ટેસ્ટી-ટેસ્ટી 'ઇડલી ચાટ' બનાવવા માટે નોંઘી લો આ રીત, મજ્જા પડી જશે ખાવાની

લાઇફ સ્ટાઇલ ડેસ્ક: બ્રેકફાસ્ટમાં ઇડલી હોય તો ખાવાની મજા પડી જાય છે. ઇડલીમાંથી બનતી ચટાકેદાર ચાટ બહુ ઓછા લોકોએ ખાધી હોય છે. આ ચાટ તમે ખૂબ જ સરળતાથી ઘરે બનાવી શકો છો. આ ચાટ તમે બાળકોને બનાવીને આપો છો તો એ હોંશે-હોંશે ખાઇ લે છે અને ખાવામાં કોઇ નખરા પણ કરતા નથી. ઇડલી સાઉથ ઇન્ડિયન ફુડ છે જે સ્વાસ્થ્ય માટે સારું હોવાને કારણે અનેક ઘરોમાં બનાવવામાં આવે છે. આમ, જો તમે ઇડલી ખાઇ-ખાઇને કંટાળી ગયા છો તો આ ઇડલી ચાટ તમે એક વાર જરૂરથી ઘરે ટ્રાય કરો. આ ચાટ ખાવાની બહુ જ મજા આવે છે. તો જાણો ઘરે કેવી રીતે બનાવશો.

સામગ્રી

એક કપ સોજી

એક કપ દહીં

8 થી 10 કાજુ

2 લીલા મરચા

આ પણ વાંચો: રોજ સાંજે પીઓ આ સૂપ અને ઘટાડી દો સડસડાટ વજન

8 થી 10 મીઠા લીમડાના પાન

એક ચમચી રાઇ

ચપટી બેકિંગ સોડા

અડઘી ચમચી લાલ મરચું

એક ચમચી તેલ

સ્વાદાનુંસાર મીઠું

ચાટ બનાવવા માટે

એક ઝીણી સમારેલી ડુંગળી

એક ઝીણું સમારેલું ટામેટુ

બે ચમચી લીલી ચટણી

એક કપ મસાલા દહીં

એક ચમચી દાડમ

અડધો કપ સેવ

બનાવવાની રીત

• ઇડલી ચાટ બનાવવા માટે સૌ પ્રથમ એક વાસણ લો અને એમાં રવા અને દહીં મિક્સ કરો.


• આ મિશ્રણમાં સ્વાદાનુંસાર મીઠું નાંખીને મિક્સ કરીલો.


• અડધો કલાક આ મિશ્રણને ઢાંકીને રહેવા દો.

આ પણ વાંચો: આ રીતે ઘરે બનાવો Oil Free Samosa

• 
  
  
  
  • એક કડાઇમાં તેલ ગરમ કરવા માટે મુકો અને એમાં ઝીણાં સમારેલા લીલા મરચા, લીમડા પાન નાંખો. પછી આમાં કાજુ ફ્રાય કરી લો.
  
  
  • આ તૈયાર સામગ્રીને ઇડલીના ખીરામાં એડ કરી દો.
  
  
  • આ ખીરામાં થોડુ પાણી નાંખીને મિક્સ કરી લો.
  
  
  • પછી બેકિંગ સોડા અને ખીરું હલાવી દો.
  
  
  • હવે ઇડલીનું કુકર લો અને એમાં નીચે ગરમ પાણી મુકો અને એની થાળી તેલથી ગ્રીસ કરી લો.
  
  
  • પછી એક-એક ખાનામાં ખીરું મુકતા જાવો.
  
  
  • હવે થાળી કુકરમાં મુકીને ઢાંકી દો અને ઇડલી થવા દો.
  
  
  • 10 થી 15 મિનિટ રહીને ગેસ બંધ કરી દો અને થાળીને બહાર કાઢી લો.
  
  
  • તો તૈયાર છે ઇડલી.
  
  
  • હવે ચાટ બનાવવા માટે એક પેનમાં તેલ ગરમ કરવા માટે મુકો.
  
  
  • તેલ ગરમ થઇ જાય એટલે એમાં ચણાની દાળ, લાલ મરચુ, લીમડાના પાન નાંખો.
  
  
  • પછી આ કડાઇમાં ઇડલીના ટુકડા કરીને નાંખો અને મસાલો કરી દો.
  
  
  • ત્યારબાદ ગેસ બંધ કરીને એક બાઉલમાં લઇ લો.
  
  
  
  

• એમાં ઉપરથી દહીં, લીલી ચટણી, આંબલીની ચટણી, ડુંગળી, ટામેટા નાખીને મિક્સ કરી લો.


• છેલ્લે દાડમના દાણા અને સેવથી ગાર્નિશ કરો.


• તો તૈયાર છે ઇડલી ચાટ.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Life style, Recipes