માત્ર 15 મિનિટમાં આ રીતે ઘરે બનાવો 'આલુ મટર સેન્ડવિચ', ટેસ્ટમાં માણેકચોક જેવી જ બનશે

આલુ મટર સેન્ડવિચ ઘરે બનાવવાની રીત

Aloo matar sandwich recipe: આલુ મટર સેન્ડવિચ ખાવાની બહુ જ મજા આવે છે. આ સેન્ડવિચ તમે આ રીતે ઘરે બનાવો છો તો ટેસ્ટમાં બહુ જ મસ્ત બને છે અને ખાવાની મજા આવે છે. આ સેન્ડવિચ તમે સરળતાથી બ્રેકફાસ્ટમાં બનાવી શકો છો.

News18 Gujarati
Last Updated : December 05, 2022, 10:31 IST

લાઇફ સ્ટાઇલ ડેસ્ક: દરેક લોકોના રસોડામાં બટાકા સરળતાથી મળી રહે છે. બટાકામાંથી તમે અનેક પ્રકારની વાનગીઓ બનાવી શકો છો. જો કે ઘણાં લોકો બટાકા ખાતા હોતા નથી. તમને જણાવી દઇએ કે બટાકામાં અનેક ગુણો રહેલા છે જે ખાવાથી હેલ્થને અનેક ઘણો ફાયદો થાય છે. તો આજે અમે તમને એક એવી જ વાનગી શિખવાડીશું જે તમે ઘરે બનાવો છો તો બાળકો અને મોટાઓ..એમ દરેક લોકોને ખૂબ ભાવશે. તો આજે તમે પણ ઘરે બનાવો આલુ મટર સેન્ડવિચ. આલુ મટર સેન્ડવિચ ખાવાની બહુ જ મજા આવે છે. તમે આ રીતે ઘરે બનાવો છો તો પરફેક્ટ બહાર જેવી જ બને છે અને ખાવાની મજા આવશે.

સામગ્રી

500 ગ્રામ બાફેલા બટાકા

250 ગ્રામ બાફેલા વટાણા

આ પણ વાંચો: આ રીતે ચટાકેદાર મુંબઇના મસાલા પાઉં બનાવો ઘરે

100 ગ્રામ માખણ

અડધો કપ ટોમેટો સોસ

એક મોટી ચમચી લાલ મરચું

એક નાની ચમચી હળદર

સ્વાદાનુંસાર મીઠું

એક નાની ચમચી ગરમ મસાલો

એક નાની ચમચી જીરું

એક ચમચી આદુ-મરચાની પેસ્ટ

એક નાની ચમચી ખાંડ

ઝીણી સમારેલી કોથમીર

એક કપ લીલી ચટણી

બનાવવાની રીત

આલુ મટર સેન્ડવિચ બનાવવા માટે સૌ પ્રથમ બટાકાને અને વટાણાને બાફી લો.

ત્યારબાદ એક પેનમૈં બે ચમચી બટર ગરમ કરવા માટે મુકો.

આ પણ વાંચો: લંચ માટે બેસ્ટ છે આ 5 સાઉથ ઇન્ડિયન ફુડ રેસિપી

- બટર ગરમ થઇ જાય એટલે એમાં આદુ-લસણની પેસ્ટ, લીલા મરચા નાખીને 2 મિનિટ માટે થવા દો.
- હવે આમાં કટ કરેલા બટાકા અને બાફેલા વટાણા નાંખો.
- પછી આમાં હળદર, મીઠું જેવા અનેક મસાલા નાંખીને મિક્સ કરી લો.
- આ મસાલાને સારી રીતે મિક્સ કરી લો.
- અડધો કપ પાણી નાંખો અને ઘીમા ગેસે થવા દો.
- આ બધી જ પ્રોસેસ થઇ જાય પછી પછી બે બ્રેડની સ્લાઇસ લો.
- એક બ્રેડની સ્લાઇસ પર બટર અને એક પર લીલી ચટણી લગાવો.
- ચટણી લગાવ્યા પછી આલુ-મટરનો મસાલો નાંખો અને બ્રેડ ઉપર મુકી દો.