પારંપરિક વાનગી 'સાત ધાનનો ખીચડો' બનાવો આ રીતે, વાસી ઉત્તરાયણમાં ખાવાની મજા આવશે

લાઇફ સ્ટાઇલ ડેસ્ક: આજે વાસી ઉત્તરાયણ...અનેક લોકોના ઘરમાં આજે સાત ધાનનો ખીચડો બનાવવામાં આવતો હોય છે. ખીચડો ખાવાની મજા કંઇક અલગ જ આવે છે. આ દિવસ એક એવો છે જેમાં બઘા ઘરે હોય અને સાથે બેસીને ખીચડો ખાવામાં આવતો હોય..આવું કોને ના ગમે..સાત ધાનનો ખીચડો બનાવવાની પરંપરા અનેક વર્ષોથી ચાલી આવે છે. ખીચડો હેલ્થ માટે અનેક રીતે ગુણકારી છે. પૌષ્ટિક્તાથી ભરપૂર ખીચડો દરેક લોકોએ આ ખાસ દિવસે ઘરે બનાવવો જ જોઇએ. તો આજે અમે તમને કેવી રીતે સાત ધાનનો ખીચડો બનાવશો એ વિશેની રેસિપી જણાવીશું. તો નોંધી લો તમે પણ આ રીત અને ઘરે બનાવો. આ ખીચડો ખાવાની મજા કંઇક અલગ જ આવે છે.

સામગ્રી

એક કપ જુવાર

એક કપ તુવેર દાળ

એક કપ બાજરો

આ પણ વાંચો:ઘરે ઇન્દોરી પૌંઆ બનાવો અને ખાવાની મજા માણો

એક કપ ઘઉંના ફાડા

એક કપ મગની દાળ

એક કપ ચોખા

એક કપ લીલા વટાણા

એક કપ લીલી તુવેર

એક કપ વાલ

એક કપ લીલા ચણા

એક ચમચી તલ

બે ચમચી ઘી

જરૂર મુજબ પાણી

બનાવવાની રીત

• પારંપારિક ખીચડો બનાવવા માટે સૌ પ્રથમ જુવાર અને બાજરાને મિક્સરમાં અધકચરો પીસી લો. ઘણાં લોકો ખાંડતા પણ હોય છે.


• એક મોટું વાસણ લો ખાસ કરીને તપેલી લેશો તો એમાં ખીચડો પ્રોપર રીતે બનશે.

આ પણ વાંચો:આ પરાઠા ખાશો તો મોંમા સ્વાદ રહી જશે

• 
  
  
  
  • ઉપર મુજબ બધી જ સામગ્રીને એક પછી એક ચોખ્ખા પાણીથી ધોઇ લો.
  
  
  • આ બધી જ સામગ્રીને ઓછામાં ઓછા બેથી ત્રણ કલાક માટે હુંફાળા પાણીમાં પલાળો.
  
  
  • હવે ચણા, તુવેર, વટાણા જેવી વસ્તુઓને કુકરમાં બાફી લો.
  
  
  • પછી એક મોટી તપેલીમાં તેલ અને ઘી ગરમ કરવા માટે મુકો.
  
  
  • હવે એમાં જીરું, મીઠા લીમડાના પાન નાંખો અને હિંગ નાખીને વધાર કરી લો.
  
  
  • પછી આમાં જેટલા ધાન છે એના કરતા ત્રણથી ચાર કપ વઘારે પાણી મુકો અને ગરમ થવા દો.
  
  
  • પાણી ગરમ થઇ જાય એટલે એમાં બધી દાળ અને સાથે વસ્તુઓ એડ કરી દો.
  
  
  • તમારા ઘરમાં લીલા શાકભાજી વઘારે ભાવે છે તો તમે વધારે એડ કરી શકો છો.
  
  
  • આ ખીચડીમાં મીઠું, લાલ મરચું, હળદર, તજનો પાવડર, લવિંગનો પાવડર જેવા અનેક મસાલા કરી લો.
  
  
  • હવે આ ઉપર ઢાંકી દો અને ખીચડાને બરાબર થવા દો.
  
  
  
  

• 15 થી 20 મિનિટ રહીને ખીચડો હલાવી લો અને પાણી ઓછુ લાગે છે તો ફરીથી નાંખો.


• ફરી 20 મિનિટ રહીને ખીચડો ચમચીમાં લઇને જોઇ લો અને ચેક કરી લો ધાન અને શાકભાજી કાચા તો નથી ને.


• જો કાચા લાગે તો થોડુ પાણી નાંખીને થવા દો.


• તો તૈયાર છે સાત ધાનનો ખીચડો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Life style, Makar sankranti, Uttarayan