ફટાફટ વજન ઉતારવું છે? તો રોજ પીઓ આ સૂપ, થોડા જ દિવસોમાં સ્લિમ થઇ જશો

લાઇફ સ્ટાઇલ ડેસ્ક: ઠંડીની સિઝનમાં ગરમા-ગરમ સૂપ પીવાની મજા કંઇક અલગ જ આવે છે. ખાસ કરીને કોર્ન સૂપ ઠંડીમાં અનેક રીતે બોડીને ફાયદો કરે છે. કોર્ન એટલે કે મકાઇ. મકાઇ હેલ્થ માટે બેસ્ટ છે. આ સાથે જ અનેક પ્રકારના પોષક તત્વોથી ભરપૂર હોય છે. મકાઇમાં ફાઇબરનું પ્રમાણ સારું હોય છે જે વજન ઘટાડવામાં મદદરૂપ બને છે. ખાસ કરીને ઠંડીમાં કોર્ન સૂપ તમે પીઓ છો તો વજન ઝડપથી ઉતારવામાં મદદ મળે છે. આ માટે દરેક લોકોએ ડેઇલી ડાયટમાં કોર્ન સૂપ એડ કરવો જોઇએ. તો જાણો વજન ઘટાડવા માટે કોર્ન સૂપ કેવી રીતે ઘરે બનાવશો.

કોર્ન સૂપ સ્વાદમાં જેટલો સ્વાદિષ્ટ હોય છે એટલો જ બનાવવામાં પણ સરળ હોય છે. તો તમે પણ ઘરે બનાવો આ સૂપ અને ખાવાની મજા માણો.

સામગ્રી

એક કપ કોર્ન

4 ચમચી ઝીણી સમારેલી ડુંગળી

આ પણ વાંચો:બીટમાં આ ફ્રૂટ નાંખો અને પછી જ્યૂસ કાઢો

2 લસણની કળી

¼ કપ ઝીણું સમારેલું ગાજર

એક નાનો કટકો આદુનો

¼ કટ કરેલા બીન્સ

એક ચમચી કોર્ન ફ્લોર

એક ચમચી વિનેગર

એક ચમચી કાળા મરીનો પાવડર

3 ચમચી ઓલિવ ઓઇલ

સ્વાદાનુંસાર મીઠું

બનાવવાની રીત

• ટેસ્ટી અને હેલ્ધી કોર્ન સૂપ બનાવવા માટે સૌથી પહેલાં ડુંગળી, લસણ, ગાજર અને બીન્સને ઝીણાં-ઝીણાં સમારી લો.


• હવે એક કડાઇ લો અને એમાં 3 ચમચી ઓલિવ ઓઇલ નાંખો અને ગરમ થવા દો.


• ત્યારબાદ તેલમાં લસણ અને આદુના કટકા નાખીને સાંતળી લો.

આ પણ વાંચો:આ રીતે ઘરે બનાવો રાઇસ સમોસા

• 
  
  
  
  • પછી કડાઇમાં ડુંગળી નાંખો અને સાંતળી લો.
  
  
  • હવે અડધો કપ સ્વીટ કોર્ન, ગાજર અને બીન્સ નાંખો.
  
  
  • બધા જ શાકભાજીને બે મિનિટ માટે સાંતળી લો.
  
  
  • બાખી વધેલા અડધો કપ સ્વીટ કોર્નને મિક્સર જારમાં નાંખીને 2 ચમચી પાણી નાંખીને બ્લેન્ડ કરીને કોર્ન પેસ્ટ તૈયાર કરી લો.
  
  
  • ધ્યાન રહે કે પેસ્ટ સ્મૂધ કરવાની છે.
  
  
  • પછી આ પેસ્ટ કડાઇમાં નાંખો અને બે મિનિટ માટે થવા દો.
  
  
  • હવે 3 કપ પાણી નાંખીને સ્વાદાનુંસાર મીઠું નાંખીને બરાબર મિક્સ કરી લો.
  
  
  • સૂપને ઢાંકીને 10 થી 15 મિનિટ સુધી ઉકાળી દો.
  
  
  • હવે એક કપમાં એક ચમચી કોર્ન ફ્લોર નાંખો અને એમાં થોડુ પાણી નાંખીને પેસ્ટ બનાવી લો.
  
  
  • આ પેસ્ટને કોર્ન સૂપમાં નાંખો અને સારી રીતે મિક્સ કરી લો.
  
  
  • હવે સૂપ ઘટ્ટ થાય ત્યાં સુધી ઉકાળી લો.
  
  
  
  

• ધ્યાન રહે કે કોર્ન ફ્લોરમાં ગાંઠ ના રહી જાય.


• પછી વિનેગર, બે ચમચી ડુંગળી અને કાળા મરીનો પાવડર સૂપમાં નાંખો અને મિક્સ કરી લો અને એક મિનિટ સુધી થવા દો.


• છેલ્લે ડુંગળીથી ગાર્નિશ કરો અને સૂપ સર્વ કરી દો.


• તો તૈયાર છે કોર્ન સૂપ.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Life Style News, Recipes