Hair tips: ઘરમાં Coconut Milkથી હેર સ્પા કરવાથી વધશે વાળની લંબાઈ અને સુંદરતા

Hair Spa With Coconut Milk: વાળને મજબૂત, રેશમી અને ચમકદાર બનાવવા માટે, તમે પાર્લર પર જાઓ અને હેર સ્પાની મદદ લો. પરંતુ આ પદ્ધતિ ખૂબ જ ખર્ચાળ છે અને સાથે સાથે તેના પરિણામો પણ દેખાતા નથી. તેથી જો તમે ઈચ્છો તો નારિયેળના દૂધની મદદથી ઘરે કુદરતી હેર સ્પા લઈ શકો છો. તે વાળને તાકાત અને સુંદરતા આપવાનું કામ કરે છે. તેમજ તેની કોઈ આડઅસર થતી નથી. હવે તેને ઘરે કેવી રીતે કરી શકાય, ચાલો જાણીએ.

આવી રીતે કરો તૈયારી

સૌથી પહેલા એક કાચા નારિયેળને છોલીને તેના નાના-નાના ટુકડા કરી લો. પછી નારિયેળને મિક્સર જારમાં નાખો, એક કપ પાણી ઉમેરો અને તેની બારીક પેસ્ટ બનાવો. હવે એક મલમલ કાપડ લો અને તેને એક વાસણ પર ફેલાવો અને તેમાં નાળિયેરની પેસ્ટ નાંખો અને તેનું દૂધ બહાર કાઢો.

આ પણ વાંચો: Parenting Tips : શુ તમારા બાળકો પણ કરે છે રમકડા ખરીદવાની જીદ, બાળક આ રીતે કરાવો પૈસાની કદર

આ રીતે કરો ઉપયોગ

હવે આ દૂધને હેર કલર બ્રશની મદદથી તમારા આખા સ્કેલ્પ પર સારી રીતે લગાવો. જો તમે ઈચ્છો તો નારિયેળના દૂધમાં એક ચમચી મધ પણ મિક્સ કરી શકો છો. આ પછી, વાળની ​​સમગ્ર લંબાઈ પર દૂધને સારી રીતે લગાવો. જ્યારે નાળિયેરનું દૂધ વાળના મૂળથી છેડા સુધી લગાવવામાં આવે ત્યારે પાંચ મિનિટ સુધી વાળમાં હળવા હાથે મસાજ કરો. આ પછી, પાણી ગરમ કરો અને તેમાં ટુવાલ સ્વીઝ કરો અને તેને માથાની આસપાસ લપેટો જેથી આખા વાળ પણ સારી રીતે ઢાકી શકાય. જ્યારે ટુવાલ ઠંડુ થાય છે, ત્યારે ફરી એકવાર દૂધને મૂળથી વાળના છેડા સુધી સારી રીતે લગાવો અને ફરીથી માલિશ કર્યા પછી ટુવાલ લપેટો. આ પ્રક્રિયાને ત્રણથી ચાર વખત પુનરાવર્તન કરો. એક કલાક પછી વાળને સ્વચ્છ પાણીથી ધોઈ લો.

આ પણ વાંચો: Painless Delivery: જાણો કેવી રીતે થાય છે કોઈ પણ જાતના દુખાવા વિના બાળકનો જન્મ

નાળિયેર દૂધ હેર સ્પા લેવાથી વાળની ​​મજબૂતાઈ વધે છે. તેમજ વાળ રેશમી અને ચમકદાર બને છે. આટલું જ નહીં તેના ઉપયોગથી વાળનો ગ્રોથ પણ ઝડપથી શરૂ થાય છે અને ડેન્ડ્રફ અને ડ્રાયનેસથી પણ છુટકારો મળે છે. નારિયેળના દૂધથી હેર સ્પા કરવાથી વાળની સોફ્ટનેસમાં વધારો થાય છે અને તેની સાથે જ વાળની લંબાઈ અને સુદરતામાં પણ વધારો થાય છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Hair care, Hair tips, Lifestyle