નવરાત્રીમાં ફટાફટ ગરબા રમવા જવું છે? તો માત્ર 10 મિનિટમાં ઘરે બનાવી દો 'ભૂંગળા-બટાકા'  

લાઇફ સ્ટાઇલ ડેસ્ક: રાજકોટ, જામનગર સાઇડની ફેમસ આઇટમ એટલે ભૂંગળા-બટાકા. ભૂંગળા-બટાકા ખાવાની બહુ જ મજા આવે છે. આ રેસિપીને તમે માત્ર 10 જ મિનિટમાં ઘરે બનાવી શકો છો. ભૂંગળા-બટાકા ખાવાની મજા કંઇક અલગ જ આવે છે. ભૂંગળા-બટાકા એક એવી રેસિપી છે જે તમે પેટ ભરીને ખાઇ શકો છો અને કોઇ તકલીફ પણ થતી નથી. પરંતુ આ રેસિપી બનાવતી વખતે અનેક લોકોની ફરિયાદ હોય છે કે ભૂંગળા-બટાકા ટેસ્ટમાં ટેસ્ટી બનતા નથી. આમ, જ્યારે તમે બનાવો ત્યારે પણ આવું જ થાય છે તો આ રેસિપી નોંધી લો તમે પણ..

સામગ્રી

જરૂર મુજબ બટાકા

10 થી 12 લસણની કળી

એક નાનો આદુનો ટુકડો

બે ઝીણી સમારેલી ડુંગળી

સુકા લાલ મરચા

આ પણ વાંચો: નવરાત્રીમાં ઉપવાસ કરો છો?

ઝીણું સમારેલું ટામેટું

ધાણાજીરું

લાલ મરચું

હળદર

મીઠું

ચાટ મસાલો

ગરમ મસાલો

તેલ

ઝીણી સમારેલી કોથમીર

બનાવવાની રીત

• ભૂંગળા-બટાકા બનાવવા માટે સૌ પ્રથમ બટાકાને ધોઇ લો અને કુકરમાં બાફી લો. કુકરની સીટી તમારે બહુ વગાડવાની નથી. જો તમે વધારે સમય રાખશો તો બટાકા આખા નહીં રહે.


• બટાકા બાફતી વખતે ખાસ કરીને મીઠું નાંખો જેથી કરીને બટાકામાં મીઠાશ આવે અને ફિક્કા ના લાગે.


• મિક્સર બાઉલમાં આદું, લસણ, સૂકું લાલ મરચું, ધાણાજીરું, ટામેટા, હળદર અને મીઠું મિક્સ કરીને મિક્સરમાં ક્રશ કરી લો. આ બધી વસ્તુ મિક્સરમાં ક્રશ કરવાથી કલર અને ટેસ્ટ સારો આવશે.

આ પણ વાંચો: પગમાં 'આ' વસ્તુ લગાવો અને મોજા પહેરીને સૂઇ જાવો

• હવે એક પેન લો અને એમાં તેલ ગરમ કરવા માટે મુકો. તેલ તમારે બહુ વધારે પ્રમાણમાં લેવાનું નથી.


• તેલ થોડુ ગરમ થઇ જાય એટલે એમાં બાફેલા બટાકા એડ કરો અને ધીમા ગેસે સાંતળી લો. આ વખતે બટાકામાં ઝીણાં-ઝીણાં કાણાં પાડી લો જેથી કરીને ફ્રાય સારા થાય. આ તેલમાં થોડી હળદર અને મરચું એડ કરવું જેથી કરીને ટેસ્ટ સારો આવે.


• બીજી એક કડાઇ લો અને એમાં તેલ ગરમ કરવા માટે મુકો.


• તેલ ગરમ થઇ જાય એટલે એમાં ડુંગળી સાંતળી લો.


• ડુંગળી બ્રાઉન રંગની થઇ જાય એટલે એમાં ટામેટા અને આદુ-લસણની પેસ્ટ એડ કરો.


• આ પેસ્ટમાંથી જ્યાં સુધી તેલ છૂટ્ટું ના પડે ત્યાં સુધી પેસ્ટ સાંતળો.


• તેલ છૂટ્ટું પડવા લાગે એટલે એમાં ઉપર જણાવ્યા મુજબ બધો મસાલો કરી દો.


• ત્યારબાદ એમાં બટાક એડ કરો અને હળવા હાથે મિક્સ કરી લો.


• 3 થી 4 મિનિટ રહીને ગેસ બંધ કરી દો અને ઉપરથી કોથમીર એડ કરો.


• હવે ભૂંગળા તળીને બટાકાની સાથે ખાવાની મજા માણો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Navratri 2022, Navratri Recipe, Navratri recipes, લાઇફ સ્ટાઇલ