મેથી નહીં..આ મુઠીયા ખાવાની આવે છે જોરદાર મજા, બાળકો પણ ડિશ ભરીને ખાઇ જશે

લાઇફ સ્ટાઇલ ડેસ્ક: ચા સાથે કોઇ મુઠીયા આપે તો ખાવાની મજા કંઇક અલગ જ આવે છે. મુઠીયા અનેક લોકોના ઘરમાં બનતા હોય છે. પરંતુ મુઠીયા ટેસ્ટમાં સારા ના બને તો ખાવાની મજા આવતી નથી. ખાસ કરીને મોટાભાગનાં લોકોના ઘરમાં મેથીના મુઠીયા બનતા હોય છે. મેથીના મુઠીયા કરતા પણ દૂધીના મુઠીયા ટેસ્ટમાં ટેસ્ટી લાગે છે અને ખાવાની મજા આવે છે. તો તમે પણ હવે ઘરે બનાવો દૂધીના મુઠીયા. દૂધીના મુઠીયા તમે આ રીતે ઘરે બનાવો છો તો ટેસ્ટી બને છે અને ખાવાની પણ મજા આવે છે. તો જાણો ઘરે કેવી રીતે બનાવશો દૂધીના ટેસ્ટી મુઠીયા.

સામગ્રી

250 ગ્રામ દૂધી

પાણી

ઝીણી સમારેલી કોથમીર

આ પણ વાંચો:આ રીતે ઘરે બનાવો મસાલા ઓટ્સ

2 ચમચી આદુ-મરચાની પેસ્ટ

3 ચમચી ખાંડ

હળદર

સ્વાદાનુંસાર મીઠું

ધાણાજીરું

અડધો કપ ઘઉંનો કકરો લોટ

એક કપ બાજરીનો લોટ

મોણ માટે તેલ

મુઠીયાના વઘાર માટેની સામગ્રી

3 ચમચી તેલ

2 ચમચી રાઇ

1 ચમચી તલ

ચપટી હિંગ

મીઠા લીમડાના પાન

ગાર્નિશિંગ માટે ઝીણી સમારેલી કોથમીર

બનાવવાની રીત

• દુધીના મુઠીયા બનાવવા માટે સૌ પ્રથમ એક થાળ લો અને એમાં ઉપર જણાવ્યા મુજબ ઘઉંનો કકરો અને બાજરીનો લોટ લો.

આ પણ વાંચો:સાદા નહીં..આ વખતે ઘરે બનાવો પનીર ભટૂરે

• 
  
  
  
  • આ બન્ને લોટને બરાબર મિક્સ કરી લો.
  
  
  • હવે લોટમાં આદુ-મરચાની પેસ્ટ નાંખીને મિક્સ કરી લો.
  
  
  • આ પેસ્ટ નાંખ્યા પછી લોટમાં હળદર, મીઠુ, ધાણાજીરુ, ખાંડ નાંખીને બરાબર મિક્સ કરી લો.
  
  
  • દૂધીને છીણી લો અને લોટમાં મિક્સ કરો.
  
  
  • જરૂર મુજબ મોણ માટે તેલ નાંખો. મોણ તમારે બહુ વધારે નાંખવાનું નથી.
  
  
  • હવે આ બધો જ લોટ બરાબર મિક્સ કરી લો.
  
  
  • જરૂર મુજબ પાણી નાંખો અને લોટ બાંધી લો.
  
  
  • લોટ બાંધવાની પ્રોસસ પૂરી થઇ જાય પછી ઢોકળીયાનું કુકર લો અને નીચે પાણી ગરમ કરવા માટે મુકો.
  
  
  
  

• પાણી ગરમ થઇ જાય એટલે પ્લેટ લો અને એને તેલથી ગ્રીસ કરી લો.


• તેલથી ગ્રીસ કરેલી પ્લેટમાં મુઠીયા મુકો અને ઢાંકણ ઢાંકી દો.


• હવે આ મુઠીયાને 15 થી 20 માટે થવા દો.


• તો તૈયાર છે મુઠીયા

વઘાર કરવાની રીત

• આ મુઠીયાને વઘારવા માટે સૌ પ્રથમ એક પેન લો અને એમાં તેલ ગરમ કરવા માટે મુકો.


• તેલ ગરમ થઇ જાય એટલે એમાં રાઇ, તલ, મીઠો લીમડો, હિંગ નાંખો.


• પછી કટ કરેલા મુઠીયા નાંખો.


• હવે મુઠીયાને ગાર્નિશ કરવા માટે ઝીણી સમારેલી કોથમીર નાંખો.


• તો તૈયાર છે ટેસ્ટી-ટેસ્ટી દુધીના મુઠીયા.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Life style, Recipes