પોર્નસ્ટાર પછી હવે પ્લેબોય મોડલ, ટ્રમ્પ સાથે 9 મહિના અફેર રહ્યાનો દાવો

કેરને દાવો કર્યો છે કે વર્ષ 2006માં તેના ટ્રમ્પ સાથે શારીરિક સંબંધ પણ રહ્યા હતા.

કેરને દાવો કર્યો છે કે વર્ષ 2006માં તેના ટ્રમ્પ સાથે શારીરિક સંબંધ પણ રહ્યા હતા.

  • Share this:
    પ્લેબોય મેગેઝીનની પૂર્વ મોડલ કેરન મેકડોગલે દાવો કર્યો છે કે તેનું અમેરિકાના પ્રમુખ ડોનાલ્ડ ટ્રમ્પ સાથે અફેર હતું. તાજેતરમાં જ યુએસના પ્રમુખ સાથે અફેરનો દાવો કરનાર આ બીજી મહિલા છે. કેરનના જણાવ્યા પ્રમાણે તેના ટ્રમ્પ સાથે નવ મહિના સુધી સંબંધ રહ્યા હતા.

    કેરને દાવો કર્યો છે કે વર્ષ 2006માં તેના ટ્રમ્પ સાથે શારીરિક સંબંધ પણ રહ્યા હતા. મેલેનિયા ટ્રમ્પ પોતાના બાળકને જન્મ આપે તેના થોડા મહિના પહેલા જ કેરનના ટ્રમ્પ સાથે સંબંધ હોવાનો દાવો કરવામાં આવ્યો છે. હાલ કેરનના દાવા પર વ્હાઇટ હાઉસ તરફથી કોઈ પ્રતિક્રિયા આપવામાં આવી નથી. જોકે, એક અનામી પ્રવક્તાએ કહ્યું હતું કે ટ્રમ્પના કેરન સાથે ક્યારેય કોઈ સંબંધ રહ્યા નથી. પ્રવક્તાએ આ ન્યૂઝને ફેક ગણાવ્યા હતા.તાજેતરમાં પોર્નસ્ટારે ટ્રમ્પ સાથે સંબંધનો કર્યો હતો દાવો

    આ પહેલા સ્ટોર્મી ડેનિયલ્સ નામની એક પોર્નસ્ટારે દાવો કર્યો હતો કે ટ્રમ્પે તેની સાથેના સંબંધો અંગે મોઢું બંધ રાખવા માટે તેને મોટી રકમની ચૂંકવણી કરી હતી. 2016ની અમેરિકાના પ્રમખપદની ચૂંટણીના એક મહિના પહેલા વર્તમાન યુએસ પ્રમુખ ડોનાલ્ડ ટ્રમ્પે એક અમેરિકન પોર્ન સ્ટારને 130,000 ડોલર(અંદાજે રૂ. 82 લાખ)ની ચુકવણી કરી. સ્ટોર્મી ડેનિયલ્સ નામની પોર્ન સ્ટારનું મૂળ નામ સ્ટિફની ક્લિફોર્ડ છે.ડેનિયલ્સે દાવો કર્યો છે કે ટ્રમ્પ સાથે તેણે શારીરિક સંબંધ બાંધ્યા હતા. તેમજ ટ્રમ્પે 1.30 લાખ અમેરિકન ડોલર જેટલી રકમ તેને પોતાનું મોઢું બંધ રાખવા માટે આપી હતી. ક્લિફોર્ડે દાવો કર્યો છે કે તેણે 2006માં લેક તોહી સેલિબ્રિટિ ગોલ્ફ ટૂર્નામેન્ટ દરમિયાન ટ્રમ્પ સાથે શારીરિક સંબંધ બાંધ્યો હતો. ટ્રમ્પ અને મેલેનિયાના 2005માં લગ્ય થયા હતા. તો જાણીએ કોણ છે ક્લિફોર્ડ.

    અન્ય મહિલાઓ પણ કરી ચુકી છે દાવો

    ક્લિફોર્ડ એકલી એવી પોર્ન સ્ટાર નથી જેણે ટ્રમ્પ પર આવે આક્ષેપ કર્યા હોય. આ પહેલા પોર્ટ સ્ટાર જેસિકા ડરેકે દાવો કર્યો હતો કે ટ્રમ્પે તેને અને અન્ય બે મહિલાઓને તેની સહમતી વગર કિસ કરી હતી. ટ્રમ્પે સેક્સ માટે તેને 10 હજાર ડોલર અને તેના પ્રાઇવેટ જેટની સફરની ઓફર કરી હતી.
    Published by:Vinod Zankhaliya
    First published: