ગુજરાતીઓનું ફેવરેટ ફરસાણ 'ટમટમ ખમણ' સ્ટેપ બાય સ્ટેપ આ રીતે ઘરે બનાવો

લાઇફ સ્ટાઇલ ડેસ્ક: દરેક ગુજરાતીઓને ફરસાણ પ્રિય હોય છે. ફરસાણમાં અનેક પ્રકારની વાનગીઓ તમે સરળતાથી ઘરે બનાવી શકો છો. તો આજે અમે તમને એક મસ્ત ફરસાણની રેસિપી જણાવીશું..જે છે ટમટમ ખમણ. ટમટમ ખમણ ખાવાની બહુ જ મજા આવે છે, પરંતુ મોટાભાગના લોકો ટમટમ ખમણ બહારથી લાવતા હોય છે. તમે પણ ટમટમ ખમણ હવે બહારથી લાવશો નહીં અને આ રીતે ઘરે બનાવો. આ ખમણ તમે ખૂબ ઝડપથી ઘરે બનાવી શકો છો. આ ખમણ તમે ઘરે આવતા મહેમાનોં માટે બનાવો છો તો ખાવાની બહુ જ મજા આવે છે. તો જાણો ઘરે કેવી રીતે બનાવશો ટમટમ ખમણ.

સામગ્રી

3 કપ ચણાનો લોટ

3 કપ પાણી

સ્વાદાનુંસાર મીઠું

આ પણ વાંચો: માત્ર 20 મિનિટમાં ઘરે બનાવો બાજરા સૂપ

અડધી ચમચી લીંબુના ફૂલ

ચપટી સાજીના ફૂલ

5 ચમચા તેલ

રાઇ

4 ચમચી કાશ્મીરી લાલ મરચું

ગાર્નિશિંગ માટે ટોપરાની છીણ

ગાર્નિશિંગ માટે કોથમીર

બનાવવાની રીત

• ટમટમ ખમણ બનાવવા માટે સૌ પ્રથમ 3 કપ ચણાનો લોટ એક બાઉલમાં લો.


• ત્યારબાદ આ લોટમાં બરાબર માત્રામાં પાણી નાખો અને મિક્સ કરી લો.


• હવે આ મિશ્રણને 2 કલાક માટે ઢાંકીને મુકી રાખો.

આ પણ વાંચો: માર્કેટ જેવી પાતળી તલ માવાની ચીકી આ રીતે ઘરે બનાવો

• 
  
  
  
  • બે કલાક પછી ખીરામાં મીઠું, આદુ મરચાની પેસ્ટ, લીંબુના ફૂલ અને સાજીના ફૂલ ઉપર જણાવ્યા માપ મુજબ નાંખો અને આ બધી જ વસ્તુને મિક્સ કરી લો.
  
  
  • આ પ્રોસેસ થઇ જાય પછી એક તપેલામાં પાણી ભરો અને એને પહેલા ગરમ કરવા માટે મુકો.
  
  
  • પાણી ગરમ થઇ જાય એટલે એની ઉપર એક થાળી મુકો અને આ થાળીમાં ખીરુ પાથરો.
  
  
  • 20 મિનિટ સુધી થવા દો અને પછી ઢાંકણ ખોલીને ચેક કરી લો કે ખમણ થયા છે કે નહીં. સામાન્ય રીતે 20 મિનિટ પછી ખમણ તૈયાર થઇ જાય.આ ખમણને હવે કટ કરી લો અને એક બાઉલમાં કાઢી લો.એક પેનમાં 4 ચમચા તેલ મુકો અને એને ગરમ કરી લો.
  
  
  • આ ગરમ તેલમાં રાઇ નાખો અને થવા દો.
  
  
  • ત્યારબાદ તેલમાં કાશ્મીરી લાલ મરચું નાંખો.
  
  
  
  

• આ તેલમાં તૈયાર થયેલા ખમણને મિક્ષ કરી લો.


• તો તૈયાર છે ટમટમ ખમણ.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Life style, Recipes