તીખી તમતમતી 'રાજસ્થાની ચટણી' આ રીતે ઘરે બનાવો, માત્ર 5 મિનિટમાં બની જશે

લાઇફ સ્ટાઇલ ડેસ્ક: કોથમીર અને ફુદીનામાંથી બનેલી ચટણી ખાવાનો સ્વાદ ડબલ કરી દે છે. આ ચટણી તમે એક વાર ખાઓ છો તો વારંવાર ખાવાની ઇચ્છા થશે. તો આજે અમે તમને રાજસ્થાની ચટણી બનાવતા શિખવાડીશું. રાજસ્થાની ચટણીનો સ્વાદ ખૂબ જ મસ્ત હોય છે. આ ચટણી તમે માત્ર 5 જ મિનિટમાં ઘરે બનાવી દો છો. લંચ તેમજ ડિનરની સાથે તમે આ ચટણી ખાઓ છો તો સ્વાદમાં ડબલ ઘણો વધારો થઇ જાય છે. તો રાજસ્થાની ચટણી તમે પણ આ રીતે ઘરે બનાવો અને ખાવાની મજા માણો. તો નોંધી લો આ રેસિપી તમે પણ..

સામગ્રી

બે કપ ફુદીનાના પાન

એક કપ કોથમીર

½ કપ ઝીણી સમારેલી ડુંગળી

આ પણ વાંચો:ઘરે બનાવો આ કુકીઝ અને ખાવાની મજા માણો

એક ચમચી મોટા સમારેલા લીલા મરચા

એક ચમચી ક્રશ કરેલું આદુ

એક ચમચી લીંબુનો રસ

સ્વાદાનુંસાર મીઠું

બનાવવાની રીત

• રાજસ્થાની ચટણી બનાવવા માટે સૌ પ્રથમ ફુદીનો અને કોથમીરને ઝીણી સમારી લો અને પછી બે પાણીથી ધોઇ લો.

આ પણ વાંચો:વધેલી પૂરીમાંથી આ રીતે ઘરે બનાવો 'પૂરી પિઝા'

• 
  
  
  
  • ત્યારબાદ કોથમીરને કોરા કપડા પર મુકી દો. આમ કરવાથી બધુ પાણી શોષાઇ જશે.
  
  
  • પછી ફુદીનાના પાનને પણ આ જ પ્રોસેસથી કોરા કરી લો.
  
  
  • હવે ડુંગળી ઝીણી સમારી લો.
  
  
  • આદુના મોટા કટકા કરી લો.
  
  
  • હવે મિક્સર જાર લો અને એમાં કોથમીર અને ફુદીનાના પાન નાંખો.
  
  
  • બે વાર ક્રશ કરી લો અને પછી ઢાંકણ ખોલીને ચમચીની મદદથી હલાવી દો.
  
  
  • હવે મિક્સર જારમાં આદુ અને ડુંગળી નાંખીને મિક્સર ચન કરી લો.
  
  
  • પછી બધી જ સામગ્રીઓ નાંખીને ફરી એક વાર મિક્સર ચન કરી લો.
  
  
  • સ્વાદાનુંસાર મીઠું નાંખો.
  
  
  • એક ચમચી લીંબુનો રસ નાંખીને મિક્સર ફેરવી લો.
  
  
  • તો તૈયાર છે રાજસ્થાની ચટણી.
  
  
  • રાજસ્થાની ચટણીને એક બાઉલમાં લઇ લો અને લંચ તેમજ ડિનરમાં સર્વ કરો.
  
  
  
  

• આ ચટણી તમે પ્રોપર આ રીતે બનાવશો તો મસ્ત બનશે અને ખાવાની પણ મજા આવશે.


• તો તમે પણ મોડુ કર્યા વગર આ રીતે ઘરે બનાવો રાજસ્થાની ચટણી અને ખાવાની મજા માણો.


• ઘરમાં બધાને તીખું વધારે ભાવે છે તો તમે લીલા મરચા વધારે એડ કરી શકો છો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Life Style News, Recipes