Maha Shivratri 2023: ઉપવાસમાં બનાવો ચટપટી ફરાળી ટિક્કી, નોંધી લો આ સરળ રીત

લાઇફ સ્ટાઇલ ડેસ્ક: અનેક ઘરોમાં અને મંદિરોમાં મહાશિવરાત્રિની પૂજાની તૈયારીઓ ચાલી રહી છે. આ દિવસે મોટાભાગનાં લોકો ઉપવાસ કરતા હોય છે. આ વખતે 18 ફેબ્રુઆરીનાં રોજ મહાશિવરાત્રિ છે. આ દિવસે ભગવાના ભોળેનાથ અને માતા પાર્વતીના લગ્ન થયા હતા. ભોળેનાથના ભક્ત આ દિવસે પૂજા-અર્ચના કરીને પોતાનો દિવસ પૂરું કરતા હોય છે. શિવલિંગ પર અભિષેક કરીને ભગવાન પાસે મન્નત માંગતા હોય છે. આ દિવસે ઘણાં લોકો વ્રત પણ કરતા હોય છે. આમ, તમે પણ આ દિવસે ઉપવાસ કરો છો તો ફટાફટ ઘરે આ ફરાળી ટિક્કી બનાવો. આ ટિક્કી ખાવાની મજા આવે છે.

સામગ્રી

એક કપ શિંગોડાનો લોટ

બે બાફેલા બટાકા

આ પણ વાંચો:આ રીતે ઘરે બનાવો હાર્ટ શેપ પિઝા

સ્વાદાનુંસાર સિંધાલુ મીઠું

કટ કરેલાં લીલા મરચા

ઝીણી સમારેલી કોથમીર

ધાણાજીરું

દેસી ઘી

બનાવવાની રીત

•  ફરાળી ટિક્કી બનાવવા માટે સૌ પ્રથમ એક બાઉલ લો અને એમાં શિંગાડોનો લોટ લો.


• હવે બાફેલા બટાકા છોલીને મેશ કરી લો.


• બાફેલા બટાકામાં શિંગોડાનો લોટ મિક્સ કરો.

આ પણ વાંચો:રાજસ્થાની સ્પાઇસી ચટણી ઘરે બનાવવા નોંધી લો આ રીત

• પછી આમાં કાળા મરીનો પાવડર, ઝીણી સમારેલી કોથમીર, સિંધાલુ મીઠું અને જીરું પાવડર નાંખીને બટાકા અને લોટની પેસ્ટ બનાવી લો.


• આમાંથી ગોળ-ગોળ ટિક્કી વાળી લો.


• એક નોન સ્ટિક પેન લો અને એમાં ઘી ગરમ કરવા માટે મુકો.


• ઘી ગરમ થઇ જાય એટલે ટિક્કીઓ તળી લો અને એક પ્લેટમાં લઇ લો.


• આ ટિક્કીને સોસ તેમજ ચટણી સાથે ખાઓ છો મજ્જા પડી જાય છે.

ટિક્કી તળતી વખતે ખાસ આ ધ્યાન રાખો

• 
  
  
  
  • જ્યારે તમે ટિક્કી તળો ત્યારે ખાસ કરીને ગેસની ફ્લેમ મિડીયમ રાખો. ફાસ્ટ ગેસે ટિક્કી તળશો તો કલર બદલાઇ જશે.
  
  
  • કડાઇમાં એક સાથે વધારે ટિક્કી તળવા માટે નાંખશો નહીં. 4 થી 5 ટિક્કી નાખીને તળી લો.
  
  
  • આ ટિક્કી તળવા માટે તમારે ચોખ્ખુ તેલ લેવાનું રહેશે.
  
  
  • ઉપવાસમાં આ ટિક્કી ખાવા માટે દરેક વસ્તુ ચોખ્ખી લેવી જરૂરી છે.
  
  
  
  

• આ ટિક્કીમાં તમે તલ નાંખો છો તો પણ મસ્ત લાગે છે.


• તમારા ઘરમાં તીખું બધાને વધારે ભાવે છે તો તમે લીલા મરચાનું પ્રમાણ વઘારે લઇ શકો છો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Life Style News, Mahashivratri, Shivratri