સ્ટેપ બાય સ્ટેપ આ રીતે ઘરે જમાવો દહીં, ડેરી જેવું ઘટ્ટ, મલાઇદાર જામશે

લાઇફ સ્ટાઇલ ડેસ્ક: અનેક લોકોની ફરિયાદ હોય છે કે દહીં બહાર જેવું મસ્ત જામતુ નથી? દહીં બરાબર ના જામે તો ખાવાની મજા આવતી નથી. આ માટે દહીં ઘરે બરાબર જમાવવું એ ખૂબ જરૂરી છે. દહીં ઘટ્ટ જામે તો ખાવાની મજા આવે છે. ઘણાં લોકો દહીં જમાવે ત્યારે એમાંથી પાણી છૂટતુ હોય છે. આમ તમને જણાવી દઇએ કે દહીંમાં પાણી છૂટે એટલે એનો સ્વાદ પ્રોપર આવતો નથી અને ખાવાની મજા આવતી નથી. ગરમી કરતા ઠંડીમાં દહીં જમાવવું મુશ્કેલ હોય છે. કેટલાક લોકો સામાન્ય રીતે આ ટાઇપની ફરિયાદ કરતા હોય છે. આમ, જો તમે પણ દહીં જમાવો ત્યારે બરાબર જામતુ નથી તો આ ટિપ્સ નોંધી લો તમે પણ..

આ પણ વાંચો:સાદી નહીં, આ ચટાકેદાર ઉપમા ઘરે બનાવો

આ રીતથી દહીં જમાવો

આપણે અહીંયા લગભગ અનેક ઘરોમાં દહીંનો ઉપયોગ કરતા હોય છે. દહીંમાં કેલ્શિયમનું પ્રમાણ સારું હોય છે. આ માટે દહીં દરેક લોકોએ ખાવુ જોઇએ. દહીં ટેસ્ટી હોવાની સાથે-સાથે પોષક તત્વોથી ભરપૂર હોય છે. તો આજે અમે તમને દહીં પારંપરિક રીતે જમાવતા શીખવાડીશું. તો નોંધી લો આ  રીત તમે પણ.

• દહીંને ઘટ્ટ જમાવવા માટે સૌ પ્રથમ જરૂરિયાત અનુસાર દૂધ લો અને એને ગરમ કરી લો.


• જ્યારે દૂધમાં ઉભરો આવે એટલે ગેસ બંધ કરી દો અને દૂધને નોર્મલ ટેમ્પરેચર પર ઠંડુ થવા દો.


• દૂધ હુંફાળુ ગરમ થઇ જાય એટલે એમાં દહીંનું મેલવણ નાંખો અને મિક્સ કરી લો.

આ પણ વાંચો:વધેલી બ્રેડમાંથી ઘરે બનાવો આ મસ્ત સ્વીટ ડિશ

• 
  
  
  
  • દહીંને પ્રોપર રીતે અને ઘટ્ટ જમાવવા માટે સમતલ અને ગરમ સ્થાન પર રાખો જેથી કરીને એ પ્રોપર થાય.
  
  
  • ધ્યાન રાખો કે મેલવણ નાખ્યા પછી દૂધને વારંવાર હલાવવું નથી.
  
  
  • ઠંડીની સિઝનમાં દહીં જામતા થોડી વાર લાગે છે.
  
  
  • દૂધમાં દહીંનું મેલવણ નાખ્યા પછી વાસણ ઢાંકી દો અને ઉપરથી એક કપડુ નાંખી દો.
  
  
  • ત્યારબાદ દહીંને 10 થી 12 કલાક માટે આમ જ રાખો.
  
  
  
  

• દહીં જામી જાય ત્યારે ઉપરની મલાઇને ઘટ્ટ બનાવવા માટે 2 થી 3 કલાક માટે ફ્રીજમાં મુકી દો.


• આ પ્રોપર રીતે જમાવશો તો દહીં ઘટ્ટ જામશે અને બહાર જેવું જ જામશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Curd, Life Style News, Recipes