પહેલાં ડ્રાયફ્રૂટ આ રીતે શેકી લો અને પછી બનાવો ચીકી, બહાર કરતા પણ ટેસ્ટમાં મસ્ત બનશે  

લાઇફ સ્ટાઇલ ડેસ્ક: ઉત્તરાયણને હવે થોડા દિવસો બાખી છે ત્યાં અનેક લોકો ઘરમાં ચીકીથી લઇને નાસ્તાઓની ફૂલ ટુ તૈયારીઓ કરી રહ્યા છે. આમ, જો વાત કરવામાં આવે તો આ તહેવાર એક એવો છે જેમાં ખાસ કરીને ધાબા પર બેસીને ખાવાની મજા કંઇક અલગ જ આવે છે. આમ, જો તમે આ દિવસોમાં ચીકી બનાવી રહ્યા છો તો ડ્રાયફ્રૂટ ચીકી તમારા માટે એક બેસ્ટ ઓપ્શન છે. ડોક્ટર પણ ડ્રાયફ્રૂટ ખાવાની સલાહ આપતા હોય છે. આ ચીકી તમે ઠંડીમાં રોજ સવારમાં એક ખાઓ છો તો આખા દિવસની એનર્જી રહે છે અને સાથે થાક પણ લાગતો નથી. તો તમે પણ આ રીતે ઘરે બનાવો ડ્રાયફ્રૂટ ચીકી.

સામગ્રી

એક કપ બદામ

એક કપ કાજુ

એક કપ પિસ્તા

આ પણ વાંચો:સિંગ-તલની ચીકી બનાવો ત્યારે આ ખાસ રીતે તલ શેકો

અડધો કપ અખરોટ

અડધો કપ ઝીણાં સમારેલા અંજીર

દ્રાક્ષ(ઓપ્શનલ છે, ઘણાં લોકોને દ્રાક્ષ ભાવતી હોતી નથી.)

એક કપ ઝીણો સમારેલો ગોળ

અડઘી ચમચી એલચી પાવડર

અડઘી ચમચી ઘી

બનાવવાની રીત

• ડ્રાયફ્રૂટ ચીકી બનાવવા માટે સૌ પ્રથમ ઉપર જણાવ્યા મુજબ બધા જ ડ્રાયફ્રૂટને ઝીણાં સમારીને પ્લેટમાં અલગ-અલગ મુકી દો. ઝીણાં સમારવાથી વેલણ સારું ફરી શકશે અને ચીકી ખાવાની પણ મજા આવશે.


• એક કડાઇ લો અને એમાં કટ કરેલા બધા જ ડ્રાયફ્રૂટને સમારીને આછા શેકી લો.

આ પણ વાંચો:પાપડ જેવી ક્રિસ્પી 'તલની ચીકી' ઘરે બનાવો

• 
  
  
  
  • હવે આ ડ્રાયફ્રૂટને અલગ ડિશમાં લઇ લો.
  
  
  • એક કડાઇ લો અને એમાં ઘી ગરમ કરવા માટે મુકો.
  
  
  • ઘી ગરમ થઇ જાય એટલે એમાં ઝીણો સમારેલો ગોળ નાંખો.
  
  
  • ગોળ પીગળી જાય એટલે એમાં ફ્રાય કરેલા ડ્રાયફ્રૂટ્સ નાંખો.
  
  
  • હવે આ ડ્રાયફ્રૂટ્સને મિક્સ કરી લો.
  
  
  • પછી એલચી પાવડર નાંખીને મિક્સ કરીને ગેસ બંધ કરી દો.
  
  
  • તમે આ ચીકીમાં સૂંઠ અને ગંઠોડાનો પાવડર પણ નાંખી શકો છો.
  
  
  • હવે પ્લેટફોર્મ ક્લિન કરી લો અને નીચે ઘી લગાવીને આ ચીકી પાથરી લો.
  
  
  • ઉપર પ્લાસ્ટિકની પાતળી થેલી મુકીને વણી લો.
  
  
  • વણીને વચ્ચેથી કટ કરી લો.
  
  
  
  

• તો તૈયાર છે ડ્રાયફ્રૂટ્સ ચીકી.


• આ ચીકી તમે બાળકોને રોજ સવારમાં આપો છો તો સૌથી બેસ્ટ છે. આ ચીકી ખાવાથી શરીરમાં સ્ટેમીના બની રહે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Life style, Makarsankranti, Recipes