'આમળાનો મુખવાસ' ખાવાથી પાચન ક્રિયા સારી થાય છે, માત્ર 10 મિનિટમાં આ રીતે બનાવો ઘરે

આમળાનો મુખવાસ ઘરે બનાવો

Amla mukwas recipe: શિયાળામાં બજારમાં આમળા એકદમ ફ્રેશ મળે છે. આમળા ખાવાથી સ્વાસ્થ્યને અનેક રીતે ફાયદો થાય છે. આમળામાંથી તમે અનેક પ્રકારની રેસિપી બનાવી શકો છો.

News18 Gujarati
Last Updated : November 28, 2022, 15:40 IST

લાઇફ સ્ટાઇલ ડેસ્ક: વરિયાળી, ધાણાદાળ, અજમો, અળસી જેવા અનેક મુખવાસ તમે ખાધા હશે પરંતુ શું તમે આમળાનો મુખવાસ ક્યારે ટ્રાય કર્યો છે. આમળાનો મુખવાસ ખાવાની બહુ જ મજા આવે છે. આમળાનો મુખવાસ તમે આ રીતે ઘરે બનાવો છો તો ખાવાની મજા આવે છે. આમળાનો મુખવાસ હેલ્થ માટે પણ અનેક રીતે ફાયદાકારક છે. આમળનો મુખવાસ બીજા બધા મુખવાસ કરતા પણ બહુ મસ્ત લાગે છે. શિયાળામાં આમળા બજારમાં એકદમ ફ્રેશ આવે છે. આ માટે તમે આમળાનો મુખવાસ આ સિઝનમાં બનાવો છો તો ફ્રેશ અને મસ્ત બને છે. તો જાણો ઘરે કેવી રીતે બનાવશો આમળાનો મુખવાસ.

સામગ્રી

એક કિલો આમળા

4 ચમચી શેકેલી અજમો

ત્રણ ચમચી કાળા મરીનો પાવડર

સ્વાદાનુંસાર સિંધાલુંણ મીઠું

બે ચમચી સૂંઠનો પાવડર

આ પણ વાંચો: ટેસ્ટી-ટેસ્ટી 'ઇડલી ચાટ' બનાવવા માટે નોંઘી લો આ રીત

એક ચમચી અળસી. અળસી તમે એવોઇડ કરી શકો છો.

બનાવવાની રીત

આમળાનો મુખવાસ બનાવવા માટે સૌ પ્રથમ આમળાને બે પાણીથી ધોઇને ચોખ્ખા કરી લો.

પછી આમળાને કોરા કપડાથી લૂંછી લો.

આ પણ વાંચો: બજાર જેવા સોફ્ટ અને ફુલેલા ભટુરે બનાવો આ રીતે ઘરે

- હવે આમળાને છીણીમાં છીણી લો. આમળા છીણતી વખતે ખાસ ધ્યાન એ રાખો કે ધારદાર છીણી હાથમાં વાગી ના જાય.
- આમળાની છીણને એક મોટી પ્લેટમાં લઇ લો.
- હવે આ આમળાની છીણમાં થોડુ સિંધાલૂણ મીઠું નાંખો અને 5 મિનિટ માટે ઢાંકીને રહેવા દો.
- આમ કરવાથી આમળામાંથી પાણી છુટી જશે. આ પાણીને એક વાટકીમાં કાઢી લો. આ પ્રોસેસ કરવાથી મુખવાસનો ટેસ્ટ સારો આવે છે.
- હવે આમળામાં સૂંઠ, અજમો અથવા એક ચમચી અજમાનો પાવડર, કાળા મરીનો પાવડર નાંખીને મિક્સ કરી લો.
- હવે હાથમાં લઇને ટેસ્ટ કરી લો અને જો મીઠું ઓછુ લાગતુ હોય તો તમે જરૂર મુજબ સિંધાલુંણ મીઠું નાંખી શકો છો. ખાસ ધ્યાન એ રહે કે મીઠું વધારે ના પડે.
- હવે આ પ્લેટને રૂમ ટેમ્પરેચર પર 4 થી 5 દિવસ માટે એમ જ રહેવા દો. ધ્યાન રહે કે આ મુખવાસ તમારે તડકામાં મુકવાનો નથી.
- 4 થી 5 દિવસ બહાર રાખવાથી આમળા ક્રિસ્પી થઇ જશે.