેના ઉપયોગની સાચી રીત

Sunscreen Side Effects: સનસ્ક્રીન (Sunscreen)નો ઉપયોગ આપણે સ્કિન (Skin)ને યુવી કિરણો (UV Rays)ની ખતરનાક અસરોથી બચાવવા અને કેન્સર જેવા રોગો દૂર કરવા માટે કરીએ છીએ. સનસ્ક્રીનનો ઉપયોગ આપણી સ્કિનને સનબર્ન (Sun Burn) અને રિંકલ (wrinkles)થી બચાવવા માટે પણ થાય છે. પરંતુ શું તમે જાણો છો કે સનસ્ક્રીનનો વધુ પડતો ઉપયોગ ત્વચા માટે હાનિકારક પણ બની શકે છે? મેયોક્લિનિકના જણાવ્યા મુજબ, તે ત્વચાને ઘણી સમસ્યાઓથી બચાવવાનું કામ કરે છે, પરંતુ સનસ્ક્રીનમાં ઉપયોગમાં લેવાતા કેટલાક રસાયણો સ્કિની એલર્જી, બળતરા, સોજો, લાલાશ, પોર બ્લોકેજ વગેરેનું કારણ બની જાય છે.

નેશનલ સેન્ટર ફોર બાયોટેક્નોલોજી ઇન્ફોર્મેશન (NCBI)ના રિસર્ચ મુજબ, સનસ્ક્રીન બ્લડ લેવલ પર ખરાબ અસર કરી શકે છે.

સનસ્ક્રીનનું ત્વચા પર નુકસાન (Sunscreen Side Effects on Skin)

1. એલર્જી

સનસ્ક્રીનમાં કેટલાક એવા કેમિકલ્સનો ઉપયોગ કરવામાં આવે છે જે તમારી ત્વચાને નુકસાન પહોંચાડી શકે છે. જેના કારણે ત્વચા પર બળતરા, સોજો, ફોલ્લીઓ અથવા ખંજવાળ જેવી સમસ્યાઓ શરૂ થઈ શકે છે. આટલું જ નહીં, કેટલીક વાર ફોલ્લીઓ, સોજો અથવા રેશીઝ મટાડવામાં ઘણો સમય લાગી જાય છે અને આવી સ્થિતિમાં એલર્જી અથવા ઇન્ફેકશન થઈ શકે છે.

2. ખીલ

સનસ્ક્રીનથી ખીલની સમસ્યા વધી શકે છે. વાસ્તવમાં સનસ્ક્રીનના ઉપયોગથી ઘણી વખત તેલ ગ્રંથીઓ જરૂરિયાત કરતા વધુ સક્રિય થઈ જાય છે અને તેના કારણે પિમ્પલ્સ એક્નેની સમસ્યા શરૂ થાય છે. આ આડઅસરથી છુટકારો મેળવવા માટે તમારે નોન-ઓઈલી સનસ્ક્રીનનો ઉપયોગ કરવો જોઈએ.

3. આંખોમાં બળતરા

આંખોમાં સનસ્ક્રીન લાગી જાય તો દુખાવો અને બળતરા થઈ શકે છે. આટલું જ નહીં ક્યારેક સંવેદનશીલતા વધી જાય છે અને આંખોમાં લાલાશ પણ આવી જાય છે. જો તમે સનસ્ક્રીન લગાવો છો, તો તેને દૂર કરતી વખતે પાણીથી આંખોને વધુ સારી રીતે સાફ કરો.

આ પણ વાંચો: Facewash Side Effect: શું તમને વારંવાર ચહેરો ધોવાની આદત છે? તો જાણી લો તેના ગેરફાયદા

સ્કિન ટાઈપ મુજબ ખરીદો સનસ્ક્રીન

- જ્યારે પણ તમે આઉટડોર સ્પોર્ટ્સ માટે સનસ્ક્રીન ખરીદો ત્યારે SPF 15 કે તેથી વધુ ખરીદો.

- જો બાળકો સનસ્ક્રીન લગાવતા હોય તો SPF 15 અને આલ્કોહોલ ફ્રી લોશન જ લગાવો.

- જો તમારી ત્વચા શુષ્ક હોય તો ક્રીમ બેઝ્ડ સનસ્ક્રીન લગાવો અને જો ઓઈલી ત્વચા હોય તો આલ્કોહોલ બેઝ્ડ સનસ્ક્રીન લગાવો.

- વેરી ફેર સ્કિન હોય તો SPF 20-30 નો ઉપયોગ કરો.

આ પણ વાંચો: Apple Cider Vinegar Benefits: એપલ સાઈડર વિનેગરથી વાળ ધોયા છે ક્યારેય? જાણો ઉપયોગની સાચી રીત

- ફેર સ્કિન હોય તો SPF 12-20 નો ઉપયોગ કરો.

- જો તમારી ત્વચા લાઇટ બ્રાઉન હોય તો SPF 8-12 નો ઉપયોગ કરો.

- જો તમારો રંગ ઘેરો હોય તો SPF 2-4 નો ઉપયોગ કરો.

- હંમેશા તડકામાં જાઓ એના અડધા કલાક પહેલા સનસ્ક્રીન લગાવો અને 1 થી 2 કલાક પછી ચહેરો સાફ કરો.

- સનસ્ક્રીનને ગરમ અથવા ખૂબ ઠંડી જગ્યાએ સંગ્રહિત કરશો નહીં. રૂમ ટેમ્પરેચર પર રાખો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Beauty Tips, Life Style News, Skin care, Sunscreen