લાઇફ સ્ટાઇલ ડેસ્ક: વેજ મોમોસનું નામ સાંભળતા જ મોંમા પાણી આવી જાય છે. વેજ મોમોસ ખાવાની મજા કંઇક અલગ જ આવે છે. આ એક વિદેશી ડિશ છે જે આપણાં ત્યાં હાલમાં ખૂબ ફેમસ થઇ રહી છે. હવે તો મોમોસમાં પણ અનેક પ્રકારની વેરાયટી આવે છે. સામાન્ય રીતે મોમોસ બનાવવા માટે મેંદાનો ઉપયોગ થતો હોય છે. મેંદો ખાવામાં સ્વાદિષ્ટ તો લાગે છે પરંતુ એ પચવામાં સરળ હોતો નથી. એવામાં આજે અમે તમને સોજીના મોમોસ બનાવવાની રીત જણાવીશું. વેજ મોમોસ બાળકોને પણ ખૂબ ભાવતા હોય છે. સોશિયલ મિડીયા પ્લેટફોર્મ ઇન્સ્ટાગ્રામ યુઝર એકાઉન્ટ (@chandni_foodcorner)  એ વેજ મોમોસની રેસિપી શેર કરી છે. આ વિડીયોમાં જોઇને તમે પણ સરળતાથી ઘરે બનાવી શકો છો.

આ પણ વાંચો:આ સૂપ પીઓ અને ફટાફટ વજન ઉતારી દોફ

વેજ મોમોસ બનાવવાની રીત

• 
  
  
  
  • વેજ મોમોસ બનાવવા માટે સૌ પ્રથમ એક કપ સોજી લો અને એક નાની ચમચી મીઠું નાખીને બ્લેન્ડરમાં સારી રીતે પીસીને સ્મૂધ પાવડર બનાવી લો.
  
  
  • હવે પીસેલી સોજીને એક બાઉલમાં લઇ લો અને એમાં થોડુ પાણી નાંખીને લોટ બાંધી લો.
  
  
  • પછી લોટની ઉપર થોડુ તેલ લગાવીને ઢાંકીને 20 થી 30 મિનિટ માટે રહેવા દો.
  
  
  • હવે સ્ટફિંગ તૈયાર કરવાની પક્રિયા શરૂ કરો.
  
  
  • આ માટે એક કડાઇમાં એક ચમચી તેલ નાંખીને ગરમ કરી લો.
  
  
  
  

View this post on Instagram

A post shared by Mehroz||Bushra (@chandni_foodcorner)

• પછી તેલમાં એક ચમચી લસણ અને એક ચમચી લીલા મરચા નાંખીને ફ્રાય કરી લો.


• થોડી વાર પછી મિશ્રણમાં અડધો કપ કટ કરેલું ગાજર, એક કપ કોબીજ અને એક ઝીણી સમારેલી ડુંગળી નાંખીને બધુ મિક્સ કરી લો અને થોડીવાર માટે થવા દો.


• એક ચમચી કાળા મરીનો પાવડર અને સ્વાદાનુંસાર મીઠું નાંખો.


• મિક્સ કરીને સ્ટફિંગને અલગ મુકી દો.


• એક કડાઇમાં પાણી નાંખો અને ગરમ કરી લો.


• કડાઇની ઉપર એક ડિશ મુકીને તેલથી ગ્રીસ કરી લો.


• હવે થોડો લોટ લઇને એને વણી લો. ચમચીની મદદથી વચ્ચે સ્ટફિંગ ભરી દો અને બંધ કરી દો. મોમોની કિનારીઓ એકબીજા સાથે ચોંટાડી દો.

આ પણ વાંચો:ચીઝી ચીલી નાન ઘરે બનાવો અને ખાવાની મજા માણો

• મોમોસને 10 થી 15 માટે સ્ટીમ કરી લો.


• તો તૈયાર છે હેલ્ધી અને ટેસ્ટી સોજીના મોમોસ.


• આ મોમોસ તમે ચટણી તેમજ સોસ સાથે ખાઓ છો મજ્જા પડી જાય છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Life Style News, Recipes