#કામની વાતઃ એઇડ્સગ્રસ્ત સ્ત્રીને ચુંબન કરીએ તો એઇડ્સ થઇ શકે?

એઇડ્સગ્રસ્ત સ્ત્રીને આપણે હોઠથી હોઠ મલાવીને ચુંબન કરીએ તથા મુખમૈથુન કરીએ તો એઇડ્સ થઇ શકે?

એઇડ્સગ્રસ્ત સ્ત્રીને આપણે હોઠથી હોઠ મલાવીને ચુંબન કરીએ તથા મુખમૈથુન કરીએ તો એઇડ્સ થઇ શકે?

  • Share this:
    ચુંબન કરવાથી એઇડ્સ થાય? જાણો ડૉ. પારસ શાહ (સેક્સોલોજીસ્ટ) પાસેથી...

    સમસ્યા - છેલ્લા 9 વર્ષથી હસ્તમૈથુનની આદત છે. તેને કારણે મને જલ્દી સ્ખલન થઇ જાય છે. અને આજ કારણસર શિશ્ન આડું થઇ ગયેલ છે. હવે મને બીક લાગે છે કે જ્યારે સંભોગ કરવાનો વારો આવશે ત્યારે આડા શિશ્નને લીધે મને તકલીફ પડશે. અને પત્નીને આનંદ નહી આપી શકું. તો તેનો ઉપાય અને દવા સૂચવવા વિનંતી છે. જો દવાથી ફાયદો ના થાય તો ઓપરેશનથી થાય એમ હોય તો તેનો ખર્ચ કેટલો આવશે તે પણ જણાવશો. મારો બીજો પ્રશ્ન પણ છે. કોઇ એઇડ્સગ્રસ્ત સ્ત્રીને આપણે હોઠથી હોઠ મલાવીને ચુંબન કરીએ તથા મુખમૈથુન કરીએ તો એઇડ્સ થઇ શકે?

    ઉકેલ - હસ્તમૈથુન એક આદત છે. કોઇ બીમારી નથી. મોટાભાગના પુરુષોએ અને ઘણીબધી સ્ત્રીઓએ તેમના જીવનમાં ક્યારેક ને ક્યારેક તો હસ્તમૈથુનનો આનંદ માણેલ જ હોય છે. જો હસ્તમૈથુનથી શારીરિક તકલીફ થતી હોય તો ભારત દેશની વસ્તી સો કરોડની થઇ જ ના હોત. યાદ રાખો વપરાશથી વૃધ્ધિ થાય છે. અને બિનવપરાશથી શિથિલતા આવે છે. શિધ્રસ્ખલની સારવાર ઘણીવાર અત્રે ચર્ચી ચૂકેલ છે. તેના માટે જૂના લેખો વાંચવા વિનંતી.

    દરેક પુરુષની ઇન્દ્રિય થોડી જમણી કે ડાબી બાજુ, થોડી ઉપર કે નીચે તરફ કેળાના આકરનો વળાક ઘરાવતી જ હોય છે. જે એકદમ સામાન્ય બાબત છે,ચિંતાનો નહીં. જો મારી પાસે દરવાજાની ચાવી નહીં હોય તો હું બારીમાંથી દાખલ થઇશ. મારો મતલબ રૂમમાં પ્રવેશ કરવાનો છે. પછી બારણા કે બારીમાંથી પ્રવેશ કરવાથી કોઇ ફરક પડે? તે જ રીતે ઇન્દ્રિયનો વળાક ડાબી તરફ હોય કે જમણી તરફ, પ્રવેશ તો સીધો જ થશે. આનાથી તમને કે તમારા સાથીને જાતીય સંબંધમાં કોઇ જ તકલીફ નહીં પડે. તેના માટે દવા કે ઓપરેશન ની કોઇ જ જરૂર નથી. હા પરંતુ લગ્નેતર સંબંધ રાખશો તો એઇડ્સ થવાની શક્યતા પુરેપુરી છે. શરીરના દરેક પ્રવાહી જેવા કે લોહી, આંસુ, લાળ, દુધ વગેરેમાં એઇડ્સના વાયરસ મળેલ છે. પરંતુ માત્ર ચેપ થવા આ વાયરસ એકલા જવાબદાર નથી. પરંતુ કેટલી સંખ્યામાં એટલે કે વાયરલ લોડ પણ અગત્યનો છે. માટે ચેતતો નર સદા સુખી વાળી કહેવત યાદ રાખવી જોઇએ.

    તમારે પણ જો કોઈ જાતીય જીવનને લગતી સમસ્યા હોય તો Email: dr9157504000@shospital.org પર સંપર્ક કરી શકો છો.
    Published by:Bansari Shah
    First published: