Palak dal khichdi recipe: પૌષ્ટિકતાથી ભરપૂર 'પાલક દાળની ખીચડી' બનાવો ઘરે, આ રીતે આદુ-લસણનો વઘાર કરો

લાઇફ સ્ટાઇલ ડેસ્ક: હળવો ખોરાક કોઇ ખાવાનું કહે તો સૌથી પહેલા ખીચડીનું નામ જ આવે. ખીચડી સ્વાસ્થ્ય માટે અનેક રીતે ફાયદાકારક છે. આપણે જ્યારે બીમાર પડીએ ત્યારે ડોક્ટર પણ ખીચડી ખાવાની સલાહ આપતા હોય છે. ખીચડી સ્વાદમાં જેટલી ટેસ્ટી હોય છે એટલી જ સારી હેલ્થ માટે સાબિત થાય છે. તો આજે અમે તમને પાલક દાળની ખીચડી બનાવતા શિખવાડીશું. પાલક દાળની ખીચડી તમે આ રીતે ઘરે બનાવો છો તો ખાવાની બહુ જ મજા આવે છે. પાલક દાળની ખીચડી ટેસ્ટમાં બહુ જ મસ્ત લાગે છે. તો જાણો ઘરે કેવી રીતે બનાવશો પાલક દાળની ખીચડી.

સામગ્રી

½ કપ ચોખા

¾ કપ મગની દાળ

એક કપ પાલકના પાન

એક ટામેટું

આ પણ વાંચો:ઘરે પાતળી અને ક્રિસ્પી 'તલ માવાની ચીકી' બનાવો

અડધી ચમચી આદુ-લસણની પેસ્ટ

½ ઝીણી સમારેલી ડુંગળી

એક લીલું મરચું

એક સુકા લાલ મરચું

તજ

લવિંગ

¼ ટી.સ્પૂન હળદર

એક ચમચી દેસી ઘી

સ્વાદાનુંસાર મીઠું

બનાવવાની રીત

• પાલક દાળ ખીચડી બનાવવા માટે સૌ પ્રથમ ચોખા અને મગની દાળને બે વાર પાણીથી ધોઇ લો.


• પછી ટામેટા, પાલક, લીલા મરચાને ઝીણા સમારી લો.

આ પણ વાંચો: વજન ઉતારવું છે તો સવારના નાસ્તામાં આ પરાઠા ખાઓ

• 
  
  
  
  • હવે પ્રેશર કુકર લો અને એમાં ચોખા અને મગની દાળ નાંખીને 3 થી 4 કપ પાણી નાંખો.
  
  
  • ત્યારબાદ ચપટી હળદર અને મીઠું નાંખીને 4 થી 5 સીટી વગાડો અને થવા દો.
  
  
  • કુકરમાંથી પ્રેશર રિલીઝ થઇ જાય એટલે કુકરનું ઢાંકળ ખોલી દો.
  
  
  • એક કડાઇ લો અને એમાં દેસી ઘી નાંખીને ગરમ થવા દો.
  
  
  • ઘી  ગરમ થઇ જાય એટલે એમાં જીરું, તજ, સુકા લાલ મરચા નાંખો અને એક સેકન્ડ માટે થવા દો.
  
  
  • પછી આમાં ઝીણી સમારેલી ડુંગળી નાંખો અને ફ્રાય કરી લો.
  
  
  • આદુ-લસણની પેસ્ટ અને ઝીણા સમારેલા ટામેટા નાંખો અને સાંતળી લો.
  
  
  • હવે મિક્સરમાં પાલકને પીસી લો અને પ્યુરી બનાવીને એક બાઉલમાં લઇ લો.
  
  
  • તૈયાર પ્યુરીને ડુંગળી-ટામેટાના મસાલા સાથે મિક્સ કરી લો.
  
  
  • હવે કુકરમાં બનાવેલી ખીચડી આમાં મિક્સ કરીને બરાબર હલાવી દો.
  
  
  • આ કડાઇમાં એક કપ પાણી અને મીઠું નાંખીને મિક્સ કરી લો.
  
  
  
  

• હવે આ ખીચડીને થોડી વાર માટે થવા દો અને પછી ગેસ બંધ કરી દો.


• તો તૈયાર છે સ્વાદથી ભરપૂર પાલક દાળ ખીચડી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Life style, Recipes