#કામની વાતઃ કસરત કરવાથી જાતીય જીવનમાં વધુ આનંદ આવે?

વ્યાયામથી સેક્સ ઉપર અસર થાય?

#કામની વાતઃ જાણો ડૉ. પારસ શાહ (સેક્સોલોજીસ્ટ) પાસેથી...



નમસ્કાર, હું તમારી કોલમ નિયમિત વાંચુ છું. તમારા આપેલ ઉકેલોમાંથી મને મારી અને મારા મિત્રોની મુંઝવણનો ઉકેલ મળી જાય છે. એટલે મારે મને મારા મિત્રો ‘લવગુરુ’ કહે છે પણ અત્યારે મારી મુઝવણનો ઉકેલ તમારા સિવાય અન્ય કોઇ સારી રીતે નહી આપી શકે

પ્રશ્ન - મારી ઉંમર 20 વર્ષની છે. અને મારી ભાવિ પત્નીની ઉંમર 18 વર્ષની છે લગ્નને હજી એકાદ વર્ષની વાર છે. મારી પહેલી મુઝંવણ એ છે કે પહેલા અમે ગાલે ને હોઠે ચુંબન કરતા હતા. પણ છેલ્લા ત્રણ-ચાર મહિનાથી હું સ્તન પર ચુંબન કરુ છું આનાથી અમને કોઇ પ્રોબ્લેમ નથી થતી. પણ અમે ચિંંતિત છીએ આમ કરવાથી ભવિષ્યમાં અમારા બાળકોને અમને કોઇ પ્રોબ્લેમ તો નહીં થાય ને? મારી બીજી મુંઝવણ છે કે અમે અત્યાર સુધી સેક્સ નથી માણ્યું અને હું રોજ નિયમિત વ્યાયામ કરું છું. તો શું વ્યાયામની સાથે સેક્સ માણવાથી મારી બોડી ઉપર કોઇ આડઅસર થઈ શકે? તો કૃપા કરી યોગ્ય સલાહ આપવા વિનંતી.

ઉકેલ - નવપરિણીતો અને જેના ટુંક સમયમાં લગ્ન થવાના છે તેવા યુવક-યુવતિઓ એ પણ આજના ઇન્ટરનેટ યુગમાં જાતીય શિક્ષણ વૈજ્ઞાનિક સાહિત્યમાંથી કે ક્વોલિફાઇડ સેક્સોલોજીસ્ટ પાસેથી મેળવવું આવશ્યક છે. કેટલીવાર જાતીય અજ્ઞાનને કારણે પતિ-પત્ની એકબીજા સાથે કોઇ ચોક્કસ ર્સ્પશ. ચુંબન કરવા માગતા હોવા છતાં તેમ કરવામાં ગભરાટ, શરમ-સંકોચ અનુભવતા હોય છે. જેમ કે ઇન્દ્રિય ને સ્પર્શ શકાય સ્તન પર ચુંબન કરી શકાય અથવા ચુંબન કરવાથી ગર્ભ રહેશે? વગેરે સાહજિક અને સામાન્ય ગણાતી ક્રિયાઓ પણ અજ્ઞાનને કારણે કરતાં ડરતા હોય છે અથવા શરમ અનુભવતા હોય છે નવપરણીતોને મારીસલાહ છે કે તેઓ એકબીજા સાથે પોતાની જાતિય ઇચ્છાઓ, કલ્પનાઓ, ટેવ-કુટેવ વગેરેની મુક્ત મને ચર્ચા કરે. સાથીના ક્યાં અંગ જોવાથી કે સ્પર્શ કરવાથી કોમોતેજના અનુભવાય છે અને કેવી ચેષ્ટા કરે તો ઉતેજના અવુભવાય છે તેવી નિખાલસ ચર્ચાની આદત લગ્નજીવનની શરૂઆતથી પાડો એ ભવિષ્યના જાતીય જીવન માટે ઇચ્છનીય છે. બાકી શરીરના કોઇ પણ ભાગ ઉપર સ્પર્શ કરવાથી, ચુંબન કરવાથી આપને, આપના સાથીને કે આવનાર બાળકને આજે કે ભવિષ્યમાં ક્યારેય તકલીફ નહી થાય. વ્યાયામ શરીર માટે ખૂબ જ જરૂરી છે પછી તે બાળક હોય, જુવાન હોય, આધેડ ઉંમરે પહોંચતી વ્યક્તિ હોય અથવા વૃધ્ધ માણસ હોય. વ્યાયામથી શરીર તંદુરસ્ત અને સ્ફુર્તિલું રહે છે. અને જે આખા શીરર માટે સારું તે સેક્સ માટે પણ હિતકારી જ છે. જો તમે દરરોજ બે કિલોમિટર ચાલશો તો તમને ભવિષ્યમાં નપુંસકતા આવવાની શક્યતા ખૂબ જ ઓછી રહે છે. જે લોકો નિયમિત વ્યાયામ કરે છે તેઓ આળસુ વ્યક્તિ કરતા વધુ વખત, વધુ સારી રીતે જાતીય જીવન માણી શકતા હોય છે અને તેમના સાથીને પણ મોટે ભાગે પુરતો જાતીય સંતોષ આપી શકતા હોય છે.

તમારે પણ જો કોઈ જાતીય જીવનને લગતી સમસ્યા હોય તો Email: dr9157504000@shospital.org પર સંપર્ક કરી શકો છો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Dr paras shah, Kaam ni vat, Sex education, Sexologist, કામની વાત