Home /News /lifestyle /

'સાત વર્ષના દીકરાએ મને સેનિટરી નેપકિન વિશે પૂછ્યું, મારે તેને શું જવાબ આપવો તે સમજાતું નથી'

'સાત વર્ષના દીકરાએ મને સેનિટરી નેપકિન વિશે પૂછ્યું, મારે તેને શું જવાબ આપવો તે સમજાતું નથી'

પ્રતિકાત્મક તસવીર

'મારે દીકરાને ખોટો જવાબ આપવો પડ્યો, પણ મારે તેને સાચી માહિતી આપવી હોય તો કેવી રીતે સમજાવું?'

“મારા સાત વર્ષના દીકરાએ મને સેનિટરી નેપકિન્સની જાહેરાત વિશે પૂછ્યું. મને શું બોલવું તે સમજાતું નથી.તો મેં કહ્યું કે જ્યારે કોઈ છોકરી શૌચાલયમાં પેશાબ કરવા જાય છે, ત્યારે તે સમયે રૂમાલનો ઉપયોગ કરે છે. ત્યારબાદ તેણે સેનિટરી નેપકિન્સને 'મામા ડાયપર' તરીકે બોલાવવાનું શરૂ કર્યું. મને ખરાબ લાગે છે કે મેં તેને ખોટી માહિતી આપી ”.

જો કે બાળકોને યોગ્ય, પ્રામાણિક અને સીધા જવાબો આપવામાં આવે તે મહત્વનું છે, પરંતુ બાળકના આવા પ્રશ્નોથી ડરવું અને સૌથી યોગ્ય લાગે તેવા જવાબો આપવાનું સામાન્ય વાત છે. પરંતુ તમારી પોતાના દોષને કોઈપણ સમયે સુધારી શકાય છે! તેના બદલે, તમારા પુત્રને કહો કે જુઓ, મેં તમને ખોટી માહિતી આપી છે, આનાથી તે ફક્ત એટલું જ નહીં જાણે કે મારા માતાપિતા પણ સામાન્ય લોકો જેવા છે અને અન્ય લોકોની જેમ તેઓ પણ ભૂલો કરી શકે છે. પણ તેની સાથે સાથે તમને શીખવશે કે તમે તમારી જાતને સુધારી શકો છો અને કોઈપણ સમયે નવી વસ્તુઓ શીખી શકો છો. તમને તમારા પુત્રને આ પાઠ ભણાવવાની તક છે.

હવે જ્યાં સુધી પ્રશ્ન વાસ્તવિક સવાલનો છે, તમે નાના છોકરાને માસિક સ્રાવ વિશે કેવી રીતે કહો અથવા તો શું કહેશો? તમે પ્રમાણિક બનો! તમારો સાત વર્ષનો પુત્ર મોટો થઈ ગયો છે કે તે માસિક સ્રાવની મૂળભૂત બાબતોને સમજી શકે, અને મહત્વનું છે કે તે પણ પ્રજનન પ્રક્રિયામાં સામેલ શરીરના ભાગો, જેમ કે યોનિમાર્ગ વિશે અગાઉથી સાચી માહિતી મેળવે.

તમે તેને આ વસ્તુઓ કહી શકો છો: “જ્યારે છોકરીઓ મોટી થાય અને તેઓ 12 - 13 વર્ષની થઈ જાય પછી તેમના શરીરમાં ઘણી રીતે બદલાવ આવે છે. આ ફેરફારો એટલા માટે આવે છે કારણ કે તેમના શરીરમાં હોર્મોન્સ ઉત્પન્ન થાય છે. જ્યારે આવું થાય છે, ત્યારે છોકરીનું શરીર બાળક મેળવવા માટે તૈયાર થવા લાગે છે. આ અતિથિના આગમન પહેલાં માતા જે રીતે ઘરને ઠીક કરે છે આ બિલકુલ તેવું જ છે. જ્યારે બાળક ન આવે, ત્યારે છોકરીના શરીરમાં રહેલી બિનજરૂરી ચીજોને તેનું શરીર કાઢી નાખે છે જેથી તે જગ્યાએ બનાવવામાં આવે અને પ્રક્રિયામાં થોડું લોહી નીકળી જાય. આ રક્ત કોઈ ઇજાના કારણે કે ઘાના કારણે નથી નીકળતુ પરંતુ શરીરની સિસ્ટમ તેના અવયવને તે ભવિષ્યમાં બાળકને જન્મ આપી શકે તેના માટે તૈયાર કરે છે.

એકવાર માસિક સ્રાવ વિશેની મૂળભૂત બાબતો બાળકના મગજમાં સ્પષ્ટ થઈ જાય, પછી તમે તેને સેનિટરી નેપકિનની જરૂરિયાત વિશે કહી શકો કે જેનો ઉપયોગ છોકરીઓ તેમના શરીરમાંથી બહાર આવતા આ લોહીને શોષી શકે અને આ રીતે શરીરને સ્વચ્છ રાખે તે માટે કરે છે. તમે તેમને સેનિટરી નેપકિન્સ પણ બતાવી શકો છો અને પાણીની મદદથી તમે લોહીને શોષિત કેવી રીતે કરી શકો છો તે પણ કહી શકો છો. મોટા થયા પછી, બાળક માસિક સ્રાવ વિશે નિશ્ચિંત હશે.
Published by:Jay Mishra
First published:

Tags: Sex education, Wellness

विज्ञापन

विज्ञापन

આગામી સમાચાર

विज्ञापन
विज्ञापन