આ રીતથી ઘરે જ બનાવો બહાર જેવી ચટાકેદાર દહીંપુરી

અમદાવાદ : આપણે ઘરે દહીંપુરી તો બનાવતા જ હોઇએ છીએ. પરંતુ બહાર જેવો ટેસ્ટ આવતો નથી. તો આજે આપણે જોઇશું કે દહીંપુરી કઇ રીતે બનાવવાથી એકદમ ચટાકેદાર બને છે.

સામગ્રી
200 ગ્રામ – બટેટા
100 ગ્રામ – બાફેલા ચણા
1 મોટી ચમચી – લીલા મરચાની પેસ્ટ
1 કપ – તીખી બુંદી(મમરી)
1/2 કપ – સમારેલી ડુંગળી
1/2 કપ – લસણની ચટણી
1/2 કપ – કોથમીર –ફુદીનાની ચટણી
1 કપ – ગળ્યું દહીં
1 ચમચી – જીરાનો પાઉડર
1/2 ચમચી – સંચળ
2 ચમચી – સમારેલી કોથમીર
1/2 કપ – ઝીણી સેવ
30 નંગ – પકોડી
સ્વાદાનુસાર – મીઠું

આ પણ વાંચો - કોરોનાથી બચવા ઘરે જ માસ્ક બનાવવું છે? જાણો કેવા પ્રકારનું કપડું વધારે અસરકારક રહેશે!

બનાવવાની રીત

• સૌ પ્રથમ બાફેલા બટેટા અને ચણાને એક બાઉલમાં લઈને બરાબર મસળી લો. આમ કરવાથી પકોડી જેવો જ માવો તૈયાર થઈ જશે.


• માવો મસળી લો પછી તેમાં લીલા મરચાની પેસ્ટ, મીઠું, લાલ મરચુ અને તીખી બૂંદી ઉમેરીને બરાબર મિક્સ કરો.


• પાણીપુરીની પુરીમાં વચ્ચે કાંણુ પાડો. તેમાં બટેટાનું મિશ્રણ ભરો અને તેના પર ડુંગળી ભભરાવો. હવે તેમા ગળ્યું દહીં ઉમેરો.


• ત્યાર પછી કોથમીર-ફૂદીનાની લીલી ચટણી અને લસણની ચટણી ઉમેરો. છેલ્લે ફરીથી દહીં ઉમેરો.


• આ રીતે બધી જ પૂરીમાં માવો અને ચટણીઓ ઉમેરાઈ જાય પછી તેના પર જીરુ પાવડર, લાલ મરચુ અને સંચળ ઉમેરો.


• ત્યાર બાદ ઉપરથી સેવ ભભરાવો. તેના પર તમે ઝીણી સમારેલી કોથમીરથી ગાર્નિશ કરી શકો છો. તૈયાર છે સ્વાદિષ્ટ દહીં પુરી.

લૉકડાઉનમાં પુરી પણ તમે ઘરે જ બનાવી શકો છો. તો જોઇએ પુરી બનાવવાની રીત

સામગ્રી :

નાની સોજી (1 કપ)
મેદો (1 ચમચી)
મીઠું( 1/2 ચમચી)
ગરમ પાણી (1/2 કપ)
તળવા માટે તેલ

બનાવવાની રીત :

ઉપર જણાવેલ સામગ્રીઓને ભેગી કરી થોડીક કઠણ કણક બાંધી લો. આ પુરી ના લોટ ને 20 મિનિટ સુધી રહેવા દો. પછી બનાવી પુરી તળી ને 2 કલાક સુધી બહાર રાખવી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર