Home /News /lifestyle /

દિવસભર શરીર થાકેલું રહે છે? ખૂબ જ ખરાબ છે આ લક્ષણ, બની શકે છે અનેક બીમારીઓનું કારણ

દિવસભર શરીર થાકેલું રહે છે? ખૂબ જ ખરાબ છે આ લક્ષણ, બની શકે છે અનેક બીમારીઓનું કારણ

થાક લાગવા પાછળ હોઇ શકે છે આ કારણો હોઇ શકે જવાબદાર

શરીરમાં સતત થાક એનિમિયાનું કારણ બની શકે છે. એનિમિયા રોગને કારણે વ્યક્તિના શરીરમાં ખૂબ જ નબળાઈ આવી જાય છે. તે જ સમયે શરીરમાં એનર્જી ઓછી હોવાની સાથે માથાનો દુખાવો, શ્વાસ લેવામાં તકલીફ જેવી અન્ય સમસ્યાઓનો પણ સામનો કરવો પડી શકે છે. તેથી જો થાક ચાલુ રહે છે, તો ચોક્કસપણે ટેસ્ટ કરવો સલાહભર્યો છે.

વધુ જુઓ ...
    લાઇફ સ્ટાઇલ : શરીરમાં થાક અનુભવવો એ એક ખૂબ જ સામાન્ય વાત છે. જોકે આ એક સમસ્યા પણ હોઈ શકે છે. તેની પાછળ ઘણા કારણો હોઈ શકે છે જેમ કે ઊંઘ ન આવવી, ડાયટ રૂટિનનું યોગ્ય રીતે પાલન ન કરવું વગેરે. જોકે થાક લાગવાની આ સમસ્યા વધુ પડતી લાંબી ચાલે તો તેને નજરઅંદાજ ન કરવી જોઈએ.

    જો થાક લાગતી હોવાની સમસ્યા વધુ વધી જાય તો તમારે ઘણી ગંભીર સમસ્યાઓનો સામનો પણ કરવો પડી શકે છે. થાક લાગે ત્યારે કામ કરવાની ઈચ્છા નથી થતી અને આળસ પણ આવે છે. આ સમસ્યા અનેક ગંભીર રોગો પણ સૂચવે છે, તેથી તમારા શરીરમાં થાકની સમસ્યા યથાવત રહે છે. તો તેની પાછળના કારણો શું છે અને તેનાથી કઈ-કઈ ગંભીર બીમારીઓ થઈ શકે છે તે પણ જાણવું જરૂરી છે.

    લોહીની ઉણપ અપાવે છે થાક :

    શરીરમાં સતત થાક એનિમિયાનું કારણ બની શકે છે. એનિમિયા રોગને કારણે વ્યક્તિના શરીરમાં ખૂબ જ નબળાઈ આવી જાય છે. તે જ સમયે શરીરમાં એનર્જી ઓછી હોવાની સાથે માથાનો દુખાવો, શ્વાસ લેવામાં તકલીફ જેવી અન્ય સમસ્યાઓનો પણ સામનો કરવો પડી શકે છે. તેથી જો થાક ચાલુ રહે છે, તો ચોક્કસપણે ટેસ્ટ કરવો સલાહભર્યો છે.

    આ પણ વાંચો-Protein bars: શું સ્વાસ્થ્ય માટે પ્રોટીન બારનું સેવન હિતાવહ છે? કઈ બાબતોનું ધ્યાન રાખવું જરૂરી?

    ડાયાબિટીસને કારણે લાગી શકે છે થાક :

    જો તમારા શરીરમાં સતત થાક અનુભવાય છે તો તેનું સૌથી મોટું કારણ ડાયાબિટીસની બીમારી પણ હોઈ શકે છે. બીજી તરફ જો આપણે ડાયાબિટીસ હોવાના અન્ય સંકેતો વિશે વાત કરીએ તો થાક, ભૂખ ન લાગવી, વારંવાર પેશાબ આવવો અને ગુસ્સો જેવા અન્ય લક્ષણો પણ જોવા મળે છે.

    રુમટોઈડ આર્થરાઈટીસ પણ એક કારણ :

    રુમટોઇડ આર્થરાઈટીસ(સંધિવા) પણ થાક પાછળનું સૌથી મોટું કારણ હોઈ શકે છે. તેના કારણે શરીરમાં દુખાવો રહે છે અને માસપેશીઓને નુકસાન થવાનું જોખમ પણ વધારે રહે છે. હાડકાં પણ નબળા પડી શકે છે, જે થાકનું સૌથી મોટું કારણ હોઈ શકે છે.

    માનસિક તણાવ પણ અપાવે છે થાક :

    સતત ડિપ્રેશનમાં રહેનાર વ્યક્તિની વિચારવાની અને સમજવાની ક્ષમતા ધીરે ધીરે ઓછી થતી જાય છે. આવી સ્થિતિમાં તે દિવસભર થાક અનુભવે છે. તે જ સમયે મનમાં નકારાત્મક વિચારો પણ આવતા રહે છે, જેના કારણે કંઈપણ નવું કરવાની ઈચ્છા સમાપ્ત થઈ જાય છે. ડિપ્રેશન માનસિક તણાવની સાથે થાકનું પણ કારણ બને છે.
    Published by:Margi Pandya
    First published:

    Tags: Health Tips, Lifestyle stress, Weakness

    આગામી સમાચાર