એકદમ સરળ અને ટેસ્ટી..ગુલાબી જામફળનું શાક આ રીતે બનાવો ઘરે અને ખાવાની મજા માણો

લાઇફ સ્ટાઇલ ડેસ્ક: ગુલાબી જામફળનું શાક ક્યારે પણ તમે ઘરે બનાવ્યું છે? ગુલાબી જામફળમાં નેચરલી મીઠાસ હોય છે જે ખાવાથી હેલ્થને અનેક ઘણો ફાયદો થાય છે. તમે એક વાર ઘરે આ રીતે ગુલાબી જામફળનું શાક બનાવશો તો વારંવાર બનાવવાની ઇચ્છા થશે. ગુલાબી જામફળનું શાક અને પરાઠાં ખાવાની બહુ જ મજા આવે છે. ઘણાં લોકોના ઘરે જામફળનું શાક બનતુ હોય છે. આમ, જો તમે આ રીતે હવેથી જામફળનું શાક બનાવશો તો ટેસ્ટી બનશે અને ખાવાની મજા આવશે. તો નોંધી લો તમે પણ આ રીત અને ઘરે બનાવો ગુલાબી જામફળનું શાક.

સામગ્રી

500 ગ્રામ ગુલાબી જામફળ

અડધી ચમચી જીરું

ચપટી હિંગ

આ પણ વાંચો:માત્ર 20 મિનિટમાં ઘરે બનાવો રાજમા કબાબ

એક ચમચી ગરમ મસાલો

જરૂર મુજબ ગોળ

જરૂર મુજબ મીઠું

તેલ

ગરમ મસાલો

એક ચમચી લાલ મરચું

અડધી ચમચી હળદર

બનાવવાની રીત

• લાલ જામફળનું શાક બનાવવા માટે સૌ પ્રથમ જામફળને ધોઇ લો.


• પછી આ જામફળને ચારે બાજુથી સમારી લો. ચારે બાજુથી જામફળને તમે સમારશો તો એમાંથી બી નિકળી જશે અને ખાવાની મજા આવશે.

આ પણ વાંચો:માત્ર 10 મિનિટમાં ઘરે બનાવો ફ્રાઇડ રાઇસ

• 
  
  
  
  • એક કડાઇ લો અને એમાં તેલ ગરમ કરવા માટે મુકો.
  
  
  • તેલ ગરમ થઇ જાય એટલે એમાં જીરું અને હિંગ નાંખો.
  
  
  • પછી જામફળ નાંખો.
  
  
  • જામફળ એડ કર્યા પછી લાલ મરચુ, મીઠું, હળદર નાંખો અને ઢાંકણ ઢાંકી દો.
  
  
  • 8 થી 10 મિનિટ રહીને શાકમાં જરૂર મુજબ ગોળ નાંખો.
  
  
  • ફરીથી ઢાંકણ ઢાંકી દો અને શાકને થવા દો.
  
  
  • 7 થી 8 મિનિટ રહીને શાકને એક વાર હલાવીને ચેક કરી લો કે શાક થઇ ગયુ છે કે નહીં. જામફળ કાચા લાગે તો તમે ફરીથી એને થવા દો.
  
  
  • હવે છેલ્લે ગરમ મસાલો નાંખો અને થવા દો.
  
  
  • ગરમ મસાલો નાખ્યા પછી એક મિનિટ માટે શાક થવા દો અને પછી ગેસ બંધ કરી દો.
  
  
  • તો તૈયાર છે લાલ જામફળનું શાક.
  
  
  
  

• આ શાક ખાવાની બહુ જ મજા આવે છે.


• જામફળના શાક સાથે તમે પરાઠા ખાઓ છો તો બહુ જ મસ્ત લાગે છે.


• તો તમે પણ ઠંડીમાં જામફળનું શાક બનાવો અને ખાવાની મજા માણો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Life style, Recipes, Winter recipe