Navratri Food : નવરાત્રીમાં પ્રસાદી માટે આ રીતે બનાવો શીરો, સ્વાસ્થ્ય માટે પણ રહેશે લાભકારી

News18 Gujarati
Updated: October 14, 2020, 4:45 PM IST
Navratri Food : નવરાત્રીમાં પ્રસાદી માટે આ રીતે બનાવો શીરો, સ્વાસ્થ્ય માટે પણ રહેશે લાભકારી
સોજીનો શીરો

માતાના પ્રસાદનું નવરાત્રીના સમયે ખાસ મહત્વ હોય છે. તમે પણ નોંધી લો આ હેલ્થી રેસિપી

  • Share this:
નવરાત્રીના પાવન અવસરે ઘર ઘરમાં મા દુર્ગાની પૂજા અચર્ના કરવામાં આવે છે. અને આ સમયે અનેક લોકો ઘરે માતાજીના ઘટસ્થાપના કરી પૂજાવિધિ કરે છે. અનેક લોકો નવરાત્રીના નવે નવ દિવસ ઉપવાસ પણ રાખે છે. સાથે જ ઘરે ઘરે નવરાત્રીમાં માતાજીની આરતી અને પૂજાનો કાર્યક્રમ પણ થાય છે. નવરાત્રીના આ પાવન અવસર પર અનેક લોકો ખાસ માતાજીની પ્રસાદી બનાવે છે. અને માતાના પ્રસાદનું નવરાત્રીના સમયે ખાસ મહત્વ હોય છે.

નવરાત્રીના આ પાવન અવસર પર તમે જો માતાજીના પ્રસાદી બનાવાનું વિચારી રહ્યો છે અને તેમાં પણ હેલ્થ સાથે ટેસ્ટ મિક્સ થાય તેવી આશા રાખો છો તો અમારી પાસે તમારા માટે એક ખાસ રેસિપી છે. આ રેસિપી તમારા અને તમારા પરિવાર માટે હેલ્થી પણ છે અને તેમાં મીઠાશનો ટેસ્ટ પણ ભળશે.

સામાન્ય રીતે આપણે નવરાત્રીમાં માતાજીના પ્રસાદ તરીકે સોજીનો શીરો કે હલવો બનાવીએ છે. આ જ રીતેમાં ખાલી સામગ્રી બદલીને તમે તેને હેલ્થી પણ બનાવી શકો છો. તો જાણીલો સામગ્રી

1 વાટકી શેકેલી સોજી
1 વાટલી ડેટ સીરપ (ખજૂરનું મધ)
5 મોટી ચમચી સૂકું ક્રશ કરેલું કોપરું2 મોટી ચમચી ડ્રાયફ્રૂટનો ભુક્કો
2 વાટકી પાણી કે દૂધ (ઇચ્છા મુજબ)
ચપટી ઇલાયચીનો ભુક્કો
1 મોટી ચમચી ઘી

વધુ વાંચો : નવરાત્રીમાં મા દુર્ગાના આ નવ સ્વરૂપોની થાય છે પૂજા, તમામ દેવીઓનું છે ખાસ મહત્વ

નોન સ્ટીકમાં ઘી મૂકી તેમાં સોજી નાંખો. તે પછી 2 મિનિટ બાદ ડ્રાયફૂટનો ભૂકો અને કોપરું નાંખો. એક-બે મિનિટ પછી તેમાં 2 કપ પાણી કે દૂધ, કાંતો એક કપ પાણી અને એક કપ દૂધ નાંખો. અને સારી રીતે ઉકળવા દો. મિશ્રણ ઘટ્ટ થવા લાગે અને ઘી છૂટે એટલે તેમાં ડેટ સિરપ અને ઇલાયચી મીક્સ કરો અને થોડી વાર હલાવી ગેસ બંધ કરી લો. શીરો થાળીમાં પાથરી તેને ડ્રાયફ્રૂટ કે પછી દાક્ષની સજાવો. તમે સજાવટમાં ગુલાબની પત્તીનો પણ ઉપયોગ કરી શકો છો.



આમ આ શીરો સુગર ફ્રી પણ બનશે અને કાપરું, ખજૂર અને ડ્રાયફ્રૂટ આવવાથી હેલ્થી પણ બનશે. અને તમારા પરિવારને તમે એક નવી રેસિપી પણ આપી શકશો. ત્યારે નવરાત્રીના આ અવસર પર ચોક્કસથી ટ્રાય કરો આ રેસિપી.
Published by: Chaitali Shukla
First published: October 14, 2020, 4:45 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading