'લાલ મરચાનું અથાણું' બનાવો ત્યારે આ ખાસ રીતે તૈયાર કરેલો મસાલો, ટેસ્ટમાં બહાર જેવું જ બનશે

લાઇફ સ્ટાઇલ ડેસ્ક: લાલ મરચાનું અથાણું પરાઠા અને રોટલી સાથે ખાવાની બહુ જ મજા આવે છે. હાલમાં બજારમાં એકદમ ફ્રેશ લાલ મરચા મળી રહ્યા છે. લાલ મરચા જોતાની સાથે લેવાની ઇચ્છા થઇ જાય એવા મસ્ત માર્કેટમાં આવી ગયા છે. તમને જાણીને નવાઇ લાગશે કે લાલ મરચા હેલ્થ માટે પણ અનેક રીતે ફાયદાકારક છે. તમે સ્પાઇસી ખાવાના શોખીન છો તો લાલ મરચાનું અથાણું તમારા માટે એક બેસ્ટ ઓપ્શન છે. મસાલેદાર અને સ્પાઇસી લાલ મરચાનું અથાણું તમે એક વાર ઘરે આ રીતે બનાવશો તો વારંવાર બનાવવાનું મન થશે. તો જાણો ઘરે કેવી રીતે સરળતાથી લાલ મરચાનું અથાણું બનાવશો.

સામગ્રી

250 ગ્રામ મોટા લાલ મરચા

4 ચમચી રાઇ

આ પણ વાંચો: આ રીતે ચટાકેદાર મુંબઇના મસાલા પાઉં બનાવો ઘરે

4 ચમચી વરિયાળી

એક ચમચી અજમો

એક ચમચી કાળા મરી

• ચપટી હિંગ

2 લીંબુ

એક કપ સરસિયાનું તેલ

એક ચમચી કાળુ મીઠું

સ્વાદાનુંસાર સાદુ મીઠું

બનાવવાની રીત

• લાલ મરચાનું અથાણું બનાવવા માટે સૌ પ્રથમ એખ કડાઇ લો અને એમાં વરિયાળી, જીરું, અજમો, મેથી દાણા અને કાળા મરીને 2 મિનિટ માટે શેકી લો. આમ કરવાથી મસાલામાં ભેજ રહેતો નથી. આ સાથે જ અથાણામાં સ્વાદ અને સ્મેલ બન્ને બહુ મસ્ત આવે છે.

આ પણ વાંચો: લંચ માટે બેસ્ટ છે આ 5 સાઉથ ઇન્ડિયન ફુડ રેસિપી

• 
  
  
  
  • હવે એક કડાઇ લો અને એમાં સરસિયાનું તેલ ગરમ કરવા માટે મુકો.
  
  
  • તેલ ગરમ થઇ જાય અને એમાંથી ધુમાડો નિકળવા લાગે એટલે ગેસ બંધ કરી દો.
  
  
  • આ તેલને નોર્મલ ટેમ્પરેચર પર ઠંડુ થવા દો.
  
  
  • જ્યારે મસાલા ઠંડા થઇ જાય એટલે મિક્સરમાં કરકરો પીસી લો.
  
  
  • આ દરમિયાન મસાલામાં સ્વાદાનુંસાર મીઠું મિક્સ કરો.
  
  
  • પછી આમાં રાઇ નાંખો અને પીસીને એક બાઉલમાં લઇ લો.
  
  
  • ત્યારબાદ આ રાઇમાં કાળુ મીઠું, હળદર અને હિંગ નાંખીને બધુ બરાબર મિક્સ કરી લો.
  
  
  • આ મસાલામાં હવે લીંબુ નીચોવી લો.
  
  
  • ત્યારબાદ છેલ્લે 2 ચમચી તેલ નાંખો અને બરાબર મિક્સ કરી લો. આમ, અથાણાંનો મસાલો તૈયાર થઇ ગયો છે.
  
  
  • લાલ મરચા લો અને એમાંથી ડીટીંયા કાઢીને લાંબા કટ કરી લો.
  
  
  • હવે મરચાના અંદરના બી મસાલામાં નાખીને મિક્સ કરી લો.
  
  
  • ચમચી મદદથી આ મસાલો મરચામાં ભરો. આ મસાલો તમારે અંદર સુધી ભરવાનો રહેશે.
  
  
  
  

• આ મસાલા ભરેલા મરચાને કાચની બરણીમાં ભરી લો અને એમાં સરસિયાનું તેલ નાંખો.


• તેલમાં સારી રીતે મરચા ડૂબી જાય એટલે ઢાંકણ બંધ કરી દો.


• તો તૈયાર છે લાલ મરચાનું અથાણું.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Life style, Recipes