મહાશિવરાત્રિનાં દિવસે બનાવો આ 'ઠંડાઇ', જે પીવાથી કંઇક અલગ જ અહેસાસ થશે, નોંધી લો આ રીત

લાઇફ સ્ટાઇલ ડેસ્ક: મહાશિવરાત્રિ આ વર્ષે 18 ફેબ્રુઆરીનાં રોજ મનાવવામાં આવશે. આ દિવસે તમે જામફળની ઠંડાઇ બનાવીને પીઓ છો તો મજ્જા પડી જાય છે. જામફળ અનેક પ્રકારના ગુણોથી ભરપૂર હોય છે. આમ, તમે જામફળની આ ઠંડાઇ પીઓ છો તો પેટની ગરમી બહાર નિકળી જાય છે અને સાથે ઠંડક થાય છે. મહાશિવરાત્રિના દિવસે આ ઠંડાઇનો અનેક રીતે ઉપયોગ થાય છે. શિવ ભક્તોને ઠંડાઇનો પ્રસાદ આપવામાં આવે છે. જામફળની ઠંડાઇ માત્ર સ્વાદિષ્ટ જ નહીં પરંતુ સ્વાસ્થ્ય માટે પણ અનેક રીતે ફાયદાકારક છે. તો તમે પણ ઘરે બનાવો આ રીતે જામફળની ઠંડાઇ.

સામગ્રી

એક ગ્લાસ દૂધ

અડઘો ગ્લાસ જામફળનો જ્યૂસ

અડધો કપ બદામ

આ પણ વાંચો:આ રીતે ઘરે બનાવો ફટાફટ સોજીની ખાંડવી

અડધો કપ પિસ્તા

અડધો કપ કાજૂ

બે ચમચી ઇલાયચી પાવડર

એક ચમચી કાળા મરીનો પાવડર

એક ચમચી વરિયાળી

જરૂર મુજબ ફૂડ કલર

5 થી 6 આઇસ ક્યૂબ્સ

બનાવવાની રીત

• જામફળની ઠંડાઇ બનાવવા માટે સૌ પ્રથમ જામફળનો જ્યૂસ કાઢી લો.


• પછી એક કડાઇ લો અને ધીમા ગેસે ગરમ કરવા માટે મુકો.

આ પણ વાંચો:આ તડકો કરીને સ્પેશયલ બનાવો ગાજરનું રાયતુ

• 
  
  
  
  • આમાં બદામ નાંખો અને રોસ્ટ કરી લો.
  
  
  • બદામ જ્યારે રોસ્ટ થઇ જાય એટલે એક બાઉલમાં કાઢી લો.
  
  
  • આ રીતે કાજુ અને પિસ્તાને પણ રોસ્ટ કરી લો.
  
  
  • ડ્રાય ફ્રૂટ્સ રોસ્ટ થઇ જાય એટલે કડાઇમાં વરિયાળી નાંખો અને સામાન્ય રીતે રોસ્ટ કરી લો.
  
  
  • હવે મિક્સર જારમાં કાજુ, બદામ, પિસ્તા, વરિયાળી અને કાળા મરી નાખીને આ બધી જ વસ્તુને ગ્રાઇન્ડ કરી લો.
  
  
  • આ મિશ્રણને એક મોટા બાઉલમાં કાઢી લો અને ઉપરથી ઇલાયચી પાવડર નાંખીને ચમચી મદદથી મિક્સ કરી લો.
  
  
  • તમે ઇચ્છો છો તો ઇલાયચીને બધી સામગ્રીઓ સાથે પીસીને પણ નાંખી શકો છો.
  
  
  • ત્યારબાદ એક જગમાં અડધો ગ્લાસ દૂધ લો અને અડધો ગ્લાસ જ્યૂસ મિક્સ કરો.
  
  
  • પછી આ દૂધમાં બે ચમચી તૈયાર મિશ્રણ નાંખીને મિક્સ કરી લો.
  
  
  • હવે ચમચીની મદદથી સારી રીતે ઘૂંટી લો.
  
  
  
  

• ઠંડાઇમાં કલર આપવા માટે ફૂડ કલર મિક્સ કરી લો.


• હવે ઠંડાઇને સર્વિંગ ગ્લાસમાં નાંખીને ઉપરથી ત્રણથી ચાર આઇસ ક્યૂબ્સ નાંખીને સર્વ કરો.


• તો તૈયાર છે ઠંડાઇ.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Life Style News, Mahashivratri, Recipes