Health Special Article: ગર્ભાવસ્થા ધારણ કરવાની યોગ્ય ઉંમર કઈ? પ્રેગ્નેન્સીનુ આયોજન કરતી વખતે કઈ બાબતોનુ ધ્યાન રાખવું જરૂરી

Pregnancy In Woman: માતૃત્વ ધારણ કરવું કોઈપણ સ્ત્રીના જીવનની સૌથી મહત્વપૂર્ણ ઘટના છે. જો કે માતૃત્વ ધારણ કરવા માટે સ્ત્રીનુ સ્વાસ્થ્ય તંદુરસ્ત હોવું પણ ખૂબ જ જરૂરી છે. આ કારણે જ ડોક્ટરો ગર્ભાવસ્થાની યોજના માટે આદર્શ ઉંમર 21-35 વર્ષની વચ્ચે હોવાનું કહે છે. તેનો મતલબ એવો નથી કે 35 વર્ષ પછી કોઈ વ્યક્તિ ગર્ભ ધારણ કરવાની કલ્પના કરી શકે નહીં, હકીકતમાં, વર્તમાન યુગમાં ઘણી સ્ત્રીઓ 35 વર્ષની ઉંમર પછી પ્લાનિંગ કરવાનું શરૂ કરે છે અને તેમાંથી મોટાભાગની ગર્ભધારણ થાય છે, પરંતુ આ સફર બધા માટે સરળ નથી. જેમ-જેમ યુગલોની ઉંમર વધતી જાય છે તેમ-તેમ ગર્ભધારણ સાથે સંકળાયેલા તણાવ અને ચિંતા વધી જાય છે. યુગલો સરળતાથી ચિંતિત થઈ જાય છે જો તેઓને બે મહિનાની અંદર સકારાત્મક સગર્ભાવસ્થા પરિણામ ન મળે તો આ યુગલો અચાનક કૃત્રિમ પ્રજનન પદ્ધતિઓ જેમ કે ફોલિક્યુલર સ્ટિમ્યુલેશન, ઇન્ટ્રાઉટેરિન ઇન્સેમિનેશન, ઇન વિટ્રો ફર્ટિલાઇઝેશન વગેરેનો વિકલ્પ પસંદ કરે છે.

આ લેખ આયુર્વેદ ડોક્ટર ડો. રેશમાના સૂચન અનુસાર લખવામાં આવ્યો છે.

અન્ય મહત્વપૂર્ણ તબીબી પરિબળ જે 35 વર્ષ પછી ગર્ભધારણ માટે સમસ્યા ઊભી કરે છે તે પ્રજનનક્ષમતા સૂચક છે. જેમ જેમ સ્ત્રીઓની ઉંમર વધે છે તેમ, ઓવ્યુલેશન માટે ઉપલબ્ધ ફોલિકલ્સની સંખ્યામાં ઘટાડો થાય છે, જેના પરિણામે અયોગ્ય અને અનિયમિત ઓવ્યુલેશન થાય છે અને ક્યારેક ઓવ્યુલેશન થતું નથી અને ઈંડાની ગુણવત્તામાં પણ ઘટાડો થાય છે. આને કારણે, સ્ત્રી હોર્મોન્સ પૂરતા પ્રમાણમાં ઉત્પન્ન થતા નથી જે ગર્ભાશયની ગ્રહણશક્તિમાં વધુ સમસ્યાઓનું કારણ બને છે.

આ પણ વાંચો: N18 Health Special: યુવાનોમાં શા માટે વધી રહ્યા છે સ્ટ્રોક અને હુમલાના કેસો? આ લક્ષણો દેખાય તો ચેતી જજો

મોડી ઉંમરે રહેલી ગર્ભાવસ્થામાં જટિલતાઓ પણ તેટલી જ વધારે હોય છે. પ્રારંભિક ત્રિમાસિક કસુવાવડ, ગર્ભાવસ્થા પ્રેરિત હાયપરટેન્શન, ડાયાબિટીસ, ગર્ભનું ઓછું વજન, વૃદ્ધિ મંદતા, રંગસૂત્રો અને જન્મજાત સમસ્યાઓ, અકાળ જન્મ, બાળકના જન્મ દરમિયાન વધતું જોખમ વગેરે જેવી તકલીફો સંકળાયેલી છે. તે માટે જ મોટી ઉંમરે થતી ગર્ભાવસ્થામાં ખાસ કાળજી રાખવાનુ સૂચન કરવામાં આવતું હોય છે.

આ પણ વાંચો: Health Special Article: માત્ર એક ફેલોપિયન ટ્યૂબ કાર્યરત હોય તો ગર્ભ ધારણ કરી શકાય? જાણો પ્રેગ્નન્સી માટે મહત્વ

આ કારણોને લીધે, એવી ભલામણ કરવામાં આવે છે કે યુગલ તેમના વીસના દશકાના અંતમાં અને ત્રીસના દાયકાની શરૂઆતમાં ગર્ભાવસ્થા માટે આયોજન કરે. જો કે આ સમયગાળા દરમિયાન પણ આ બાબતનુ ધ્યાન રાખવું ખૂબ જરૂરી છે કે સગર્ભા સ્ત્રીનુ પૂર્ણ ધ્યાન અને કાળજી રાખવામાં આવે. આ સાથે જ તણાવમુક્ત વાતાવરણ પ્રદાન કરવું પણ તેટલું જ અનિવાર્ય છે. સ્વસ્થ અને સારી માતૃત્વ યાત્રા સુનિશ્ચિત કરવા માટે આયોજન કરતા પહેલા શારીરિક અને માનસિક રીતે સ્વસ્થ રહેવું ખૂબ જ મહત્વપૂર્ણ છે.

(આ લેખ આયુર્વેદ ડોક્ટર ડો. રેશમાના સૂચન અનુસાર લખવામાં આવ્યો છે.)

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Female Health, Pregnancy, Pregnant