પ્રયત્ન છતાં બાળક નથી રહેતું, ક્યાં દિવસે સંબંધ રાખવો જોઈએ? માસિક બાદ કેટલા દિવસે સંભોગ કરી શકાય?

કામની વાત

હું 26 વર્ષીય પરણિતા છું. મને બે વર્ષના દામ્પત્ય જીવનમાં બાળક ન થવાથી બહુજ બેચેની થાય છે.

  • Share this:
    જાણો ડૉ. પારસ શાહ (સેક્સોલોજીસ્ટ) પાસેથી...બાળક રહેવા ક્યાં દિવસે સંબંધ રાખવો....

    પ્રશ્ન - ડોક્ટર સાહેબ, હું 26 વર્ષીય પરણિતા છું. મને બે વર્ષના દામ્પત્ય જીવનમાં બાળક ન થવાથી બહુજ બેચેની થાય છે. માસિક સમયસર 26-27 દિવસે આવે છે. ગર્ભધારણ કરવા માટે કયા દિવસે સમાગમ કરવો જોઇએ? મહેરબાની કરીને જલ્દી જવાબ આપવા વિનંતી.

    ઉકેલ - સો પ્રથમ તમે પતિ-પત્ની નિષ્ણાત ડોક્ટર પાસે ચેક-અપ કરાવીલો. ચાર-પાંચ દિવસ સુધી જાતિય સંબંધથી દુર રહીને સારી લેબોરેટરીમાં પતિના વિર્યનો રિપોર્ટ કરાવી લો. જો તેમાં કોઇ ખામી ના હોય તો પછી આપની તપાસ કરાવી લો. જો આપ બન્ને ના રિપોર્ટ નોર્મલ હોય તો મહિનાના ચોક્કસ દિવસો એ સંબંધ રાખો આ દિવસો એટલે કે માસિક આવે તેને પ્રથમ દિવસ ગણો. આ પ્રથમ દિવસથી તેરમાં દિવસ થી સોળમાં દિવસમાં દરરોજ સંબંધ રાખો કારણ કે આ દિવસોમાં તમારુ સ્ત્રીબિજ છુટું પડશે અને જો આ સ્ત્રીબીજ અને શુક્રાણુંનું મિલન થશે તો બાળક રહેશે. ચાર-પાંચ મહિના આ રીતે પ્રયત્ન કરો. પરંતું જો આમાં સફળ ના થાવ તો સોનોગ્રાફી કરાવી સ્ત્રીબીજ અલગ થયાનો ચોક્કસ સમય જાણી શકાય છે. અને તે પછી ઇન્જેક્શન દ્વારા પતિના વિર્યને લેબોરેટરીમાં સાફ કરાવી ગર્ભાશયમાં સીધે મૂકી શકાય છે. આમ કરવાથી પણ બાળક રહી શકે છે. આજની તારીખમાં વ્યંધ્યત્વની સારવાર શકય છે. પરંતુ ધીરજ રાખવી જરૂરી છે.

    સમસ્યા - મને મુઝંવતો પ્રશ્ન છે કે, સ્ત્રીને માસિક આવ્યા બાદ કેટલા દિવસ પછી સંભોગ કરવો યોગ્ય ગણાય? આપના તરફથી ‘સેક્સ’ વિશે જે રસપ્રદ માર્ગદર્શન મળે છે તે બદલ આપનો ખૂબ આભારી છું. કારણ કે સેક્સ વિશેના જ્ઞાનનો ખૂબ જ અભાવ છે. આપશ્રીનું માગદર્શક દિશાસૂચક ગણી શકાય.

    ઉકેલ - માસિકસ્ત્રાવના દિવસોમાં પણ જો આપ પતિ-પત્નીને વાંધો ના હોય તો જાતીય સંબંધ રાખી શકાય છે. મેડિકલી કોઇ વાંધો નથી. પરંતુ માસિકના સમયે ચેપ લાગવાની શક્યતા વધુ હોય છે. જેથી શક્ય હોય તો આ સમયે જાતિય સંબંધથી દુર રહેવું જોઇએ અથવા નિરોધનો પ્રયોગ કરવો હિતાવહ છે. પણ બાળક રાખવા માટે સામાન્ય રીતે માસિકના બારમાં દિવસથી અઠારમાં દિવસ સુધી દરરોજ સંબંધ રાખવો જોઇએ. કારણ કે આ દિવસોમાં સ્ત્રી બીજ છુટું પડતું હોય છે. અને આ સ્ત્રી બીજ અને શુક્રાણુંનું મિલન થાય તો ગર્ભ રહે છે બાકીના દિવસોને રિલેટીવલી સેફ સમય ગણી શકાય .એટલે કે બાકીના દિવસોમાં ગર્ભ રહેવાની શક્યતાઓ પ્રમાણમાં નહિવત હોય છે.

    તમારે પણ જો કોઈ જાતીય જીવનને લગતી સમસ્યા હોય તો Email: dr9157504000@shospital.org પર સંપર્ક કરી શકો છો.
    Published by:kiran mehta
    First published: