માવો નાંખીને આ રીતે ઘરે બનાવો 'ગાજરની બરફી', શિયાળામાં હેલ્થ માટે છે અનેક રીતે ફાયદાકારક

લાઇફ સ્ટાઇલ ડેસ્ક: શિયાળાની સિઝનમાં ગળ્યુ ખાવાની મજા કંઇક અલગ જ આવે છે. શિયાળાની સિઝનમાં કંઇક નવું ટ્રાય કરવા ઇચ્છો છો તો ગાજરની બરફી તમારા માટે એક બેસ્ટ ઓપ્શન છે. ગાજરની બરફી તમે આ રીતે ઘરે બનાવો છો તો એકદમ પરફેક્ટ બને છે. માર્કેટમાં અત્યારે એકદમ ફ્રેશ લાલ ગાજર મળે છે. ગાજરમાં તમે અનેક પ્રકારની વાનગીઓ બનાવી શકો છો જેમ કે ગાજરની ખીર, ગાજરનો હલવો, ગાજરની બરફી વગેરે..સ્વીટ ડિશ ગાજરની બરફી શિયાળામાં ખાવાની બહુ જ મજા આવે છે. તો તમે પણ આ રીતે ઘરે બનાવો ગાજરની બરફી અને માણો ખાવાની મજા.

સામગ્રી

500 ગ્રામ ગાજર

એક કપ માવો

અડધો કપ કાજુ પાવડર

આ પણ વાંચો: બજાર જેવા સોફ્ટ અને ફુલેલા ભટુરે બનાવો આ રીતે ઘરે

એક કપ દૂધ

8 થી 10 કાજુ

8 થી 10 પિસ્તા

4 થી 5 ઇલાયચી

બે ચમચી ઘી

એક કપ ખાંડ

બનાવવાની રીત

• ગાજરની બરફી બનાવવા માટે સૌ પ્રથમ ગાજરને બે વાર ચોખ્ખા પાણીથી ધોઇ લો જેથી કરીને માટી નિકળી જાય.

આ પણ વાંચો: ટેસ્ટી-ટેસ્ટી 'ઇડલી ચાટ' બનાવવા માટે નોંઘી લો આ રીત

• 
  
  
  
  • આ ગાજરને કોરા કોટનના કપડાથી લૂંછી લો.
  
  
  • પછી ગાજરની છીણ કરી લો અને એક પ્લેટમાં લઇ લો.
  
  
  • એક ઊંડુ વાસણ લો અને એમાં દૂધ ઉકાળો. આ દૂધને મિડીયમ ગેસ પર ઉકાળવાનું રહેશે.
  
  
  • હવે દૂધમાં છીણેલા ગાજર નાખો અને 5 મિનિટ સુધી થવા દો.
  
  
  • કાજુ-બદામ અને પિસ્તાની કતરણ કરી લો અને ઇલાયચીનો પાવડર બનાવી લો.
  
  
  • એક વાસણમાં માવો લઇને સારી રીતે મિક્સ કરી દો.
  
  
  • ગાજર દૂધમાં સારી રીતે ભળી જાય એટલે એમાં બે ચમચી ઘી નાંખીને મિક્સ કરી દો.
  
  
  • 5 મિનિટ માટે થવા દો અને સતત હલાવતા જાવો.
  
  
  • ખાંડ નાંખો અને મિશ્રણને થવા દો.
  
  
  • ગાજરમાંથી દૂધ અને પાણીનો ભાગ બળી જાય ત્યાં સુધી થવા દો.
  
  
  • ગાજરમાં મસળેલો માવો નાખો અને થોડીવાર માટે થવા દો.
  
  
  
  

• જ્યારે મિશ્રણ ડ્રાય થઇ જાય ત્યારે એટલે એમાં કાજુ પાવડર, કાજુના ટુકડા અને ઇલાયચી નાંખીને મિક્સ કરી લો.


• એક પ્લેટમાં ઘી લગાવો અને આ મિશ્રણને ફેલાવી દો.


• હવે આના કાપા પાડી લો.


• તો તૈયાર છે ગાજરની બરફી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Recipes, Winter recipe