રાત્રે નથી આવતી ઊંઘ? તો જીવનશૈલીમાં આ વસ્તુઓને કરો સામેલ, આ છે કેટલાક ઘરેલું ઉપાય

પ્રતિકાત્મક તસવીર

Home Remedies For Good Sleep : જે લોકો આ સમસ્યાથી લાંબા સમયથી પીડાઇ રહ્યા છે. એવામાં તેમને ડિપ્રેશન, ઇન્ઝાઇટી, વધુ પડતો તણાવ વગેરે સમસ્યા વધવા લાગે છે.

  • Share this:
    ખરાબ લાઇફસ્ટાઇલ, (Life style) તણાવ (Stress) વગેરેના કારણ ઘણા લોકો હાલ ઇનસોમ્નિયની (Insomnia) સમસ્યાથી પીડાઇ રહ્યા છે. આવા લોકોને રાત્રે ઊંઘ નથી આવતી અને જો આવે પણ છે તો સવાર સુધીમાં ઘણી વખત ઊંઘ બગડે છે. હેલ્થલાઇન (Health Line) અનુસાર આ કારણે તેઓ દિવસભર થાક અનુભવે છે અને માનસિક તણાવ અનુભવે છે. ઘણા લોકોમાં આ સમસ્યા થોડા દિવસો માટે હોય છે પરંતુ ઘણા લોકો એવા પણ છે જે લોકો આ સમસ્યાથી લાંબા સમયથી પીડાઇ રહ્યા છે. એવામાં તેમને ડિપ્રેશન, ઇન્ઝાઇટી, વધુ પડતો તણાવ વગેરે સમસ્યા વધવા લાગે છે. જો તમે પણ આવી કોઇ સમસ્યાથી પીડાઇ રહ્યા છો તો અહીં અમુક ઘરેલું ઉપાય આપેલા છે, જેને અપનાવી તમે આ સમસ્યાથી બહાર આવી શકો છો. તો આવો જાણીએ આ ઉપાયો વિશે.

    ધ્યાન કરો

    કોઇ શાંત અને ખાલી જગ્યા પર બેસી ઉંડો શ્વાસ લો. આંખો બંધ કરીને તમારા શ્વાસને મહેસૂસ કરો. આ પ્રક્રિયા 5 મિનિટથી શરૂ કરો અને 20 મિનિટ સુધી લઇ જાવ. જો તમે તેને રોજ કરો છો તો તમારો તણાવ દૂર થશે અને તમારી ભાવનાઓ પર નિયંત્રણ મેળવી શકશો. આમ કરવાથી તમારી ઊંઘ પણ સારી થશે અને તમે રાત્રે કોઇ પણ સમસ્યા વગર સુઇ શકશો.

    મંત્ર અને જાપ

    આ એક ખૂબ સારો ઉપાય છે મગજને શાંત કરવાનો. જો તમને રાત્રે ઊંઘ નથી આવતી તો કોઇ મંત્રનો જાપ કરો. જો તમને કોઇ મંત્ર નથી આવડતો તો તમે ઓમનો જાપ પણ કરી શકો છો. થોડી જ વારમાં તમે સારું અનુભવશો અને તમને ઊંઘ પણ આવી જશે.

    યોગ કરો

    સારી ઊંઘ માટે તમે રોજ 20 મિનિટ યોગની પ્રેક્ટિસ કરી શકો છો. તેનાથી તમારા મસલ્સને પણ આરામ મળશે અને તમારો મગજ પણ શાંત થશે. સારું રહેશે કે તમે કોઇ યોગા વિશેષજ્ઞ પાસેથી અલગ અલગ યોગ વિશે જાણકારી મેળવો. થોડા જ દિવસોમાં તમે વધુ સારું અનુભવશો અને તમારી રાત્રીની ઊંઘ પણ વધુ સારી થશે.

    કસરત

    શોધમાં જાણવા મળ્યું છેકે જો તમે છ મહિના સુધી સપ્તાહમાં 150 મિનિટ એક્સરસાઇઝ કરો છો તો તેનાથી ઊંઘમાં સારી અસર પડે છે અને તમે રાત્રે સારી ઊંઘ કરી શકો છો.

    મસાજ

    એક શોધ અનુસાર મસાજ થેરાપીથી ઊંઘની સમસ્યાથી બહાર આવી શકાય છે. તે થાક, બેચેની વગેરેને પણ દૂર કરવામાં મદદરૂપ છે.
    First published: