#કામની વાતઃ સમાગમ વખતે દુખાવો ન થાય તે માટે શું કરવું જોઈએ?

News18 Gujarati
Updated: July 7, 2019, 6:23 PM IST
#કામની વાતઃ સમાગમ વખતે દુખાવો ન થાય તે માટે શું કરવું જોઈએ?
#કામની વાતઃ જાણો ડૉ. પારસ શાહ (સેક્સોલોજીસ્ટ) પાસેથી...

છેલ્લા એક-દોઠ મહિનાથી જાતીય સંબંધ વખતે અમને બન્ને પતિ-પત્નિને દુ:ખાવો થાય છે. જેથી સેક્સમાં આનંદ આવતો નથી.

  • Share this:
સેક્સ એટલે કે જાતીય જીવનને લગતી ઘણી સમસ્યાઓ એવી હોય છે કે તે આપણે કોઈ સાથે શેર નથી કરી શકતા. તેમજ તેમાં પણ જો કોઈ પ્રશ્નો પણ થાય તો તેના જવાબ ક્યાંથી યોગ્ય રીતે મળશે તે પણ એક મોટો પ્રશ્ન બની જતો હોય છે. તો મુંજાશો નહીં ડૉ. પારસ શાહ (સેક્સોલોજીસ્ટ) આપશે તમારા દરેક પ્રશ્નોના જવાબ.

જાણો ડૉ. પારસ શાહ (સેક્સોલોજીસ્ટ) પાસેથી...સમાગમ વખતે દુખાવો થાય છે..

સમસ્યા: મારી ઉંમર 52 વર્ષ છે અને પત્ની 48 વર્ષના છે. સમય પહેલા બધુ જ બરાબર હતું. પરંતુ છેલ્લા એક-દોઠ મહિનાથી જાતીય સંબંધ વખતે અમને બન્ને પતિ-પત્નિને દુ:ખાવો થાય છે. જેથી સેક્સમાં આનંદ આવતો નથી. આમ કેમ થતું હશે?

ઉકેલ: જો પતિ-પત્ની બન્નેને સમાગમ વખતે દુ:ખાવો થતો હોય, તો સૌથી સામાન્ય કારણ યોનિમાર્ગમાં ચિકાશનો અભાવ હોઇ શકે છે. આપના પત્ની મેનોપોઝ સમયમાં છે. આ વખતે તેમના શરીરમાં હોર્મોન્સના પ્રમાણમાં ફેરફાર થાય છે. જેથી સંભોગ દરમ્યાન ચિકાશ થતા વાર લાગે છે. જેથી યોગ્ય ચિકાશ વગર પ્રવેશ કરવવાની કોષિષ કરવામાં આવે તો યોનિમાર્ગમાં ધર્ષણ થાય છે જેથી આપ બન્ને દુ:ખાવો થાય છે. આને સરળ અને ધરગથ્થુ ઉપાય એટલે કે ફોરપ્લેમાં સમય વધારે આપો અને સાથે સાથે પ્રવેશપૂર્વે ક્રિમ અથવા ખાવાના તેલનો ઉપયોગ કરો. આમ કરવાથી મોટા ભાગે તમારી તકલીફ દુર થઇ જશે. ઘણીવાર પેશાબ અથવા યોનિમાર્ગના ચેપના કારણે પણ સમાગમ વખતે દુ:ખાવો થઇ શકે છે. માટે જો એકસ્ટેન્ડેડ ફોરપ્લે અને તૈલી પદાર્થથી ફાયદો ના થાય તો તમારા ફેમિલી ડોક્ટર પાસે ઇન્ફેક્શન માટે તપાસ કરાવી લેવી જોઇએ.

તમારે પણ જો કોઈ જાતીય જીવનને લગતી સમસ્યા હોય તો Email: dr9157504000@shospital.org પર સંપર્ક કરી શકો છો.
First published: July 7, 2019
વધુ વાંચો
अगली ख़बर
corona virus btn
corona virus btn
Loading