Home /News /lifestyle /Paush Purnima 2023: પોષ પૂર્ણિમાનાં દિવસે સંધ્યા સમયે જરૂરિયાતમંદ લોકોને ખવડાવો આ ખીર, અધૂરી ઇચ્છા પૂરી થઇ જશે

Paush Purnima 2023: પોષ પૂર્ણિમાનાં દિવસે સંધ્યા સમયે જરૂરિયાતમંદ લોકોને ખવડાવો આ ખીર, અધૂરી ઇચ્છા પૂરી થઇ જશે

સરળતાથી આ ખીર ઘરે બનાવી શકો છો.

Paush Purnima 2023: પોષ પૂર્ણિમાનું અનેરું મહત્વ રહેલું છે. આ ખાસ દિવસે સફેદ વસ્તુઓ જેમ કે ચોખા, દૂધ, મોતી જેવી અનેક વસ્તુઓનું દાન કરવામાં આવે છે. આમ જો તમે આ ખીર જરૂરિયાતમંદ લોકોને ખવડાવો છો તો તમારી અધૂરી ઇચ્છા પૂરી થાય છે.

News18 Gujarati
Last Updated : January 06, 2023, 16:54 IST

Paush Purnima 2023: આજે પોષ મહિનાની પૂર્ણિમા તિથિ છે, જેને પોષ પૂર્ણિમા તરીકે ઓળખવામાં આવે છે. આ ખાસ દિવસે સફેદ વસ્તુઓ જેમ કે ચોખા, દૂધ, મોતી જેવી અનેક વસ્તુઓનું દાન કરવામાં આવે છે. આ દિવસે દાન કરવાનું અનેરુ મહત્વ રહેલું છે. માનવામાં આવે છે કે આ ખાસ દિવસે સંધ્યા સમયે તમે ચોખાની ખીર કરીને જરૂરિયાતમંદ લોકોને ખવડાવો છો તો તમારી અનેક ઇચ્છાઓ પૂરી થાય છે. ભાતની ખીર દૂધ અને ખાંડમાંથી તૈયાર કરવામાં આવે છે. હિન્દૂ ધર્મમાં આ પૂનમનું અનેરું મહત્વ રહેલું છે. આ દિવસે પવિત્ર નદીમાં સ્નાન કરવાનો અનેરો મહિમા છે. આ સાથે જ રાત્રે માતા લક્ષ્મી અને ચંદ્ર દેવતાનું પૂજન કરવામાં આવે છે. તો તમે પણ ચોખાની ખીર આ રીતે બનાવો અને લોકોને ખવડાવો.

સામગ્રી

1 કપ ભાત

એક લીટર દૂધ

અડધી ચમચી ઇલાયચની પાવડર

આ પણ વાંચો:ઠંડીમાં ઘરે બનાવો ખસખસ પંજરી

દસથી બાર કાજુ

દસથી બાર બદામ

દસથી બાર પિસ્તા

બનાવવાની રીત

ચોખાની ખીર બનાવવા માટે સૌ પ્રથમ ચોખાને સાફ કરીને બે પાણીથી ધોઇ લો.

આ ચોખાને એક કલાક માટે પાણીમાં પલાળી રાખો. આમ કરવાથી ચોખા નરમ થઇ જશે અને ખીરમાં મસ્ત લાગશે.

આ પણ વાંચો:કોફી બનાવતી વખતે ફોલો કરો આ ટિપ્સ

- હવે કાજુ, બદામ અને પિસ્તાને ઝીણાં સમારી લો.
- એક કલાક પછી ચોખાને પાણીમાંથી કાઢી લો અને કોરા કરી લો.
- મિક્સરમાં આ ચોખાને અધકચરા પીસી લો. તમે પીસ્યા વગર આખા ચોખા પણ ખીરમાં નાંખી શકો છો.
- હવે એક મોટુ વાસણ લો અને એમાં દૂધ નાંખીને ગરમ કરવા માટે મુકો.
- આ દૂધને તમારે બરાબર ઉકળવા દેવાનું છે.
- દૂધ થોડુ ઉકળી જાય પછી ચોખા નાંખો અને થવા દો.
- ધીમા ગેસે દૂધને ઉકળવા દો.
- સ્વાદાનુંસાર ખાંડ નાંખો અને હળવા હાથે વચ્ચે-વચ્ચે હલાવતા રહો.
- ખાંડ નાંખ્યા પછી ખીરને 5 મિનિટ સુધી થવા દો.
- હવે ડ્રાય ફ્રૂટ્સ નાંખો અને 5 થી 7 મિનિટ માટે થવા દો.