કુંભણ ગામના પ્રખ્યાત તીખાં-તમતમતા "કુંભણીયા ભજીયા" બનાવવાની રીત

  • Share this:
    આ ભજીયા કુંભણ ગામની ખૂબ જ પ્રખ્યાત વાનગી છે. તેથી જ આ ભજીયા 'કુંભણીયા ભજીયા' તરીકે પ્રખ્યાત થયા છે.

    કુંભણીયા ભજીયા બનાવવાની સામગ્રી:

    500 ગ્રામ ચણાનો ઝીણો લોટ
    500 ગ્રામ લીલાં મરચાં (સ્વાદ મુજબ તીખાં)
    250 ગ્રામ કોથમીર
    250 ગ્રામ લીલું લસણ
    100 ગ્રામ આદું
    1 લીંબુનો રસ
    મીઠું સ્વાદ અનુસાર

    કુંભણીયા ભજીયા બનાવવાની રીત:
    સૌ પ્રથમ એક મોટો બાઉલ લઈ તેમાં ઉપર જણાવેલ બધી જ સામગ્રી મિક્સ કરી જરૂર મુજબ પાણી ઉમેરી થોડુંક કઠણ ખીરૂં તૈયાર કરો. ત્યારબાદ તેલ ગરમ કરવા મૂકી દો. ધ્યાનમાં રાખો કે આ ભજીયાં બનાવવા માટે તેની ટેક્નિક જ સૌથી મહત્વની છે. તેથી તૈયાર કરેલા ખીરાંને હાથમાં મૂટ્ઠી ભરી આંગળીઓને હથેળીમાં ફેરવતા જઈ ગરમ તેલમાં ઝીણાં પણ બુંદી કરતા સહેજ મોટા ડપકાં મૂકતાં જાવ. આ ભજીયાંનો સામાન્ય રીતે કોઈ જ આકાર નક્કી નથી હોતો. પરંતુ ચોક્કસ ધ્યાનમાં રાખો કે ભજીયાની સાઈઝમાં કોઈ મોટો ફેરફાર ન પડે. નહિંતર વધુ નાની સાઈઝના ભજીયા કડક અને વધુ મોટી સાઈઝના ભજીયા અંદરથી કાચા જ રહેશે. તળાઈ જાય એટલે ગરમાગરમ ભજીયાને મરચાં કે કઢી સાથે સર્વ કરો. આ ભજીયા કુંભણ ગામની ખૂબ જ પ્રખ્યાત વાનગી છે. તેથી જ આ ભજીયા 'કુંભણીયા ભજીયા' તરીકે પ્રખ્યાત થયા છે.

    મિનિટોમાં સુધરી જશે બગડેલો મૂડ, ખાવ આ 3 ચીજો
    Published by:Bansari Shah
    First published: