Home /News /lifestyle /

ગણપતિને પ્રસાદમાં ધરાવો આ કંઈક અલગ પ્રકારના 'ફરાળી ઘારી મોદક'

ગણપતિને પ્રસાદમાં ધરાવો આ કંઈક અલગ પ્રકારના 'ફરાળી ઘારી મોદક'

ઉપવાસમાં ખાઈ શકાય તેવી 'ફરાળી ઘારી મોદક' બનાવો

ઉપવાસમાં ખાઈ શકાય તેવી 'ફરાળી ઘારી મોદક' બનાવો

    દરેક લોકોની ભગવાન માટેની શ્રદ્ધા અલગ અલગ પ્રકારની હોય છે. ઘણા લોકો ભક્તિ કરે છે, તો ઘણાં દાન-પુણ્ય કરે છે, તો ઘણા ઉપવાસ પણ કરે છે. તો આજે તમને ફરાળમાં ભૂખ લાગે ત્યારે ખાઈ શકાય તેવી વાનગીની રેસિપિ શૅર કરવા જઈ રહ્યા છે. તો નોંધી લો તેને બનાવવાની રીત... ઉપવાસમાં ખાઈ શકાય તેવી ફરાળી ઘારી ઘરે બનાવો..

    ફરાળી ઘારી મોદક બનાવાની સામગ્રી :
    200 ગ્રામ ઘી
    200 ગ્રામ માવો
    1 વાટકી દૂધ
    100 ગ્રામ રાજગરાનો લોટ
    100 ગ્રામ દળેલી ખાંડ
    10 ગ્રામ કાજુની કતરણ
    10 ગ્રામ પીસ્તાની કતરણ
    10 ગ્રામ  બદામની કતરણ
    ઇલાયચી પાવડર

    ફરાળી ઘારી મોદક બનાવવાની રીત: સૌથી પહેલાં એક બાઉલમાં રાજગરાનો લોટ લઈ તેમાં ઘી નું મોણ નાખી દૂધ ઉમેરતા જઈ મીડિયમ લોટ બાંધી લો. આ લોટને 10 મિનિટ માટે ઢાંકીને રેસ્ટ આપો. ત્યારબાદ એક પેનમાં ઘી લઈને તેમાં માવો ઉમેરી ગુલાબી થાય ત્યાં સુધી શેકી લો. ત્યાર બાદ તેમાં દળેલી ખાંડ, કાજુ, બદામની કતરણ, ઇલાયચી પાવડર નાખી બધું હલાવવું અને સ્ટફિંગ બનાવી તેમાંથી નાના નાના બોલ બનાવી લો. ત્યાર બાદ લોટ લોટમાંથી પૂરી વણી તેમાં માવા નું સ્ટફિંગ ભરી કવર કરી બંધ કરી લો. પછી તેને ઘીમાં ગુલાબી થાય તેમ તળી લો.
    - ત્યારબાદ ઘી લઈને સહેજ ગરમ કરી ઠંડુ થયા પછી ફ્રીઝમાં ઠંડુ કરા લો. પછી આ ઘી ને બીટ કરી લો.
    - ઘારી તળાઈ ગયા બાદ તેને થીજેલા ઘીમાં ડીપ કરી પિસ્તાની કતરણ થી ગાર્નિશ કરી સર્વ કરો. તો તૈયાર છે ફરાળી ઘારી. ફરાળ કરવાની ખૂબ જ મજા પડી જશે.

    આ જ ઘારીને મોદકનો આકાર આપીને ગણપતિના પ્રસાદમાં પણ ધરાવીને ભોગ લગાવી શકાય છે.
    Published by:Bansari Shah
    First published:

    Tags: Kitchen, ખોરાક, રેસીપી

    આગામી સમાચાર