આ લોકોએ કાજુ ખાતા પહેલાં સો વાર વિચારવું, નહીં તો તાત્કાલિક દવાખાન દોડવું પડશે

લાઇફ સ્ટાઇલ ડેસ્ક: ડ્રાય ફ્રૂટ્સમાં કાજુ અનેક લોકોને પસંદ હોય છે. કાજુ ખાવાની બહુ જ મજા આવે છે. એમાં પણ કાજુ સાથે દ્રાક્ષ કોઇ આપી દે છે તો ખાવાની મોજ પડી જાય છે. કાજુ સ્વાદની સાથે-સાથે સ્વાસ્થ્ય માટે અનેક રીતે ફાયદાકારક છે. કાજુમાં ફાઇબર, પ્રોટીન, મિનરલ, આયરન, મેગ્નેશિયમ, ફોસ્ફરસ, સેલેનિયમ, કેલ્શિયમ અને એન્ટી ઓક્સિડન્ટ્સની માત્રા ભરપૂર હોય છે. કાજુ ખાવાથી શરીરને તાકાત મળે છે. પરંતુ તમને એક ખાસ વાત એ જણાવી દઇએ કે કાજુનું સેવન સીમિત માત્રામાં કરવું જોઇએ. જો તમે વધારે માત્રામાં કાજુનું સેવન કરો છો તો હેલ્થને ફાયદો નહીં, પરંતુ નુકસાન થાય છે. તો જાણી લો તમે પણ કાજુ વઘારે માત્રામાં ખાવાથી હેલ્થને શું થાય છે નુકસાન.

પેટ સંબંધીત સમસ્યાઓ

તમને અપચો, કબજીયાત જેવી સમસ્યા રહે છે તો તમે કાજુનું સેવન કરશો નહીં. આમાં મળતું ફાઇબર તમારી સમસ્યાને વધારી શકે છે. જો તમને કબજીયાતની તકલીફ છે અને તમે કાજુ વધારે માત્રામાં ખાઓ છો તો આ તકલીફમાં વધારો થાય છે.

આ પણ વાંચો:આ રીતે ડુંગળીના ફોતરાંનો ઉપયોગ કરો

માથાનો દુખાવો

તમને સતત માથુ દુખ્યા કરે છે તો તમે કાજુનું સેવન કરવાનું ટાળો. કાજુનું વઘારે માત્રામાં સેવન કરો છો તો માથુ વધારે દુખે છે અને સાથે તમને બેચેની જેવું લાગે છે.

કોઇ પણ રીતની એલર્જી

તમે કાજુ ખાઓ છો અને તમને કોઇ પણ પ્રકારની એલર્જી થાય છે તો તમે કાજુ ખાવાનું બંધ કરી દો. ઘણાં લોકોને કાજુ ખાવાથી પણ એલર્જી થતી હોય છે. આ સાથે જ તમને કોઇ શરીરમાં એલર્જી છે તો પણ તમે કાજુ ખાવાનું ટાળો.

આ પણ વાંચો:કોરોનાથી બચવા સવારમાં પીઓ આ ચા

બ્લડ પ્રેશર

હાઇ બ્લડ પ્રેશરના દર્દીઓ કાજુ સીમિત માત્રામાં ખાઓ. કાજુમાં મળતા પોષક તત્વો તમારું કોલેસ્ટ્રોલ લેવલ વધી શકે છે. આમ, જો તમને હાઇ બ્લડ પ્રેશરની સમસ્યા છે તો તમે સીમિત માત્રામાં કાજુનું સેવન કરો.

નાના બાળકોને દિવસમાં 4 થી 5 કાજુ આપો

તમે ઘરમાં નાના બાળકોને કાજુ આપો છો તો સીમિત માત્રામાં આપો. એક અહેવાલ મુજબ નાના બાળકોને દિવસમાં 4 થી 5 કાજુ આપવા જોઇએ.

નોંધ: આ લેખમાં આપેલી જાણકારી સામાન્ય આધારીત છે. આ માટે પહેલાં એક્સપર્ટની સલાહ લેવી આવશ્યક છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Dry Fruits, Health care, Life style