મગ-અડદની મસાલેદાર વઘારેલી ખીચડી ખાઈ આંગળા ચાટતા રહી જશો

આપણે અનેક અલગ અલગ સ્વાદ વાળી  ખીચડીઓ ખાધી હશે. પરંતુ આજે અમે આપને જણાવી રહ્યા છીએ એક એવી ખીચડીની રેસિપી કે જે ખાઈને તમને બીજી કોઈ ખીચડી નહીં ભાવે.. તો ચાલો નોંધી લો તેની રેસિપી...

મગ-અડદની વઘારેલી ખીચડી બનાવવા માટેની સામગ્રી:-

400 ગ્રામ ચોખા

100 ગ્રામ મગની દાળ
50 ગ્રામ અડદની દાળ
1 ડુંગળી1 ટામેટું
3 નંગ લીલા મરચા
2 લાલ સુકા મરચા
1 ચમચી અધકચરી આદુની પેસ્ટ
1/2 ચમચી હળદર
લીલાં ધાણા
1/2 ચમચી ગરમ મસાલો
10 પાન મીઠો લીમડો
1 ચમચો તેલ
1 ચમચી ઘી
સ્વાદ અનુસાર મીઠું

બનાવવાની રીત :-

સૌ પ્રથમ દાળ અને ચોખાને સરખી રીતે પાણીથી 3 થી 4 વખત ધોઈને સાફ કરી તેને અડધી કલાક અથવા 15થી 20 મિનિટ પલાળી રાખો. ત્યારબાદ કુકરમાં 1 ચમચી તેલ અને 1 ચમચી ઘી લઈ ગરમ કરવા મૂકો. ગરમ થાય એટલે તેમાં જીરૂ, સૂકા ખડા મસાલા,સૂકા લાલ મરચાં અને મીઠા લીમડોનો વઘાર કરો. પછી તેમાં ઝીણાં સમારેલા લીલાં મરચાં, ઝીણી સમારેલી ડુંગળી અને ઝીણાં સમારેલા ટામેટા ઉમેરી 2 મિનિટ સાંતળી લો. પછી તેમાં હળદર, ધાણાજીરું અને ગરમ મસાલો ઉમેરી 2 મિનિટ સાંતળો. ત્યાર બાદ તેમાં આ ત્રણેય દાળ-ચોખાને મિક્સ કરી, તેમાં દાળ ત્રણ આંગળી ડૂબે એટલું પાણી ઉમેરો. તેમાં મીઠું અને હળદર ઉમેરી મિક્સ કરી દો. ત્યારબાદ કુકરને બંધ કરી કૂકરમાં 3થી 4 સીટી વગાડી ખીચડીને બરાબર પાકવા દો. ત્યાર બાદ ગેસ બંધ કરીને કૂકર ખૂલે એટલે ખીચડીને બરાબર હલાવી લો. આ મસાલેદાર ખીચડીને એક સર્વિંગ પ્લેટમાં કાઢી કોથમીરથી ગાર્નિશ કરી પાપડ, છાશ અને અથાણા સાથે જ ગરમા ગરમ સર્વ કરો.

લવેન્ડર તેલથી યુવકોની સાથે યુવતીઓમાં પણ થઈ શકે છે અસમાન સ્તનની વૃદ્ધિ: રિસર્ચ