Makar Sankranti 2023: પાયો કરવાની પરફેક્ટ રીત સાથે ઘરે બનાવો પાપડ જેવી ક્રિસ્પી 'તલની ચીકી'

લાઇફ સ્ટાઇલ ડેસ્ક: ઉત્તરાયણને હવે થોડા દિવસો બાખી છે ત્યાં અનેક લોકો ઘરે જાતજાતની તૈયારીઓમાં લાગી ગયા છે. ખાસ કરીને ઉત્તરાયણના તહેવારમાં ધાબા પર ચીકી, બોર, શેરડી તેમજ બીજા અનેક પ્રકારના નાસ્તા કરવાની મજા આવે છે. તો આજથી અમે પણ તમને અલગ-અલગ પ્રકારની ચીકી બનાવતા શીખવાડીશું. તમે આ રીતે ચીકી બનાવશો તો ટેસ્ટમાં મસ્ત બનશે અને ધાબા પર બેસીને ખાવાની મજા આવશે. તો તમે પણ નોંધી લો તલની ચીકી બનાવવાની રીત. તમે આ રીતે ઘરે તલની ચીકી બનાવશો તો પાતળી બનશે અને ટેસ્ટમાં પણ બહુ મસ્ત બનશે. તો નોંધી લો તમે પણ આ રેસિપી અને ઉત્તરાયણના તહેવાર પર ખાવા ઘરે બનાવો તલની ચીકી.

સામગ્રી

બે કપ તલ

બે કપ ગોળ

2 ચમચી ઘી

આ પણ વાંચો:પરાઠા બનાવો ત્યારે મિક્સ કરો આ બે વસ્તુ

બનાવવાની રીત

• તલની ચીકી બનાવવા માટે સૌ પ્રથમ તલને સાફ કરી લો.


• સાફ કરેલા તલને એક પ્લેટમાં લઇ લો.


• હવે એક કડાઇ લો અને એમાં પહેલાં તલને શેકી લો.

આ પણ વાંચો:શક્કરિયામાંથી ચટપટી ચાટ બનાવો

• 
  
  
  
  • આ શેકેલા તલને એક પ્લેટમાં લઇ લો.
  
  
  • તલ જે કઢાઇમાં શેક્યા હતા એ જ કઢાઇમાં હવે ઘી ગરમ કરવા માટે મુકો.
  
  
  • ઘી ગરમ થઇ જાય એટલે ગોળ નાંખો અને ગેસની ફ્લેમ મિડીયમ કરી લો.
  
  
  • ગોળ પીગળી જાય એટલે એમાં તલ નાંખો અને મિક્સ કરી લો.
  
  
  • આ બધી જ પ્રોસેસ થઇ જાય પછી પ્લેટફોર્મને ચોખ્ખુ કરી લો અને એની પર પાતળી પ્લાસ્ટિકની થેલી મુકીને ઉપરથી ઘી લગાવી દો.
  
  
  • હવે કઢાઇમાંથી ચીકીનું મિશ્રણ લઇને થેલી પર મુકો અને ઉપર બીજી થેલી મુકીને ફટાફટ ચીકી વણી લો. આ ચીકી બને એમ વધારે પાતળી વણવાની છે.
  
  
  • આ ચીકીને તમે હાથથી પણ કટકા કરી શકો છો. આમ, જો તમારે પરફેક્ટ પીસ કરવા હોય તો વણ્યા પછી કાપા પાડી લો.
  
  
  • હવે આ ચીકીને એક પ્લેટમાં લઇ લો.
  
  
  • તો તૈયાર છે તલની ચીકી.
  
  
  • આ ચીકી બનાવો ત્યારે ખાસ કરીને ગોળ નાંખ્યા પછી સતત હલાવતા રહો.
  
  
  
  

• ઘી કઢાઇમાં ગરમ કરવા મુકો ત્યારે ગેસની ફ્લેમ ધીમી રાખવી.


• આ ચીકીને ઝાડા વેલણથી વણસો તો પાતળી વધારે થશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Life style, Makar sankranti, Recipes, Uttarayan