આ રીતે ચટાકેદાર મુંબઇના મસાલા પાઉં બનાવો ઘરે, આંગળા ચાટતા રહી જશે ઘરના લોકો

લાઇફ સ્ટાઇલ ડેસ્ક: મસાલા પાઉં બાળકોથી લઇને મોટા..એમ દરેક લોકોને ભાવતા હોય છે. મુંબઇના ફેમસ સ્ટ્રીટ ફુડમાં મસાલા પાઉં ટોપ પર છે. મસાલા પાઉં તમે મિનિટોમાં ઘરે તૈયાર કરી શકો છો. મસાલા પાઉં સ્વાદથી ભરપૂર હોય છે. આ અનેક લોકોની ફેવરિટ ડિશ હોય છે. મહારાષ્ટ્ર બહાર પણ અનેક રાજ્યોમાં મસાલા પાઉં મળતા હોય છે. મસાલા પાઉં તમે સરળતાથી ઘરે બનાવી શકો છો. આ પાઉં તમે એક વાર ઘરે બનાવશો તો વારંવાર બનાવવાની ઇચ્છા થશે. સામાન્ય રીતે મસાલા પાઉં બ્રેકફાસ્ટમાં સવારમાં નાસ્તા તરીકે ખાવામાં આવે છે. તો તમે પણ આ રીતે ઘરે મસાલા પાઉં બનાવો.

સામગ્રી

8 પાઉં

4 ચમચી માખણ

3 થી 4 ચમચી લાલ મરચુ- લસણની પેસ્ટ

આ પણ વાંચો: આ રીતે ઘરે બનાવો શુદ્ધ અને પૌષ્ટિક દેસી ઘી

એક કપ ઝીણી સમારેલી ડુંગળી

એક કપ ઝીણું સમારેલું શિમલા મરચા

2 કપ ઝીણું સમારેલું ટામેટુ

2 ચમચી લાલ મરચુ

એક ચમચી પાઉંભાજી મસાલા

એક ચમચી ધાણાજીરું

એક ચમચી લીંબુનો રસ

એક ચમચી તેલ

સ્વાદાનુંસાર મીઠું

મસાલા પાઉં બનાવવાની રીત

• માર્કેટ જેવા મસાલા પાઉં બનાવવા માટે સૌ પ્રથમ આ રીતે એક મસાલો તૈયાર કરો.

આ પણ વાંચો: Year Ender: વર્ષ 2022માં આ ફૂડ્સ ટ્રેન્ડમાં રહ્યા

• 
  
  
  
  • આ માટે એક કડાઇમાં માખણ અને એક ચમચી તેલ નાંખીને મિડીયમ ગેસ પર ગરમ કરી લો.
  
  
  • માખણ પીગળી જાય એટલે એમાં જીરું નાંખો.
  
  
  • ત્યારબાદ આ તેલમાં લાલ મરચા-લસણની પેસ્ટ નાંખો અને એક મિનિટ માટે થવા દો.
  
  
  • પછી આમાં ઝીણી સમારેલી ડુંગળી નાંખો અને આછા બ્રાઉન રંગની થાય ત્યાં સુધી ફ્રાય કરી લો.
  
  
  • આ મસાલામાં હવે ઝીણું સમારેલું શિમલા મરચું અને ટામેટા નાંખો.
  
  
  • હવે 2 થી 3 મિનિટ માટે આ બધી જ વસ્તુઓને થવા દો.
  
  
  • ત્યારપછી લાલ મરચુ, ધાણાજીરુ, મીઠું અને પાઉંભાજીનો મસાલો નાંખીને બરાબર મિક્સ કરી લો.
  
  
  • આ મિશ્રણમાં ત્રણ ગરમ પાણી નાંખો અને ચમચીની મદદથી સતત હલાવતા રહો. મ
  
  
  • 2 થી 3 મિનિટ થવા દો અને મેશરની મદદથી મેશ કરી લો.
  
  
  • આ મસાલામાં કોથમીર અને લીંબુનો રસ નાંખીને મિક્સ કરી લો.
  
  
  • આ બધી જ પ્રોસેસ થઇ જાય પછી ગેસ બંધ કરી દો.
  
  
  • મસાલા પાઉંનું સ્ટફિંગ તૈયાર થઇ ગયુ છે અને આને એક બાઉલમાં લઇ લો.
  
  
  • તવી લો અને એને ગરમ કરવા માટે મુકો.
  
  
  • તવીની વચ્ચે એક ચમચી માખણ, લાલ મરચું-લસણની પેસ્ટ અને ધાણાજીરું નાંખીને એક મિનિટ માટે થવા દો.
  
  
  
  

• હવે 2 પાઉં લો અને વચ્ચેથી કટ કરીને આ મસાલો ભરીને એક મિનિટ માટે થવા દો.


• પાઉંને પલટાવીને થોડો મસાલો ઉપરથી નાંખીને ફેલાવી દો.


• બાખીના પાઉં આમ તૈયાર કરી લો.


• તો તૈયાર છે ગરમાગરમ મસાલા પાઉં.

 

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Life style, Recipes